إعـــــــلان

Collapse

.

,
See more
See less

تقييم النيو سيراتو والمقارنه مع الالنترا

Collapse
X
Collapse
 
  • Page of 4
  • Filter
  • الوقت
  • Show
Clear All
new posts
السابق 1 2 3 4 template التالي
  • #1

    تقييم النيو سيراتو والمقارنه مع الالنترا

    بسم الله الرحمن الرحيم

    (اولا و قبل ما اكتب اي حاجه عايز اقول اني مش داخل انقض اي سياره لأن انا بحب الاتنين فياريت ماحدش يهاجمني او يتكلم بعنف لأني بحاول اقيم العربيتين بما يرضي الله وبدون ما انحاز لواحده عن الاخري ولو في حد عنده اعتراض ياريت نتناقش بهدوء لأننا في الاول والاخر اخوات في منتدي واحد ...... وشكرا)

    طبعا انا هحاول اقيم النيو سيراتو في شكل مقارنه مع الالنترا لأنها هتفيد ناس كتير مع اني معترض علي النقطه ده لأن الالنترا تتقارن بالسيراتو الشكل القديم اما موضوع مقارنه مع جيل جديد هتكون ظالمه الي حد ما للالنترا

    1-الشكل الخارجي (انا مش هحط عليه تقييمات لأنه الحاجه الوحيده اللي ممكن تحكم عليها وهي العربيه واقفه من غير ماتركبها)

    2-الشكل الداخلي
    -النيو سيراتو: الصراحه اكتر شيء شدني للسيراتو شكلها الداخلي والوانها الداخليه المتناسقه بداية من العدادات الرائعه والكاسيت الجامد جدا والطاره المالتي فنكشن شكلهم جميل جدا وخصوصا بالليل ماشاء الله بجد رائع جدا وكمان في ميزه تانيه انك ماتسمعش صوت طقطقه من التابلوه مع المطبات علي عكس الالنترا .....بس مشكلتها الوحيده الخامات البلاستيك ولكن تقفيلها جيد جدا ومفيش حتت مفارقه عن بعض (8.5)

    -الالنترا:افضل شيء في الانترا هي الخامات المستخدمه في التابلوه خامات طريه اعتقد انها من الفوم وبعض الخامات البلاستيكيه في فتحات التكييف واللي بتعمل صوت طقطقه مع المطبات ومع تشغيل التكييف وبرضه تقفيل الطابلوه جيد ولكنه اقل من السيراتو (7)

    3-الوسع الداخلي والكنبه الخلفيه
    -النيو سيراتو:بصراحه انا بستغرب من اللي بيقول ان الكنبه الخلفيه ضيقه ...انا شايف علي العكس تماما انها واسعه جدا وللعلم انا طويل وكمان في ميزه مش بس انا اللي لاحظتها في كذا شخص لاحظها ان اللي كان بيركب ورا في النترا كان ممكن يشعر بعض الاحيان بدوار ولكن في السيراتو لا (8.5)

    -الالنترا:وسع الكنبه جيد ولكن مشكلتها معايا كان الدوار اللي بحس بيه وانا راكب ورا (7.5)

    4-التكييف
    -النيوسيراتو: ماشاء الله قوي جدا وعمري ماعليته عن 3 في عز الحر وغالبا الصبح علي 2 وبالليل علي واحد (9)

    -الالنترا:اكبر مشكله في الالنترا هي التكييف علي الدرجات 1 2 3 ماتحسش بأي حاجه لازم تجيبه علي 4 علشان تحش بيه بس طبعا اي حد بيبقي قاعد ورا كان بيتعب من الحر فعلا ضعيف جدا (6.5)

    5-العفشه
    -النيو سيراتو:طبعا انا اول ما اخدت العربيه حسيت اني راكب هامر بجد نشوفيه غير عاديه روحت محطة البنزين لقيت الكاوتش علي 55 طبعا حمدت ربنا لأني كنت ناوي ارميها من فوق اي جبل لوكانت هي دي عفشتها بس بصراحه العفشه بتتطري كل مدي وهي مش عفشه يعني تبوظ اللي راكب فيها ممكن اشبهها بعفشة الالنترا الشكل القديم االي هو 2006 (7.5)

    -الالنترا: اكبر ميزه للالنترا علي السيراتو هي العفشه الطريه بس برضه انا عايز اوضح علشان مااخدعش حد ان العفشه مثلا مش زي بتاعة الكورولا الشيب القديم هي ادق وصف ليها انها حنينه ولكن مش طريه زي الكورولا (8.5)

    6-الثبات علي الطريق وفي المنحنيات
    -النيو سيراتو: ثبات رائع جدا العربيه بتديك ثقه رهيبه في الثبات علي الطرق السريعه اما المنحنيات فده حكايه تانيه فعلا انا اول مره اركب عربيه ثباتها علي المنحنيات بالشكل ده .....اللي خلاني اقول كده ملف واحد جربت عليه 3 عربيات ياريس وكانت هتقلب منه وربنا سترها النترا وطبعا كانت افضل من الياريس بس برضه ماكانتش زي ماتوقعت اما السيراتو فماشاء الله (9)

    -الالنترا:العربيه ثباتها جيد علي الطرق المستقيمه ولكن في المنحنيات بصراحه مش حلوه بحس ان العربيه بتلب مني وبحس انها محتاجه تكون مركز معاها جدا (7.5)

    7-الباور
    -النيوسيراتو:الباور تقيل بس مش قوي زي اي باور هيدروليك بس انا بحبه بصراحه (7.5)

    -الالنترا:الباور عامل زي المياه مريح جدا في الركن وفي الاماكن الضيقه ولكن في الطرق السريعه لازم تبقي مركز معاه كويس لأنه ممكن يخونك بسرعه وبسهوله (7)

    8-الشنطه
    تقريبا نفس الوسع في الاتنين

    9-استهلاك البنزين
    تقريبا نفس الاستهلاك مع العلم ان الالنترا مانيوال والسيراتو اوتوماتيك

    10-قوة المحرك
    نفس القوه تقريبا مافيش فرق ملحوظ

    11- الفرامل
    مافيش اختلاف تقريبا

    12-العزل
    عزل السيراتو افضل من الالنترا قليلا ولكن الاتنين جيدين

    13-المرايات الجانبيه
    في السيراتو افضل ..... انا مش فاه ليه اللي صمم الالنترا عمل المرايات صغيره كده؟؟

    14-صوت المحرك
    الالنترا صوت المحرك هادي مابيظهرش غير عند 2.5 ار بي ام
    اما السيراتو فصوتها مسموع وفي ناس بتقول عليه خشن بس انا بحب صوته جدا وبقيت احب اسوق وانا فاتح الشباك علشان اسمه صوته هو ذات طابع رياضي

    15-التوكيل
    مش هقول جديد الكل عارف غبور ونصير .... انا بس هقول ان الالنترا لسه مشحمه من جوه من مطرح الصنايعيه

    16-السياره في كلمه

    السيراتو: سياره ذات طابع رياضي رشيق
    الالنترا :عربيه محترمه ولكنها اتظلمت بوضعها في المقارنه ده


    انا خلصت واتمني اني مااكونش نسيت حاجه ولو فيه اي حد عايز يستفسر عن حاجه ياريت يتفضل
    http://www.fx-arabia.com/vb/showthread.php?t=9654
    الكلمات الدلالية (Tags): 20, 2006, 50, automatic, cerato, comparison, good, manual, اركب, استهلاك البنزين, الاخر, الالنترا, الاول, البنزين, التو, التوكيل, التي, السيراتو, العزل, اللي, النترا, النيو, الي, ام, انا, اوتوماتيك, بجد, بدون, بس, بنزين, تقييم, تكييف, توكيل, ثبات, حل, رائع, ريس, سوق, سير, سيراتو, شايف, صوت, صوت الموتور, عايز, عداد, عدادات, عربيه, عفشة, عفشه, عن, غبور, فرامل, فرق, فلتر, فلتر التكييف, في, قلب, قوة, كاسيت, كاوتش, كل, كورولا, لازم, لكل, مركز, مشكله, مع, مقارنة, من, موضوع, نيو, نيو سيراتو, نيوسيراتو, هل, هي, والمقارنه, وصف, وكيل, ياريس, يتفضل
  • #2
    الف شكر على التقييم
    [aldl]http://s17.postimg.org/ygne2hebj/F2000045710.jpg[/aldl]

    Comment

    • #3
      متشكرين يا باشا على التقييم الجميل ده، بس انا مش معاك فى حكاية التكييف اللى لازم تجيبه على 4 عشان تحس بيه، انا تقريبا عمرى ما جبته على 4، غالبا ببدأ ب2 و بعدين لما اسقع انزله لواحد.

      برضه المراية انا بحس انها كبيرة اوى، مش عارف انت ازاى شايفها صغيرة؟!

      Comment

      • #4
        المشاركة الأصلية كتبت بواسطة amrnader مشاهدة المشاركة
        متشكرين يا باشا على التقييم الجميل ده، بس انا مش معاك فى حكاية التكييف اللى لازم تجيبه على 4 عشان تحس بيه، انا تقريبا عمرى ما جبته على 4، غالبا ببدأ ب2 و بعدين لما اسقع انزله لواحد.

        برضه المراية انا بحس انها كبيرة اوى، مش عارف انت ازاى شايفها صغيرة؟!
        التكييف ده والله اكبر حاجه خنقتني في العربيه
        وروحت التوكيل قبل كده وقلتلهم عليه قالولي هو كده
        اما المرايه فحضرتك لو جربت مراية السيراتو حتعرف قصدي
        شكرا ليك
        http://www.fx-arabia.com/vb/showthread.php?t=9654

        Comment

        • #5
          المشاركة الأصلية كتبت بواسطة dr.amr مشاهدة المشاركة
          التكييف ده والله اكبر حاجه خنقتني في العربيه
          وروحت التوكيل قبل كده وقلتلهم عليه قالولي هو كده
          اما المرايه فحضرتك لو جربت مراية السيراتو حتعرف قصدي
          شكرا ليك

          طب ما تحاول تخلع فلتر التكييف و تنضفه، هو باين فى درج التابلوه، انا مرة خلعت بتاع الانسر ونضفته عشان كان بيصفر و بطل صفير فعلا.

          انا اكبر مرايات شفتها بتاعت ال sx4 و السيفيك، هبقى اركز على السيراتو اول ما شوفها.

          Comment

          • #6
            المشاركة الأصلية كتبت بواسطة amrnader مشاهدة المشاركة
            طب ما تحاول تخلع فلتر التكييف و تنضفه، هو باين فى درج التابلوه، انا مرة خلعت بتاع الانسر ونضفته عشان كان بيصفر و بطل صفير فعلا.

            انا اكبر مرايات شفتها بتاعت ال sx4 و السيفيك، هبقى اركز على السيراتو اول ما شوفها.
            انا اول مره اعرف المعلومه ده
            بس ان شاء الله افكه وانضفه
            انا قصدي مجال الرؤيا في المرايا وليس قصدي حجم المرايا الجارجي
            http://www.fx-arabia.com/vb/showthread.php?t=9654

            Comment

            • #7
              الله ينور عليك تقييم ممتاز و محايد و أشكرك عليه

              Comment

              • #8
                تقييم احترافي و مقارنة محايدة

                احترامي للسيارتين و لحضرتك
                [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                Comment

                • #9
                  تقييم محايد وموضوعى شكرا عالمجهود
                  [CENTER][URL]https://www.facebook.com/NMTechShop/[/URL] [/CENTER]

                  Comment

                  • #10
                    احييك على التقيم

                    شكرا
                    [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


                    [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
                    [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

                    [/CENTER]
                    [/CENTER]
                    [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

                    [CENTER] _______________[B]
                    [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

                    [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
                    [/CENTER]
                    [B][COLOR=Blue][B][SIZE=2]
                    اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

                    _______[COLOR=Blue]_______________
                    [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

                    Comment

                    • #11
                      تقييم محايد و مضبوط جدا
                      هاقول إيه بعد كده كلام زي الفل و فعلا مضبوط
                      الف شكر علي المقارنه

                      بس لو كان معاك الفئات العاليه من السيراتو من اول SX كنت هتحس بفرق في الخامات علشان الCrome trim و الفرامل و التكييف و كنت هتدمنها :)

                      Comment

                      • #12
                        تقيمم ممتاز يا دكتور عمر
                        بس موضوع صوت الموتور ده اول مره حد يقول انه صوت موتور السيراتو اعلى ؟ هل فى الفئه الى معاك بس
                        يعنى هل السيراتو فى الهاى لاين صوت الموتور مسموع برضه ؟ دى اكتر حاجه بتدايقنى فى اى عربيه واهم حاجه عندى
                        [FONT=Comic Sans MS][SIZE=4][COLOR=red]LiverPooL[/COLOR][/SIZE][/FONT]
                        [FONT=Comic Sans MS][SIZE=4]You Will Never Walk Alone[/SIZE][/FONT]

                        Comment

                        • #13
                          المشاركة الأصلية كتبت بواسطة dasboot مشاهدة المشاركة
                          تقييم محايد و مضبوط جدا
                          هاقول إيه بعد كده كلام زي الفل و فعلا مضبوط
                          الف شكر علي المقارنه

                          بس لو كان معاك الفئات العاليه من السيراتو من اول SX كنت هتحس بفرق في الخامات علشان الCrome trim و الفرامل و التكييف و كنت هتدمنها :)
                          انا متشكر لحضرتك جدا
                          بس انا الصراحه لغاية دلوقتي ماشفتش غير المانيوال والفئه اللي معايا
                          وبصراحه ماكانش عندي استعداد اني ادفع واحجز واقعد استني فتره كبيره
                          فانا نزلت المعرض وكان هدفي اني اجيب اوتوماتيك بغض النظر عن بعض الكماليات
                          لأني تعبت اوي من المانيوال
                          بس بالحق انا فعلا ادمنت العربيه ده
                          عربيه ممتازه ماشاء الله
                          http://www.fx-arabia.com/vb/showthread.php?t=9654

                          Comment

                          • #14
                            المشاركة الأصلية كتبت بواسطة dr.mohamed مشاهدة المشاركة
                            تقيمم ممتاز يا دكتور عمر
                            بس موضوع صوت الموتور ده اول مره حد يقول انه صوت موتور السيراتو اعلى ؟ هل فى الفئه الى معاك بس
                            يعنى هل السيراتو فى الهاى لاين صوت الموتور مسموع برضه ؟ دى اكتر حاجه بتدايقنى فى اى عربيه واهم حاجه عندى
                            الف شكر لحضرتك
                            هو ده طبيعة الموتور صوته عالي
                            بس الصوت جميل يعني تستمتع بسماعه
                            وهو كده في اي فئه
                            بس طبعا لوقفلت وفتحت التكييف مش هتسمع اي شيء
                            تحياتي ليك
                            http://www.fx-arabia.com/vb/showthread.php?t=9654

                            Comment

                            • #15
                              المشاركة الأصلية كتبت بواسطة Hosam_Optrawy مشاهدة المشاركة
                              الف شكر على التقييم
                              شكرا لحضرتك
                              http://www.fx-arabia.com/vb/showthread.php?t=9654

                              Comment

                              السابق 1 2 3 4 template التالي
                              Working...
                              X