رأيي فى كيا سيراتو 2008

[ruicosta]

فى الحقيقة انا حبيت اشارك برايى بعد ما اشتريت كيا سيراتو ex

سيارة فعلا رائعة جدا عفشة ناعمة جدااا وصوت ماتور سلس جدا يكاد يكون ملوش صوت ,اضاءة التابلوة شيك جدا
التكييف اكثر من رائع , الصالون واسع ماشاء الله بصراحة انا سعيد جداا ان ربنا وفقنى واشتريت العربية دى

انا ليا بس استفسار فى صيانة العشر الاف غيرو فلتر زيت وزيت ماتور هو المفروض الزيت دا يقعد عشر الاف كيلو لحد ما اروح الصيانة بتاعة العشرين الف

هل لو حبيت اركب فوجات اركبهم بكام فى التوكيل
هل الموديل دا فى معدل استهلاك البنزين والبنزين اللى موجود يمشيك كام كيلو

[M.ABDEEN]

تمام يا باشا فعلا عربية ممتازة ......وفعلا دلوقتي EIT خلت اول صيانة هي 1000 كلم وبعدها صيانة 10000 وبعدها 20000 الف الزيت حضرتك تقعد بيه لغاية 20000 كلم هو والفلتر .........
بالنسبة للفوجات حضرتك بتقول ex المفروض معاها فوجات دي تبقى LX المهم انا كنت سالت عنهم عند الجندي في دمشق لاقيتهم ب 750 جنيه والجنيه ينطح الجنيه والجنيه غلب الكارنيه ؟؟؟؟ بصراحة غالييين شوية ....
البنزين انا لما بفول على الاخر بيقعد 300 كيلو مثلا وبعدين يبدا ينزل شرطة وبعد كده كل حوالي 40 كيلو ينزل شرطة لكن ماحسبتش بالظبط التانك بيستهلك كام لاني مابسيبهوش للاخر

[ruicosta]

انا متشكر جدا يا باشا على ردك الجميل فعلا غالية الفوجات جدااا خليها يمكن ربنا يكرمنا بفوجات صينى يا مسهل

[myr999]

يا باشا انت مش محتاج انك تخلص التنك عشان تعرف انت عمات كام فى الصفيحة انت بعد ما تفول (تملى التنك على الاخر) تصفر عداد الرحلات ولما تيجى تفول تانى تشوف حطيت اد اية بنزين وعداد الرحلات عمل اد اية تقسمهم على بعض تعرف بتعمل كام فى الليتر مثلا فى التفويلة الثانية حطيت 20 ليتر ومشيت 200 كم يبقى بتعمل 10 كم فى الليتر تحياتى

[ruicosta]

طب يا جماعة معلش ليا سؤال تانى انا لما اشتريت العربية كان متركب فيها انذار بس بلاقى دائما لما افتح اى باب الاقى لمبة الشنطة ولمبة الباب اشتغلت اللى هما فى التابلوه الاتنين مع بعض هل دا عادى ولا يكون اللى ركب الانذار عمل مشكلة مثلا ولا كل لمبة بتقيد لوحدها ومتشكر جدااا لذوقكم

[M.ABDEEN]

المفروض كل باب لمبته الخاصة بيه هي بس اللي تنور

[ruicosta]

يعنى فى عربية حضرتك عندك لمبة الشنطة تشتغل فقط لما تفتح الشنطة بس

[M.ABDEEN]

اي نعمممممممممممممم

[ruicosta]

متشكر جداااا انا هاروح عند ادريان اشوف الموضوع دا يمكن مركب الانذار بطريقة خطأ