اللى محروق دمه يشارك..ما البديل للسيراتو؟

[Drfouad]

و الله يا جامعة انا شايف ان السيراتو ديه مش اخر الدنيا يعنى
فيه مليون عربية و مليون موديل و اللى محتاج ضرورى و يدور حيلاقى انا كنت ناوى ابيع الفرنا و اكمل و اجيب سيراتو لكن بالشكل ده مش عايز سيراتو حتى لو 5000cc و 1000 حصان و بــ 100 الف جنيه برضه مش عايزها
انا اللى بشترى العربية من التوكيل و بكسبه و بفتح بيوت الناس اللى شغالين فيه بفلوسي مش التوكيل اللى بيشتريني
بيتهيألى يعنى ان التيدا برقبتها على الاقل يابانى و توكيل محترم و اعتمادية اعلى بكتير من الكيا طبعا
عموما الصبر جميل و الخبر النهاردة بفلوس و اوفر برايس بكرة يبقى ببلاش و يدللوا عليه و هما الخسرانين مش احنا

[m_o_sakr]

Realy EIM agent doesn't take any overprice, they deliver the cars to the people who reserved (booked) the cars by sequence order, i am sure from this, and who take over price is the distributers which get the cars from EIM with very low profit range so they put the over price to get high profit, also every thing is related to the offered and demand ( 3rd w tlb) so that is why you can rarly find the new cerato with original preice, and also be reasonable, do you want to take the car imediiatly without 3 months waiting so you have to pay more, if youwant to get with original price wait 3 months, and again i assure you that EIM does not take any overprice and does not deliver cars to whoem may pay more faster than others.

[korkor]

نا شايف ان البديل للسيراتو هو الفيات لينيا .. ودي انسب حاجه لان فيها كل الكماليات زيادة على كده فيها 6 اير باج ... والحاجه الوحيده اللي هضحي بيها هي الفتيس .. لانها مانيوال لكن ده مع التربر هيديك اداء رياضي جدا ..مع العلم ان فتيسها ناعم جدا وسعرها دلوقتي 110 الف

كلام زى الفل بالاضافه لاوبشنز تانيه رهييبه

[ahmedmoahmed7]

نا شايف ان البديل للسيراتو هو الفيات لينيا .. ودي انسب حاجه لان فيها كل الكماليات زيادة على كده فيها 6 اير باج ... والحاجه الوحيده اللي هضحي بيها هي الفتيس .. لانها مانيوال لكن ده مع التربر هيديك اداء رياضي جدا ..مع العلم ان فتيسها ناعم جدا وسعرها دلوقتي 110 الف

+111111111111

[Youssef.Awad]

يا جماعة انا شايف ان الهوندا سيتى برقبتها مليون مرة فى كل حاجة
العربية مش كماليات وشوية حاجات بتشتغل بالكهرباء وخلاص
عشان بصراحة كده السيراتو دى مع احترامى لكل اللى جابوها واللى عاوزين يجيبوها
شايف انها اخدت اكتر من حقها فى السوق المصرى بالذات

[Mohamed.Ramah]

هوند سيفيك - تيوتا كورولا - شيفورلية كروز دول افضل 3

[akram2010]

عندكم لانسر وتويوتا وهوندا وهيونداى ورايحين على الكيا .. ماشاء الله عليكم تستاهلوا تخلوا التوكيل يرفعها فى السماء وفى الاخر وهم وعاديه

[lol1986]

يجامعه ده توكيل بيستهبل وتجار طماعين يعنى التوكيل يقولى معاك لشهر 3 عشان استلم يعنى 5 شهور افضل حاجز والتجار يجيبو خليجى واعلى سعر ومن غير ضمان يعنى لو طلع حاجة فى العربية البس انا
مع العلم اننا فى اول اكتوبر لوصبرنا لحد نص 1 هاتكون الجمارك نزلت شوية وكمان فى موديلات كتير هاتنزل وتعدل بمعنى ان الهوندا هاتغير والتويوتا والانسر وحاجات كتير انا اه بحب السيراتو وبحترمها بس اللى بيحصل ده كتير والله واعلم كمان 5 شهور اللى بيتكلمو فيها دى هايكون ايه حصل
اولا ان شاء الله العربية هاتملى السوق والسعر هايتعدل
ثانيا فى موديلات هاتنزل وهاتنافس
لانى معتقدش شركة زى هوندا ولا تويوتا ولا حتى الهيونادى هايسكتو لان كده السوق راح منهم
واللى يدفعنى 130 طب انا كده اتفتح ادامى خيرات كتير اوى ومش كل حاجة اوبشن يعنى انا عايز اجيب السيراتو الكوبيه
بس اللى بيحصل ده استهبال وبفكر ماجبش اساسا واستنى ياريت يبقى فى حل للمهزلة دى ولا احنا شعب طيب بيضحك عليه وبس ندفع فلوس ومنلاقيش الخدمة
فين بقى الكلام اللى بيقوله ده وان احنا دولة عظمى على كلامهم يعنى
احنا كده دولة مش نامية احنا كده نصنف تحت اسم دولة متخلفة ورسمى
بسبب سكوتنا ده

[Mohamed.Ramah]

هما ديما المصريين بيجرو على الشكل والكماليات وبيهملو الباقى

[akram2010]

شوفوا احلى . كله يسحب الحجز وشوفوا التوكيل يعمل ايه . عندة حلين اما ينزل الى قيمتها الحقيقيه بس الحل دة يكشفه . والحل التانى يعمل خصومات ويعلى الكماليات لجذب العملاء. يا اخونا بلاش ضغطه على العربيه دة لضرب الجشع . عنكم بدائل افضل منها مليون مرررة

[lol1986]

طب ايه البدائل الاحلى دى قولنا عليها

[emadhamdy]

السلام عليكم ورحمه الله وبركاته
طبعا انا مع كل اللي قالوا رائيهم
ان اللي بيحصل ده اسغتلال من الدرجه الاولي
بس انا هقول اللي حصل قدامي من صديق ليا شغال في التوكيل
العربيه فعلا سعرها علي
من الاقبال الكبير اللي عليها
وللاسف الناس كل همها تحجز وخلاص
وده خلي الدنيا فعلا باظت وجت فوق دماغهم
ده كلام صديقي بالحرف الواحد
كمان فعلا زي ما عضو معانا في نفس الموضوع
في تويوتا وهوندا وعربيات كتير برقبه الكوري بردوا
اتمني اكون افدت
وتحياتي للجميع

[Youssef.Awad]

هما ديما المصريين بيجرو على الشكل والكماليات وبيهملو الباقى

معاك حق والله
نعيب الزمان والعيب فينا وما للزمان عيب سوانا

[M.Mosaad]

اللينياااااااااااااااااااااااا و هتوفر فلوس كمان و دي قايمه باسعار قطع الغيار الاخوة عاملنها في قسم فيات عاديه جدا و التوكيل مش وحش

http://www.nilemotors.net/Nile/99254-a.html

و هتوفر حوالي 20000 الف جنيه و العربيه 120حصان بس مانيوال و 6 اير باج و بلوتوث و ABS ,ABD شنطة 500 لتر
اتوماتيك
في سوزوكي SX4
في رينو ميجان
في فورد فيستا
كل دي عربيات تحفه و متنوعه بين السيدان و الهاتشباك و مليانه كماليات و اوروبي علي ياباني و توكيلات بتحترم العميل و اسعار قطع الغيار متقاربه مع السيراتو
و الله انا مش ضد السيراتو اناضد الاوفر برايس و تعطييش السوق و الضحك علي العملا لان الناس دافعين ملايين للتوكيل لحد دلوقتي هو شغال بيها و الناس مستنيه الفرج و بصراحه الموضوع مش مستاهل ابدا كل دة ان الواحد يبقي معاه 126 الف جنيه و يقعد الشهور دي كلها مستني العربيه

[akram2010]

والله فكرة الجشع عطش السوق وشغل الملايين قاعدة تربح فى بنوك سويسرا . واصحاب العقول فى راحه . ياريت كل واحد يسحب فلوسه والبدايل ال افضل منها مليون مررة موجودة