استفسار عن صيانة ال 5000 للبيكانتو

[shery103]

انا دلوقتى عربيتى عاملة 4200 كيلو
عايزة اسافر بيها يوم 17 يونيو ان شاء الله
لحد يوم 17 مش هتكمل ال 5000
و لو سافرت بيها هتعديهم لانى ورايا مشاوير كتير اليومين الجايين دول
السؤال بقه
اعمل الصيانة بدرى و مش مهم اكون وصلت لل 5000
و لا اسيبها تعدى ال 5000 ( هل ده غلط ) و اعمل الصيانة لما ارجع من السفر
و هل فى حد معين لصيانة ال 5000 مينفعش اعديه ( 6000 مثلا ؟؟ )
و كنت عايزة اعرف الصيانة هيتعمل فيها ايه بالظبط و بتتكلف كام
و ايه افضل مركز صيانة اروحه ( انا بقول اروح ابو رواش و خلاص لانى سمعت شكاوى من القطامية و روكسى)
و بس كده

[M.ABDEEN]

بص يا باشا ممكن تعدي 5000 ب100 او 200 كيلو بس للامان الجو حر دلوقتي وهتشغل التكييف يعني الموتور عليه هالك وعلشان تكون في الامان غيروه قبل السفر والقطامية كويسة دلوقتي المهندس صلاح هناك راجل محترم والمركز اتحسن عن الاول بكتير واللي بيتعمل في الصيانة تغير زيت وفلتر وتربيط عفشة وغسيل العربية من جوة وبره ولو في شكوى تقولها ليهم انا عملت الصيانة 5000 والعداد كان قاري 5100 واتكلفت 130 جنيه ومبروك مقدما

[shery103]

Thank You