أقصى سرعة ل rio

[thunder_are]

السلام عليكم
أنا سمعت كلام كتير عن أقصى سرعة للريو
وطبعا الشيطان وزني
فجربتها على طريق الشيخ زايد وجبت بيها 188 كم تقريبا
وللعلم هيا اتوماتيك 2009
والثبات كان جيد لحد 150 -160 وأكيد بيقل بعد كده
حد جرب يجيب اخر الريو
[youtube]http://www.youtube.com/watch?v=SwCxipBopsk[/youtube]

[M.ABDEEN]

ابن عمتي معاه مانيوال 2007 وقفل العداد بيها بس نصيحة بلاش السرعة الفائقة دي ومتسمعش كلام شوشو !!!!!!!!!!!!!!!

[fahmy]

190 ريو 2001 والثبات كان كويس علشان مجنط والعربية محملة

[د.أحمد سمير]

200 كم غلطة غير مخطط لها سرحت شوية على المحور
أكثر سرعة مقصودة كانت 170 كم
العادي بتاعي أقل من 120
علشان محدش يفهمني غلط
وربنا يستر على الجميع وبلاش حكاية السرعات العالية

[EslaM_NagY]

200 كم غلطة غير مخطط لها سرحت شوية على المحور
أكثر سرعة مقصودة كانت 170 كم
العادي بتاعي أقل من 120
علشان محدش يفهمني غلط
وربنا يستر على الجميع وبلاش حكاية السرعات العالية

دا اتن سرحت كتيييييييييييييييير مش شوية

[thunder_are]

ابن عمتي معاه مانيوال 2007 وقفل العداد بيها بس نصيحة بلاش السرعة الفائقة دي ومتسمعش كلام شوشو !!!!!!!!!!!!!!!

فعلا معاك حق لأن لو لاقدر الله حصل حاجة الفرامل مش حتنجدك
هيا كانت مرة الواحد كان عايز يعرف اخر الأتوماتيك كام ودلوقتي أخري 150كم:b4_048:

[د.أحمد سمير]

دا اتن سرحت كتيييييييييييييييير مش شوية

الحكاية ببساطة شديدة بعد ميدان جهينة فيه مطلع رخم .. أنا متعود هناك أحرق على الغيار جامد شوية ..
وأنا بحرق واحد دمه خفيف كدة معاه لانوس افتكر إني بشد معاه ..
قام حارق جامد جداً .. المهم محطيتوش في دماغي .. وبعد لحظات لقيته عايز ييجي من يميني يخش التقاطع اللي قبل مستشفى دار الفؤاد وطبعاً هايكسر عليا بغباء منقطع النظير
كبست بنزين للآخر .. ونسيت للحظات إني كنت باحرق على الغيارات بشدة
وبعد ما عديته وعند المنزل بتاع جامعة مصر ببص على العداد لقيته 200 اتفاجئت طبعاً بشدة .. وهديت حتى سرعة 120 علشان أرجع لطبيعتي ..

بس كدة .. وكان هذا الأمر في شهر أكتوبر الماضي ..

المرة بقى اللي محستش فيها بسرعتي فعلاً .. كانت عند صعود المحور لأول مرة بعد التجديد .. فجأة بعد كوبري الصحراوي لقيت صوت الكاوتش اختفى .. ولقيت الدنيا بقت هادية جداً وجميلة .. والطريق ناعم ببشاعة .. والكل حواليا ماشي تقريباً بنفس سرعتي ببص على العداد لقيته جايب 175 كم .. هديت طبعاً علشان منزل النفق وكملت الطريق على 150 علشان أتفادى حد يخبطني ..

وللمرة الألف .. أنا لست من محبي السرعات العالية أنا من أنصار القيادة الرشيدة مش الهادئة .. وده معناه ببساطة التكيف مع السرعة العامة للسيارات من حولي سواء كانت مسرعة بغباء أو متمهلة ..
وربنا ينجيكم وينجينا جميعاً ..

وبعيداً عن هذه الحكاية .. وعودة لمقدرات السيارة ذاتها ..
فالريو تتميز بقدرتها على التسارع الممتاز وسحبها الرائع ..
صوت المحرك عند العمل بالكامتين مع بعض في الوضع الرياضي بيكون عالي ومحسوس بشدة .. ويمكن كان هذا هو العامل الرئيس وراء عدم الشعور بالسرعة العالية لو فضلت على هذا الوضع حتى يصير الوضع الطبيعي ليك وتعتاد على صوت الموتور ...
تقبلوا خالص مودتي

[ahmad--ezzat]

الريو عربية كويسه....

عقبال ال 220 بالفلتر والبوجيهات ....
هههههه خد بالك .الطريق ملوش كبير

[أبو صلاح]

انا من زمان وانا بحترم العربية دي
ركبتها كتير وعربية مريحة جدا

[lord23]

انا معايا ريو 2003 اقصي سرعة 170 بس العربية كانت بتعوم جامد اوي
اقصي سرعة بدون تعويم كانت 140
اعتقد اني عندي مشكلة في العفشة وخصوصا الميزان