سيراتو الجديدة تاكسي في السعودية

[horas3000]

انا عارف الكلام اللي بتقولوه ده بحكم وجودي في الكويت

اللي الناس ممكن متعرفوش ان في الكويت مثلا و معظم دول الخليج فيه قانون ان التاكسي عمرة ميزدش عن 5 سنين (في الكويت 3) باي حال من الاحوال و ان الترخيص للعربية التاكسي بيكون مرة واحدة عشان كدة الشركات يتجيب عربيات زي الكامري و الكرولا و الخ عشان العربيات دي سعر اعادة بيعها بيبقي عالي فميخسروش كتير لما يبعوها و يجوبوا بدالها جديد

اما بالنسبة للسيراتو فالغريب كونها لسة منزلتش ملاكي في السعودية اصلا عشان تلحق تبقي تاكسي و كونها لسة مثبتتش نفسها عشان يتعرف سعر اعادة بيعها. و اغلب الظن ان الشركة او السخص اللي قلبها تاكسي معتمد ان فيها كتير من الالنترا المعروفة في السعودية و عليها طلب

[M.Osman]

طيب اية رايكم انى شفت كامرى فى دبى تاكسى كانت واقفة عند المظار
ومحدش يقزلى وسعت منك انا بتكلم بجد

عادي جدا..
هو انت مشوفتش شيفرولية لومينا كمان هناك ولا أية ؟

[yoko]

على فكره يا جماعة ده العادي أنا عايش في السعوديه والله أقل عربية ركبتها تكسي كانت كامري
وللعلم ودي حاجة كتير من الي عايشين بره ميعرفوهاش إن البوليس في السعودية اللومينا والكابريس بيتم تعديلها وبيتسقطلها متور ٧٢٠٠ سي سي توين تربو
وقدام عيني واحد كسر إشارة كان معدي من جنبي على ١٨٠ أو أكتر وبتاع البوليس كان واقف تحت الإشارة(راكن) شافة بعد ٥٠٠ متر كان جايبة وخبطة ومركبة الرصيف!!!!!!!!!!!!! ده كان في الخبر في شارع الظهران الي متجه للطريق السريع

[TeMoON]

والله الحمد لله على النعمة الى احنا فيها والحمد لله ان الواحد بينام من غير عشا بمزاجة عشان الريجيم

[Bossy_Fadl]

عادي جدا

There is nothing special about that

هاي الطبيعي في دول الخليج

و اللي المفروض يكون طبيعي بأي دولة محترمة

يعني معني انو تاكسي ان العربيه لازم تكون طالع عينها و جايبه دخان من كل مكان و قالبه عداد؟

شو فيها لما التاكسيات تكون احدث موديل و احسن عربيات؟

علي الاقل راح تعطي منظر حضاري للبلد

الموضوع طبيعي

احنا بس اللي عنينا اخدت علي الفقر

الله يجازي اللي كان السبب

[Ahmed Samy]

[frame="7 80"]

احنا بس اللي عنينا اخدت علي الفقر

الله يجازي اللي كان السبب

[/frame]


بجد ....
ماعنديش ما أضيفه على السطرين دول

غير اني أبروزهم

[M.ABDEEN]

[frame="7 80"]

[/frame]


بجد ....
ماعنديش ما أضيفه على السطرين دول

غير اني أبروزهم

الله ينور يا احمد باشا ويا سلام بقه لو البرواز ده يتحط كلوحة اعلانات على التاكسيات بتاعتنا

[أبو_يوسف]

ابن خالتى هناك بيشترى عربية مع صحابه يوم الوقفة و يرموها فى الصحراء بعد العيد ما يخلص .

دي بدل الأضحية ولا ايه؟

[tarekabosdera]

معنى انها تتعمل تاكسي معناها انها عربية محترمة وبستحمل الظروف القاسية لان كل العربيات التاكسي اللي هناك عربيات نظيفة جدا زي الكامري والالنترا دول اكتر حاجتين وفي عربيات كابرس ولومينا ونيسان التيما وعلى فكرة اللانسر مبتتعملش تاكسي هناك وهي اصلا قليلة هناك ومش مرغوبة.......

[drhaytham]

طيب اية رايكم انى شفت كامرى فى دبى تاكسى كانت واقفة عند المظار
ومحدش يقزلى وسعت منك انا بتكلم بجد

ما وسعتش يا فادي ولا حاجة انا مقيم في السعودية ومعظم العربيات التاكسي هنا كامري لان الخليجيين بيموتوا في التويوتا
كلامك صح يا باشا

[ashraf229]

السيراتو موجود تاكسي هنا في الرياض كام واحدة بس لأن التاكسيات كلها غالبا كامري و تاني حاجة بعدها سوناتا و شفروليه ابيكا و فيه انواع كتير زي الألنترا و الألتيما و الفورد كراون فكتوريا و ميركوري جراند ماركيز و شفروليه كابريس و لومينا وغيرها........

و عندي صور لهم قولولي ازاي أحملهم لو عايزين تتفرجوا.........

بس مفيش نهائيا كرولا و لا سيفك و لا لانسر ولا الحاجات دي ..........

العربيات دي بتتغير بصفة مستمرة يعني كل الكامريات اللي في الشوارع الشكل الجديد و نادر لما تلاقي الشكل اللي قبله...

لأن الموضوع مربح أقل توصيلة عشرة ريال فما فوق و البنزين هنا في السعودية ببلاش.............

البنزين ال 91 سعره 45 هلله للتر يعني 0.45 ريال يعني حوالي 60قرش

و البنزين 95 سعره 60 هلله يعني 0.60 ريال يعني حوالي جنيه واحد

يعني فووول و عيش فايه يعني 2000 سي سي و الكلام ده بأقولكم كابرس و كراون فكتوريا تاكسي!!

(ملحوظة: لما تفول ب 15 ريال بتأخد علبة مناديل فاين هدية )

اللهم لا حسد...............

[mishtawy]

احنا بس اللي عنينا اخدت علي الفقر

الله يجازي اللي كان السبب

الكلام ده مضبوط 100/100 ومش فى السيارات بس لكن في كل شئ خاصة العمارات والمباني المختلفة والطرق وهذا ادى الى ان كل شئ اصبح عشوااااااااااااااااااااائياتعلى فكرة مدينةالقاهرة في يوم من الايام فازت بجائزة اجمل مدينة فى العالم ايوة في العالم 1920 ورايت صورة لمنطقة كنيسة البازيليك مصر الجديدة 1908 لو قيل انها في باريس صدق (مصر الجديدة - الزمالك -جاردن سيتي -وسط البلد )كانت ايه وبقت ايه عشواااااااااااااااااااااااااااائيات ولن نتكلم عن المدن التي انشئت اصلا عشوائيات اسف على الاطالةلكن فعلا احترس البلد بترجع للخلف

[M.Moustafa]

السيراتو موجود تاكسي هنا في الرياض كام واحدة بس لأن التاكسيات كلها غالبا كامري و تاني حاجة بعدها سوناتا و شفروليه ابيكا و فيه انواع كتير زي الألنترا و الألتيما و الفورد كراون فكتوريا و ميركوري جراند ماركيز و شفروليه كابريس و لومينا وغيرها........

و عندي صور لهم قولولي ازاي أحملهم لو عايزين تتفرجوا.........

بس مفيش نهائيا كرولا و لا سيفك و لا لانسر ولا الحاجات دي ..........

العربيات دي بتتغير بصفة مستمرة يعني كل الكامريات اللي في الشوارع الشكل الجديد و نادر لما تلاقي الشكل اللي قبله...

لأن الموضوع مربح أقل توصيلة عشرة ريال فما فوق و البنزين هنا في السعودية ببلاش.............

البنزين ال 91 سعره 45 هلله للتر يعني 0.45 ريال يعني حوالي 60قرش

و البنزين 95 سعره 60 هلله يعني 0.60 ريال يعني حوالي جنيه واحد

يعني فووول و عيش فايه يعني 2000 سي سي و الكلام ده بأقولكم كابرس و كراون فكتوريا تاكسي!!

(ملحوظة: لما تفول ب 15 ريال بتأخد علبة مناديل فاين هدية )

اللهم لا حسد...............

اخر زيارة ليا الرياض شهر ابريل الماضي شوفت لانسر شارك تاكسي

[yoko]

اخر زيارة ليا الرياض شهر ابريل الماضي شوفت لانسر شارك تاكسي

دي بتبقى فالتة كده لكن الأغلب فوق ال٢٠٠٠ سيسي وغالبا كامري

[seaman]

والله ديه حاجه تاكسف