ما هي علبة الدركسيون يارب حد يرد و يفهمني

[chicobon]

الحمد لله عملت الصيانة في فرع روكسي المكان صغير و مش قد كده بس اهو ارحم مليون مرة من مشوار ابو رواش بما اني من مصر الجديدة بس حاسس انه ابو رواش احسن يمكن عشان فيه عمال اكتر هناك اسرع يعني انا دخلت عندهم 9و ربع الصبح خرجت علي اتناشر و نص وحدة و التكلفة معرفش غاليه ولا ده العادي في الاسعار اتكلفت حوالي 600 جنيه و المصيبة طلع ان علبة الدركسيون لازم يتغير و ده تكلفته 957 بلمصنعية و التركيب و الضرائب هيوصل الي الف و تلتميت جنيه 1,300 مش عارف حاسس ان سعر مبالغ فيه وانا مش عامل حسابي و بيني و بينكم مش بفهم في المكانيكا و مش عارف هل ده لازم يتغير و لا عادي اسافر بيه و اروح بي مشاويري علي اساس انا مش حاسس ان فيه اي عيب ولا حاجة و ماشي بلعربيه عادي معرفش المهندس الي هناك قالي لازم تغيره و سكت بس السعر هو الي انا شايف انهم مبالغين فيه اوي
بس لو حد يقدر يشرحلي ايه هو علبة الدركسيون ده و منين ممكن اجيبه او اغيره بره التوكيل لو حابب مع العلم انه دركسيون عادي مش باور . اكون شاكر لو حد فهمني و نورني . و مع العلم انا مش حاسس بي اي حاجة غير طبيعية في العربية و هي مشيه حتي لما بعدي علي مطب ولا حاجة يعني معرفش بقي اطمن منين ان مافيش حاجة محتاجة تتغير و لو لازم التغير هل في امكانيه اني اعمله في مكان بره التوكيل ده

[nodey]

السلام عليكم
اولا منعرفناش نوع عربية حضرتك ايه
ثانيا بالنسبة لعلبة الدريكسيون هي المسؤلة عن جعل حركة الدريكسون خفيفة ولف بسهولة ولوانتي حساس ان الدريكسيون مش تقيل معالك ولا يوجد تهريب زيت منها او من احد الخراطيم الموصلة بها يبقي ممكن متغيرهاش لكن اعتقد ان بتوع التوكيل ادري وشايفين ان تغيرها افضل لعدم حدوث مشاكل مستقبلية وممكن تروح لاماكن تبيع القطع المستورد وتسال عليها اكيد هتجد سعرها مش غالي وموفق ان شاء الله
تقبل تحياتي ابو خالد

[chicobon]

الحمد لله انا مش حاسس بي اي فرق او حاجة يعني لا رجة ولا بتاع عشان كده مستغرب انهم قالو فيه حاجة محتاجة تتغير العربية كيا

ريو 2002 و معرفش بقي اعمل ايه هل اسئل عليها في شارع دمشق ؟