ارجو الرد من خبراء السيراتو

[shark12345]

امبارح يا جماعة استلم احد اصدقائي نيو سيراتو مانيوال وكان فيه بعض الاشياء نريد الاستفسار عنها وهي

1-عداد السرعة والكيلو متر مش شغلاين كلمنا المعرض قال كده طبيعي ولما نستلم الضمان والافراج الجمركي حتشتغل فكنت عاوز رئيكم وبرجاء السرعة قبل ما نرخص
2- نور التابلوة علطول منور حتي و الفوانيس مطفية

ارجو الافادة وجزاكم الله خيرا

[Ahmed Samy]

العربية دي اتلعب فيها و فصلوا عداداتها علان يمشو بيها براحتهم ...و خصوصا المعارض خارج القاهرة لأن العربة بتسافر على الطريق سواقه مش على ناقلة

انت مستلمها من الشركة ولا من معرض ...

بضمان الوكيل ولا خليجي ....

والنور تلاقيهم لطشو فيشته و هما بيفكو كابلات العدادات .........



لو ممكن تغير العربية دي ...غيرها

ولو مش ناوي ....يبقى خليك عارف للي فيها

[ahmadyusuf]

اكيد طبعا الكلام ده مش طبيعى و انا من رايى الشخصى انك متقبلش تستلم العربيه بالشكل ده , و فعلا فى معارض بيمشوا بالعربيات و يسقوها و انا مره كنت رايح اتفرج على العربيه فى معرض فى مدينة نصر لقيت عربيه سيراتوا واحد ركبها و مشى و بسال صاحب المعرض عن العربيه اللى بفتحة سقف قالى كانت لسه موجوده من دقيقتين !!!

[dasboot]

1- موضوع نور التابلوه ده طبيعي جدا, طول ما المفتاح في الكونتاك هيفضل منور, عربيتي كده
2- موضوع العداد ده بقي نصب, العربيه دي فصلوا عدادها و سفروها سواقه و ممكن يكونوا عملوا بيها مشاوير

و انا لو مكانك اخرب بيتهم و لو مرضيوش عليك و علي جهاز حماية المستهلك وش

[TeMoON]

1- موضوع نور التابلوه ده طبيعي جدا, طول ما المفتاح في الكونتاك هيفضل منور, عربيتي كده
2- موضوع العداد ده بقي نصب, العربيه دي فصلوا عدادها و سفروها سواقه و ممكن يكونوا عملوا بيها مشاوير

و انا لو مكانك اخرب بيتهم و لو مرضيوش عليك و علي جهاز حماية المستهلك وش

الله ينور عليك يا استاذ زياد ولكم باك ومنور المنتدى وانا معاه فى الرد دا انك تخرب بيتهم وتقدم شكوى لحقوق المستهلك عشان المعارض نصابة وبتسرق والمفروض صاحبك كان اشتراها من موزع معتمد بتكون انضف من 100 معرض

[dasboot]

الله ينور عليك يا استاذ زياد ولكم باك ومنور المنتدى وانا معاه فى الرد دا انك تخرب بيتهم وتقدم شكوى لحقوق المستهلك عشان المعارض نصابة وبتسرق والمفروض صاحبك كان اشتراها من موزع معتمد بتكون انضف من 100 معرض

ربنا يخليك يا تيتو, انا هنا كل يوم والله بس بتخانق مع اعضاء الإتحاد العام لمؤيدي الإلنترا في الموضوع بتاع الإلنترا احسن من السيراتو :)

[TeMoON]

ربنا يخليك يا تيتو, انا هنا كل يوم والله بس بتخانق مع اعضاء الإتحاد العام لمؤيدي الإلنترا في الموضوع بتاع الإلنترا احسن من السيراتو :)

يا زياد باشا لولا اختلاف الاذواق لبارت السلع هو شايف ان الالنترا احسن هو حر احنا شايفين الكيا احلى احنا احرار بس طبعا المعروف ان كيا فى التوكيل وفى مصر كا عربية احسن من هيونداى هو شايف انها احسن من السيراتو فا انت كدا رديت علية وتمام اوى هو هيشترى هيونداى الف مبروك هيشترى سيراتو بردو الف مبروك ياباشا السيراتو عربية حلوة والالنترا عربية حلوة هو الى هيركب مش احنا وهو الى هيتبهدل فى التوكيل بردو مش احنا وهو الى هيتلسع من اونكل غبور بردو مش احنا
بس انت قمت بشغل جامد وبتصد الهجوم الشرس على النيو سيراتو وربنا يخليك لشركة كيا وكل الكياوية وانا عاوز اعرف اية اخر اخبارك مع فوزية (النيو سيراتو ) ابئة طمنا

[dasboot]

يا زياد باشا لولا اختلاف الاذواق لبارت السلع هو شايف ان الالنترا احسن هو حر احنا شايفين الكيا احلى احنا احرار بس طبعا المعروف ان كيا فى التوكيل وفى مصر كا عربية احسن من هيونداى هو شايف انها احسن من السيراتو فا انت كدا رديت علية وتمام اوى هو هيشترى هيونداى الف مبروك هيشترى سيراتو بردو الف مبروك ياباشا السيراتو عربية حلوة والالنترا عربية حلوة هو الى هيركب مش احنا وهو الى هيتبهدل فى التوكيل بردو مش احنا وهو الى هيتلسع من اونكل غبور بردو مش احنا
بس انت قمت بشغل جامد وبتصد الهجوم الشرس على النيو سيراتو وربنا يخليك لشركة كيا وكل الكياوية وانا عاوز اعرف اية اخر اخبارك مع فوزية (النيو سيراتو ) ابئة طمنا

ده كلام اكيد بس احنا بنتناقش في فنيات هندسية, بس هما بيتناقشوا بغل و عصبيه اوي, لاكن متخافش انت فاكر انت قلت ايه علي إللي بيتخرج من كليتي ششششششششششششش
و فوزيه تماااااااااااااااااااام, كايده العزال في الشوارع و في ناس من سكان كفر "الهنادوه" بالذات بيستفزوني علشان اشد في الشارع لكن انا حارق دمهم :b4_592:

[TeMoON]

ده كلام اكيد بس احنا بنتناقش في فنيات هندسية, بس هما بيتناقشوا بغل و عصبيه اوي, لاكن متخافش انت فاكر انت قلت ايه علي إللي بيتخرج من كليتي ششششششششششششش
و فوزيه تماااااااااااااااااااام, كايده العزال في الشوارع و في ناس من سكان كفر "الهنادوه" بالذات بيستفزوني علشان اشد في الشارع لكن انا حارق دمهم :b4_592:

يا زياد باشا يا جامد اية الحلاوة دى يا كايد العزال وياحرق دم البشر اية الجمال دا الله ينور يا معلم وان شاء الله لما استلم واحضر لاليكس لازم اكلمك واقابلك ونشد سوا ونفرج البشر على السيراتو وجمالها وانت اخبارك اية فى الامتحانات والمذاكرة طمنا عليك

[shark12345]

شكرا يا رجالة علي ردودكو وانشاء الله حنتصرف في الموضوع ده والعربية ضمان الوكيل وجيبنها من معرض في مدينة نصر بس يا جماعة في نقطة العربية نزلت من شاحنة العربيات ادام عنينا هي وكذا عربية كمان كانوا جايين المعرض يس انا حبلغ صاحب السيارة ومتشكر ليكم كلكم علي سرعة الاستجابة

[popzzzzz]

العربية دي اتلعب فيها و فصلوا عداداتها علان يمشو بيها براحتهم ...و خصوصا المعارض خارج القاهرة لأن العربة بتسافر على الطريق سواقه مش على ناقلة

انت مستلمها من الشركة ولا من معرض ...

بضمان الوكيل ولا خليجي ....

والنور تلاقيهم لطشو فيشته و هما بيفكو كابلات العدادات .........



لو ممكن تغير العربية دي ...غيرها

ولو مش ناوي ....يبقى خليك عارف للي فيها

اية يا استاذ دنتة كرهت الراجل فيل عربية واليوم الى جبها فيهت حرام عليك كفاية دنتى حتى بيعتو العربية خلاص

[ahmadyusuf]

يا ريت تبقى تطمنا عملت ايه مع المعرض و ان شاء الله كل خير

[Ahmed Samy]

اية يا استاذ دنتة كرهت الراجل فيل عربية واليوم الى جبها فيهت حرام عليك كفاية دنتى حتى بيعتو العربية خلاص

هو لما نقول الحق علشان خايفين على المصلحة يبقى انت ده اللي وصللك ؟؟

ما كناش عارفين هيا عبية ملتها ايه ولا المعرض محترم ولا لأ ولا العربية بضمان ولا لأ .

و احنا لسه فيها لأنه لسه مستلم و ممكن يرجعها أو يبدلها (لأنها لسه زيرو و عدادها ما بينطقش).

خلاص ..أقوللك ...

انت ممكن تقوله (ولا يهمك عادي خدها و افرح بيها و ابقى روح شوفها مالها و كله بيعدي )

و خلاص ...


___________________
للأخ صاحب الموضوع
مادام العربية بضمان الوكيل و نازلة من على الونش قدامك بقى تاخدها و تطلع على الوكيل و طمنتني انها سليمة ان شاء الله