قطع غيار النيو سيراتو نااااااااااااااااااااااااااار

[أبو صلاح]

ياباشا سيبك من الكلام اللي لا يودي ويجيب
خلينا نحاول نحل المشكلة بتاعتك
سيادتكم بتقول ان عربيتك لسه بتمشي بدون اي مشاكل بعد الحادث (ان شاء الله بسيط)
يبقى تاخدها وتنزل على الحرفيين وتشوف هناك الوضع ايه
اكيد هتلاقي حل
زي ما اقل اخونا m.mostafa80
ولو محتاج حد من هنا يساعدك اطلب المساعدة ومحدش هيتأخر عنك

بس التوكيل بلاش
انا في مرة رحت عند حمدي لازي اللي في جسر السويس كنت عايز اعمل سمكرة ودوكو
والله العظيم منظر الورشة هي شوية بوص وعاملين شوية عشش
وجه واحد كده مشحم ومزيت وعمل مقايسة وقالي 1200 ج
والله عملتها بره مش فاكر الرقم بالظبط بس كل اللي كلفتني مايعديش 150 سمكرة ودوكو

سيبك من التوكيل (خليه في الحاجات التقيلة بس)

[mexxxxxx]

طيب انا لو حعملها بره .... ممكن ترشحولي مركز كويس او سمكري يكون نضيف و امين
و يا ريت لو حد يعرف حد كويس في المعادي عشان اقدر اتابع العربيه

[M.Mostafa80]

بص ياسيدى فى شركه أسمها الألمانيه موجوده فى 6 أكتوبر ناس محترمه جدا وعمرها ما هتوصل لسعر التوكيل أبدا لو كدا قولى وانا أجيبلك عنوانهم وارقام تليفوناتهم

[mexxxxxx]

يا ريت تليفوناتهم و عنوانهم اذا تكرمت
و شكرا على المساعده

[Ahmed Samy]

حضرتك طبعا طبعا ما تعملهاش في التوكيل بالأسعار دي

لأن الخبطة معظمها صاج يعني مش مأساه

و في صنايعية ممكن يفردو العجينة فراشة

حضرتك انا هاسألك برضه لو ممكن تبعتلي صورة للعربية على الميل أو الخاص

بس ما تقلقش ..هاتتدبر و هاتكون خفيفة ان شاء الله

احنا معاك

[de3bis]

لية بنحب نعيش في ارض النفاق



حق الرد مكفول ودي هي الدمقراطية

من يتكلم فليتكلم خيرا او ليصمت

[M.ABDEEN]

اولا الله يعوض عليك بالخير ....
ثانيا فعلا اسعار مستفزة للغاية وحراقة قوي ونصب وده كده غريب على التوكيل المحترم ده ........
ثالثا سيبك من عملها في التوكيل وحاول تعملها بره لانها في التوكيل الله اعلم هتاخد افراج امته بنسمع ان بعض العربيات بتعقد كتير عندهم وبعض التوكيلات بتاخد ارضية منك علشان تواجدها عندهم ......
رابعا وده الاهم الاخ اللي بيقول عليك مستفز لا تعليق عليه وبعدين انت حصلك مشكلة وبتاخد المشورة وباب اتفتح واستهتار ايه الكلام الفارغ بتاعه ده ... ده كان يكتفي بكلمة لا تعليق الحادث قضاء وقدر من الله عز وجل يبقى ده استهتار كل واحد معرض لذلك وحتى لو كده النصيب والله يعوض او ادي نصيحة وكلمة كويسة للشخص اللي حتى ولو مستهتر كما قال فهو اكيد مدايق ومتعكنن والله يعوض عليك وعليك بالصدقة والتبرع لله والدعاء والصبر وحاول بعد الاصلاح تامن عليها وبالتوفيق

[ahraah]

كلم مركز الخدمة لكيا اعرفو فى العبور انشاء الله ممكن يكون تكلفة اقل و ناس شغلهم معقول كويس و خبرة فى كيا
24770901

[Khalid_Mostafa]

إحنا المفروض نشكر الأخ صاحب الموضوع لأنه بالرغم من ان المشكلة الي هو فيها ..حاطط بيانات ومعلومات عن قطع الغيار من التوكيل و هي معلومات عن عربيه جديده عشان الناس تستفيد . لو هو كان عايز مصلحته بس كان قال الرقم النهائي للمقايسه في التوكيل وخلاص و برده الناس كانت حتحاول تساعده ...يبقي المفروض نشكره مش نقطمه بلغه إنجليزية ركيكة كمان ....الله يكرمك يا عم يا كيلو احمد ..اكتب بالعربي احسن و بلاش انزحه

[hamada11111111]

الى klioahmed بدل ماتتكلم و تعمل فيها عبده الناصح يا ريت تشكر الراجل اللى تعب و كتب لنا المقايسة تفصيليا و تقول له اهم حاجة ان انت بخير و مش مهم العربية ( و ايه يا عم انت مش عارف تكتب لا عربى و لا انجليزى وايه حدسة ديه اسمها حادثة بص اقولك حاجة يا ريت ماتكتبش تانى خالص اتكلم بس )

[funy76]

ربنا يعوض عليك خسارت وان شاء الله العربية تتصلح وتكون زي الأول

بالنسبة للزميل m.mostafa80 معاه حق ان في الشركة الألمانية المصرية لصيانة السيارات في 6 أكتوبر انا كنت وديت عربيتي هناك عشان بيضبطوا حاجات في كهرباء السيارة المهم قعدت مع صاحب الشركة هما اخين لبنانيين وكل شوية بيسافروا المانيا عشان بينقلوا الجديد للشركة هنا في مصر .

المهم عندهم افران ضخمة للدهان وعلى كذا دور وشايف والواضح ان شغلهم حلو لأن هما واخدين تعاقد مع شركة شيفورليه مصر لدهان اكصدامات العربيات اللانوس وشفت ده بعيني .

بس المشكلة عندهم ان أسعارهم حراقة بس اعتقد ممكن تفاصل معاهم لغاية ما توصل لسعر يرضيك وانا انصحك بمركز صيانة محترم عشان حرام العربية متتبهدلش وربنا يكرمك ويعوض عليك ان شاء الله .

[mexxxxxx]

بص ياسيدى فى شركه أسمها الألمانيه موجوده فى 6 أكتوبر ناس محترمه جدا وعمرها ما هتوصل لسعر التوكيل أبدا لو كدا قولى وانا أجيبلك عنوانهم وارقام تليفوناتهم

يا ريت تليفوناتهم و عنوانهم و شكرا

[mexxxxxx]

كلم مركز الخدمة لكيا اعرفو فى العبور انشاء الله ممكن يكون تكلفة اقل و ناس شغلهم معقول كويس و خبرة فى كيا
24770901

همة فرع من التوكيل وللا مركز معتمد و لا ايه

[hamada11111111]

اولا : اقدم اعتذارى عن اسلوبى فى الرد على klioahmed بس هو استفزنى جدا .
ثانيا ( و هو المهم ) : نفس الحادثة اللى حصلت لـ mexxxxxx حصلت لاخويا ( و يمكن تكون اخطر شوية ) و هو معاه لانسر بومة و راح التوكيل قالوله هتكلفك 23 الف جنيه راح سابهم وراح عملها برة بحوالى 3 الاف جنيه فجرب كده و ربنا يوفقك .

[mexxxxxx]

حضرتك طبعا طبعا ما تعملهاش في التوكيل بالأسعار دي

لأن الخبطة معظمها صاج يعني مش مأساه

و في صنايعية ممكن يفردو العجينة فراشة

حضرتك انا هاسألك برضه لو ممكن تبعتلي صورة للعربية على الميل أو الخاص

بس ما تقلقش ..هاتتدبر و هاتكون خفيفة ان شاء الله

احنا معاك

جزاكم الله خيرآ
بالنسبه للصور انا مصورتهاش ، مجاش في بالي اني اصورها عشان كنت محبط جدا
الحمد لله الذي لا يحمد على مكروه سواه