برجاء الإفادة يا راكبى النيو سيراتو

[de3bis]

أنا حاجز نيو سيراتو SX من شهر ابريل يعنى المفروض خلال يونيو أكون بأستلم إن شاء الله ( إذا العربيات وصلت ) المهم أنا عايز أعرف إذا كانت النيو سيراتو بتعوم على السرعات العالية (فوق ال 120 مثلا ) من خلال تجربة الناس اللى أستلموا فعلا.

برجاء سرعة الإفادة علشان لو فيها مشكلة الغى الحجز و أشوف لى حاجة تانية مع العلم إنى راكب دلوقتى ياريس 2006 مانيوال نصف اوبشنز .

و شكرا للجميع مسبقا :k32:

[NaderNabil]

جربها بنفسك و إحكم...
إحساس الناس غير إحساسك الشخصي...و مستوي العومان عندك يختلف عند الناس التانية...

عشان كده أفضل حاجة تجرب العربية بنفسك...

[de3bis]

اجربها فين ح اكون استلمت ووقعت الفاس فى الراس برجاء المساعدة و نقل الخبرات و مسألة " إحساسك الشخصي " دى ح اعمل حسابها

[a7mednour]

والله اللي استلموا العربية بيقولوا ان ثباتها خرافي وخصوصا مع الجنط 17
وكان الاخ غازي بيقول ان جاب بيها 170 وكانت ثابته معاه ... بس هوة كان جاب 170 كتجربة مش هي سواقته كدة...
عموما بجد الاغلبية بيشيدوا بثباتها ....
وبعدين أخي بلاش السرعات الزائدة عن الحد ... حرام عليكم حياتكم تهدروها كدة ...
صدقني يوم ما توصل لأهلك بالسلامة دي بالدنيا ...مش هتيجي من نص ساعة تاخير...
في العجلة الندامة وفي التأني السلامة
وربنا يهديك الى ما فيه الخير...

[yoko]

أنا ناوي أجيبها برده بس بصراحة مشوفتش حد عاب في ثباتها (والعهده على الراوي)

وبعدين أخي بلاش السرعات الزائدة عن الحد ... حرام عليكم حياتكم تهدروها كدة ...
صدقني يوم ما توصل لأهلك بالسلامة دي بالدنيا ...مش هتيجي من نص ساعة تاخير...
في العجلة الندامة وفي التأني السلامة
وربنا يهديك الى ما فيه الخير...

والله الواحد مبيجريش فوق ال١٢٠ غير لما تكون فية مصيبة أو متأخر على إمتحان

[ahmadyusuf]

السلام عليكم و رحمه الله و بركاته

سؤال للى معاه النيو سيراتو , هل فيه صفاره فى العربيه بعد ال 120 ولا لأ , لانها بتبقى مزعجه اوى

[yoko]

العربية فيه علامة حمراء على 120 لما تتجاوزه لمبة في التبلوه مكتوب عليها 120KM بتنور ومن غير Alarm تن تن تن .....

من موضوع تقيم السيراتو Ex بعد 1000 كم - بالصور للأستاذ ahmed_su
بس ده في موديل ٢٠٠٨ معرفش نيوسيراتو أيه بس غالبا هتبقى زيها يا ريت لو حد مجرب يقولنا

[M.ABDEEN]

يا باشا من تجارب اللي استلمو ا فهي ثابتة وكمان في كاوتش 17 بجنط وكمان وزن العربية تقيل كل ده يديك ثبات ....يا ريتهم كانوا نزلوها قبل ما اجيب الشكل القديم اصل اخوك هيموت عليها!!!!!!!!!!!وبعدين ده الشكل القديم ثبات عالي مابالك باجديد مع عوامل الامان ؟؟؟؟؟وبعدين الثبات نسبي من شخص لاخر ومن عربية لاخرى وربنا يوفقك

[de3bis]

الله يطمنكو ايوه كده ساعدونا على الإنتظار و عدم تغيير رأينا
أشكركم على الردود

[dr.amr]

العربيه ثابته تماما
والثبات بتاعها علي المنحنيات اكثر من رائع بجد مذهل
وانتظر التقييم المبدئي والمقارنه مع الالنترا

[de3bis]

العربيه ثابته تماما
والثبات بتاعها علي المنحنيات اكثر من رائع بجد مذهل
وانتظر التقييم المبدئي والمقارنه مع الالنترا

يا ريت لأن المقارنه مع الالنترا مهمة جدا بالنسبة لى

[Ahmed Samy]

اتفضل ....

يمكن اقدر افيدك أكتر

معادلة الثبات و العفشة الناشفة في السيراتو الجديدة
Ahmed Samy

[dasboot]

انا لسه لم اسافر بها حتي الآن، لكن عندي في الإسكندرية بمشي بيها علي البحر متوسط 120كم و باخد غرز و ملفات عادي جدا و احب اشيد بالفرامل خاصة ما شاء الله بتلم بقوة و ال ebd معمول ب equation دقيقة جدا و مش بيخرف ابدا، و علي سبيل التجربة جبت 160كم في الجزء من كبري استانلي حتي الإبراهيمة و كانت تمام و كنت مرتاح رغم انني صعب أطمئن لسيارة

[M.Mostafa80]

ياراجل حرام عليك السرعه دى على الكورنيش وبعدين هو كدا أنت محتاج تجرب على طريق صحراوى منتا جربت جوا البلد أهو
أتقى الله فى نفسك وفى اللى حواليك أنا مش بهجمك بس خايف عليك وعلى الناس اللى فى الشارع بس

[de3bis]

انا لسه لم اسافر بها حتي الآن، لكن عندي في الإسكندرية بمشي بيها علي البحر متوسط 120كم و باخد غرز و ملفات عادي جدا و احب اشيد بالفرامل خاصة ما شاء الله بتلم بقوة و ال ebd معمول ب equation دقيقة جدا و مش بيخرف ابدا، و علي سبيل التجربة جبت 160كم في الجزء من كبري استانلي حتي الإبراهيمة و كانت تمام و كنت مرتاح رغم انني صعب أطمئن لسيارة

إيه الحكاية هو الناس كلها من عندنا " أسكندرية " ولا إيه أنا ح أمشى أدور عليكو على البحر علشان أدردش معاكو عن العربية لحد لما ربنا يسهلها و نستلم بس بالله عليكم طمنونا عموما اذا كانت النيو سيراتو فى المجمل تستحق كل هذا الإنتظار , أحسن ده أنا لم أنتظر كل هذا الوقت ولا حتى لما جيت أتجوز كان الموضوع أسهل من كده " يارب مراتى متسمعنيش"