أيه هيا عيوب النيوسيراتو

[yoko]

أنا إحتمال كبير إني أجيب النيو سيراتو بعد التنازل عن الكورولا والأوكتافيا لأسباب مادية بحتة (عشان أنصار الياباني والأوروبي مايهدروش دمي بس)
وأنا قريت عن العربية كتير وعرفت كل مميزاتها بس هيا إيه عيوبها بالنسبة للناس الي إستخدموها وأنا ناوي أنزل النهاردة أو بكرة بالكتير عشان أشوفها

[enas75]

حتي الان لم تظهر اي مشاكل معي شخصيا ...........ومتهيالي مش حينفع حد يقولك عن عيوبها لانها مامشيتش كتيير في الشارع المصري........
لو حضرتك ناوي ان شاء الله.........لازم تحط في اعتبارك انها عامله زي البطيخه
العربيه مش بس جديده في مصر
دي جديده علي مستوي العالم
تقيماتها حتي الان.....مبدائيه...مش نهائيه
الحاجه العامه عنها
ان عفشتها ناشفه.بس بما انك كنت ناوي علي الاوكتافيا.تقريبا زيها
لما تنوي تشوفها خد بالك انه في فرق في الخامات بين اول فئه والفئات العاليه..........ياريت تشوف واحده خليجي علشان تبقي عارف مستوي الداخلي ليها
لان بصراحه لو ركبت اول فئه اتوماتيك حتنزل منها زعلان ومضايق................كله بلاستيك وكئيب
الفئات العاليه فيها جلد ونواكل وشكلها انضف ولطيف
شكلها بالظبط زي اللي علي موقع كيا
وربنا يوفقك

[Eng.Sameh]

نصيحة ... لو الفلوس مقصرة معاك الفترة دي .. هات حاجة ياباني أو اوروبي كسر زيرو ... أحسن مليون مرة من نيو سيراتو زيرو ، بس طبعا مش اي كسر ومش أي ياباني أو اوربي ، يعني مثلا كسر لحد 15000 أو 20000 بالكتير هتبقى كانها زيرو مع المراجعة الدقيقة لتلافي احتمال الحوادث ، وبالنسبالي أرشحلك ( مازدا3 - سيفيك - اوكتافيا 5 )
........ دي نصيحة لوجه الله بعيد عن أي تعصب .........

[yoko]

أنا ناوي على الي ب١١٦ ألف الي قبل الhigh line ومن غير فتحت سقف وأنا عارف إنها لسة جديدة بس الافيو مثلا بانت مشاكلها خلال ٦ شهور بس من ساعة نزولها والكيا بصراحة عربيات محترمة جدا وأكبر دليل إنها شغالة حلو جدا في دول الخليج طبعا معادا السعودية
وأكيد مش أنشف من العفشات الرياضية الي أنا متعود عليها فلو كده بس يبقي عادي (أنا بحب العفشات الناشفة)

[yoko]

نصيحة ... لو الفلوس مقصرة معاك الفترة دي .. هات حاجة ياباني أو اوروبي كسر زيرو ... أحسن مليون مرة من نيو سيراتو زيرو ، بس طبعا مش اي كسر ومش أي ياباني أو اوربي ، يعني مثلا كسر لحد 15000 أو 20000 بالكتير هتبقى كانها زيرو مع المراجعة الدقيقة لتلافي احتمال الحوادث ، وبالنسبالي أرشحلك ( مازدا3 - سيفيك - اوكتافيا 5 )
........ دي نصيحة لوجه الله بعيد عن أي تعصب .........

أنا مقتنع إن أي عربية كسر الزيرو اكيد فيها مشاكل لإن لو كانت كويسة مكنش بعها ولا إية رأيك
وممكن اجيب كسر زيرو لو من حد أعرفة وعارف هو بيبعها ليه

[Eng.Sameh]

أنا مقتنع إن أي عربية كسر الزيرو اكيد فيها مشاكل لإن لو كانت كويسة مكنش بعها ولا إية رأيك
وممكن اجيب كسر زيرو لو من حد أعرفة وعارف هو بيبعها ليه

لأ طبعا فيه اسباب كتيرة ممكن تخلي أي حد يبيع عربيته كسر زيرو ( محتاج فلوس - مسافر - هيغير - .......الخ) ، مش لازم يكون عيب في عربيته ، وزي ما قلتلك انت لازم تعملها فحص دقيق في التوكيل او مركز معتمد ، ولو تمام يبقى خلاص .

[alisleman]

مفيش احسن من الجديد بس لو هتجيب السيراتو يبقى اصبر لما تعرف انطباع الناس
العربية لسه ممشيتش على الطريق مش ممكن يكون فيها عيوب ولسه ما بنتشى

[yoko]

أنا كده كده مستني لما أخلص من الأفيو

[dasboot]

حتي الان لم تظهر اي مشاكل معي شخصيا ...........ومتهيالي مش حينفع حد يقولك عن عيوبها لانها مامشيتش كتيير في الشارع المصري........
لو حضرتك ناوي ان شاء الله.........لازم تحط في اعتبارك انها عامله زي البطيخه
العربيه مش بس جديده في مصر
دي جديده علي مستوي العالم
تقيماتها حتي الان.....مبدائيه...مش نهائيه
الحاجه العامه عنها
ان عفشتها ناشفه.بس بما انك كنت ناوي علي الاوكتافيا.تقريبا زيها
لما تنوي تشوفها خد بالك انه في فرق في الخامات بين اول فئه والفئات العاليه..........ياريت تشوف واحده خليجي علشان تبقي عارف مستوي الداخلي ليها
لان بصراحه لو ركبت اول فئه اتوماتيك حتنزل منها زعلان ومضايق................كله بلاستيك وكئيب
الفئات العاليه فيها جلد ونواكل وشكلها انضف ولطيف
شكلها بالظبط زي اللي علي موقع كيا
وربنا يوفقك

+1111111111111
هو كده بالضبط لكن احساسي العام بالسيارة انها قوية إلي ان يثبت العكس

[yoko]

شكرا ليكو وأنا هنزل بكرة روكسي أشوف العربية

[AHMED REFAT]

اخى الحبيب لم ازيد كثيرا عن تعليقات احبتى فى الله السابقة ففعلا السيارة مازلت قيد الاختبار فى السوق ولم تظهر لها مشاكل ملموسة بخلاف سوء الماتريل المستخدم فى الصالون ففعلا ردئ شوية ولكن لانك سوف تحظى ان شاء الله بالفئة العالية فتابلوها به الكثير من الكروم يضفى عليه جمالا مع اضواء التابلوه الحمراء والراديو والتكيف الديجتال ... التقيم المبدئى لها ممتاز ومتوقع انها تحظى بالسوق المصرى هذا العام وتتصدر الكثير من السيارات لكثرة الكماليات المطروحة فيها والسعر المعتدل والشكل الجديد المميز وقوة التوكيل الجديد لكيا .. ولكن المازدا 3 الجديدة على وشك النزول ولم يحدد سعرها الى الان واذا كان سعرها قريب فستندم ولكنى انصحك بالصبر لحين نزولها لعلك تندم لان المازدا بصراحة سيارة ممتازة والشكل الجديد جيد نوعا الا انه لم يحظة بكثير عن الشكل القديم ولكنها مازدا 3 هذا لعدم الندم فقط لكن بالنسبة للسيراتو اذا استخرت الله وتوكلت ربنا يبارك فيها فكما قلت لك سابقا تقيم السيارة ممتاز الى الان .. وفقنى الله واياك الى ما يحب ويرضى

[yoko]

شكرا ليك بس أنا بصراحة مبرتحش للمازدا مع إن أول عربية والدي جابها في السعودية مازدا 929 وكانت مطلعة عينا لإنها كانت مستخدمة وحالتها زي الزفت
وحتى المازدا 6 مع صحابي في السعوديه محبتهاش
ده غير إنها واطية جدا وأنا كل يوم بدب مشوار من مصر الجديدة لحلوان وفي طريقي في الإتوستراد فيه بتاع 22 جبل (قصدي مطب) فهتحك وهتتبهدل ده غير شوارع حلوان الي من كتر ما هيه ناعمة بتحس إنك ماشي على دبش مش أسفلت

[M.Mostafa80]

العر بيه أنا جربتها من زميلى فى المكتب زى الفل وموضوع العفشه الناشفه ده نتيجه ضغط الكاوتش اللى مش مظبوط تخيلو بيظبط الكاوتش لقاه واخد 54 تخيلو يعنى كتله حجريه متحركه على فكره انا راكب ألمانى صحيح هى فئه صغيره من الألمانى ولكنها ألمانى ومع ذلك عجبتنى العربيه لما جربتها ومش هقولك شكل ولا وسع ولا أرتفاع مظبوط عشان المطبات ولا سحب وأستجابه فتيس أستبترونك تحفه وطبعا كل دا ومحصلش قرص على العربيه لأنها لسه فى أول ألف ك على فكره أعوذ بالله من كلمه انا كل الناس الى حواليا من أصدقائى وقاريبى بياخدو بمشورتى فى العربيات ودا لحبى لهذا المجال ومتابعتى ليه بأستمرار وبيثقو فى نتيجه تجاربى ورأى وبسبب دا بقلك أتكل على الله بعد ماتستخيره وأعوذ بالله من الغرور بس دى فعلا عربيه جميله وهتعمل نتايج حلوه وخصوصا مع توكيل محترم الى كان بيراعاه محمد نصير نسألكم الفاتحه واللى أبنه المحترم هيكمل مسيره والده

[yoko]

شكرا ليك جدا وأنا زيك كدة عشان كده والدي راميلي الموضوع بس بعد الي حصل معيا في الأفيو بقيت أقلق أوي
بالذات أنا من الناس الي بتحس بالمشكلة أول ما تبتدي وصحابي بيركيبوني العربية عشان أطلعلهم العيوب الي فيها وده مسببلي مشكلة إني بحس بالعيب مهما كان بسيط
أنا حتى الصنايعية بيكرهوني إني بجبلم العربية وقولهم كذا بايظ يقولولي لأ مفيهوش حاجة فقول خلاص بتهيقلي والله أخرها إسبوعين والي قولت إنه بايظ يطلع بايظ فعلا

[yoko]

أنا رحت المعرض النهاردة وشوفت العربية هيا مشاء الله واسعة جدا من جوه للأسف مكنش فية غير أقل حاجة في الأتوماتيك
التبلوه الناس كانت بتقول خامتة مش حلوة أنا بصراحة شايفها معقولة أوي
العربية الsx الإتوماتيك الفول أوبشن من غير فتحت سقف ال١١٦ ألف فيها abs و ebd و2airbag وجنوط ١٧
العربية صالونها واسع والشنطة واسعة جدا أكتر من ما كنت متخيل الصور مبيناها أصغر من الحقيقي
الفرش حلو ومريح جدا العربية شكلها تحفة بالذات في اللونين الأسود والأحمر
بس حسيت الموتور حجمة صغير أوي في الكبوت (تحس إن الكبوت فاضي)
الصاج بتاع العربية حلو مش ضعيف كنت متوقع إنه أضعف من كده :k32:
حكاية الإريال إنه مش في الإزاز مديقاني لإني هتضر أفكة كل ما أركب العربية (عشان ميتسرقش)