ريو 2010

[amrof]

الاخوه الأفاضل
انا منتظر الكيا ريو 2010 ان شاء الله علشان اشتريها لاني شايف انها سيارة عائلية وشكلها في رايي اشيك من النيواكسنت فياترى هي هاتنزل بكام المانيوال والاتوماتيك؟
بس المشكلة انا معرفش حاجه عن العربية ومشواري يوميا 100 كيلو فهل هي مناسبة ام لا؟
ولكم جزيل الشكر

[M.ABDEEN]

طبعا عربية مناسبة ويعتمد عليها وتقفيلها ممتاز وواسعة من جوه وثابتة مع السرعات وانا اتفق معاك انها اشيك وتقفيلها احسن واوسع من النيو اكسنت ولكن النيو اكسنت تتفوق في الموتور 1600 سي سي و 112 حصان والريو 1400 سي سي و 97 حصان وبالنسبة للاسعار من فترة بسيطة
المانيوال 81 الف
الاتو 87 الف
كمان توكيل كيا افضل مليوون مرة ومحترم عن هيونداي

[fahmy]

حضرتك الريو دية من انضف العربيات الى فى السوق ممكن لو عايز يوميا تعمل 500كم مش هتقول لالالا علشان هى عربية محترمة جداجداجداجداجدا

[amrof]

شكرا جزيلا ياجماعة على ردكم السريع وياريت لو حد معاه ريو2009 يقولنا عنها حاجه

[ssoossaakkee]

اسمح لي ابدي اعجابي بقلمك وتميزك
واسلوبك الراقي وتالقك

[thunder_are]

السلام عليكم
أولا لازم استخارة عشان ربنا يسهلك مافيه الخير
أنا معايا ريو أتوماتيك اخر 2008 فيها الهاي لاين (air bag-the original cd player )
العربية مميزاتها:
1-شكل خارجي ممتاز وشيك
2-شكل داخلي جيد ولكن الإضاءة البرتقالية تضفي لمسة أناقة.
3-استهلاك معقول للبنزين
داخل المدينة 180-220 كم للصفيحة
على السفر 220 -280 كم في الصفيحة
4-أفضل صوت كاسيت في فئتها
5- ثبات جيد جدا حتى 150 كم إذا كان الطريق محترم
6-سحب العربية جيد مقارنة بالسعة اللترية وطبعا يقل السحب عند تشغيل التكيف على أعلى مستوى
7-تكييف محترم جدا

العيوب:
1-سعر إعادة البيع
2-عدم إمكانية تعديل المقود في أكثر من وضع
3-فرامل جيدة جدا وليست ممتازة نظرا لغياب أنظمة الفرامل المعروفة
4-الضيق النسبي في المقاعد الخلفية

ده مجمل رأي في العربية بحيادية وأي استفسار تحت أمرك