كياوى جديد

[YaSSerwIN]

السلام عليكم ورحمة الله وبركاتة
الحمد الله أستلمت كيا بيكانتو

كان ليا حبت أستفسارات

بالنسبة للأستفسارات

العربية حاليا ً عاملة معايا 150 كيلو حاسس ان العفشة مش مريحة بأن اى تكسير فى الطريق بحس بيه جدا ً ولازم أمشى بهدوء جدااااااااااا ً

صوت ونة خفيف على السرعات العالية ياعنى من أول ما أجيب الغيار الثالث

ولحد كدة مش شايف اى ملاحظات تانى


كنت عايز أركب فيها كاسيت هل أركبه فى كلاريون ولا هايبقا فيه مشكلة فى الضمان واستنى وأركبه فى صيانة 1000 ويا ترا تكلفة تركيبه فى التوكيل كام

كنت عايز أركب الأسبويلر بتعها

كنت عايز اركب الفوج لايت بتعها

والف شكر ليكم

[NaderNabil]

أولاً ألف ألف مبروك...مرحباً بك في عالم البيكانتو :)

بالنسبة للعفشة...هي فعلاً نشفة شوية بالنسبة للموديلات الجديدة...بس هاتنعم مع الوقت...أنصحك تفضي الهواء اللي في الكاوتش و تملي نيتروجين علي 28...هاتحس بفرق جامد...

الكاسيت ركبه بره عادي جداً...مش هايأثر علي الضمان ولا حاجة.....و خد باللك الراديو له فيشة مخصوص ب 75 جنيه...هتلاقيها عند كلاريون

السبويلر سعره 780 جنيه شامل الرش و التركيب في التوكيل

[M.ABDEEN]

فعلا العفشة ناشفة وبتحس انك بتسمع دبة في المطبات لذلك املىء نيتروجيين وكمان على اقل من مهلك في المطبات والحتت المدحضرة .
بالنسبة للونة ماقدرش افيدك بس لو زادت راجعهم في التوكيل .
الكاسيت عادي ممكن تركبه بره علشان التوكيل غالي شوية بس مبيخرجش من الضمان ...
الفوجات بصراحة مسالتش عليها ...
وعموما بلاش جري وشد وحرق لغاية ماتعدي ال 1000 كيلو وحاول ان rpm يكون ما بين 2.5 و 3 وطبعا متشغلش التكييف ولما تشغل العربية سيبها تسخن مدورش وتمشي على طول وخاصة الصبح ...وربنا يعطيك خيرها ويكفيك شرها...وصحيح انت جبتها لونها ايه؟؟؟؟؟

[NaderNabil]

الفوجات الأصلي بالمفتاح الأصلي من الجندي...
و بتركبهم عند كهربائي جنبه علطول

الحكاية كلها ب 400 جنيه تقريباً

[YaSSerwIN]

انا سواقتى حاليا ً مش بعدى ال 65 إلى 70
والار بى ام من 2.5 إلى 3
وبدور واستنى خمس دقائق واطلع

ياعنى أتكل على الله وأروح اركب الكاسيت فى كلاريون قبل صيانة 1000 كيلو

لأن الصمت هايموتنى :d

كان نفسى فى الأسود لاكن ملقتشى منو الفول أوبشن

جيبت الفيرانى

[NaderNabil]

ياعنى أتكل على الله وأروح اركب الكاسيت فى كلاريون قبل صيانة 1000 كيلو

لأن الصمت هايموتنى :d

انا صاحبي ركبه في التوفيقية...بعد ما جابها بكام يوم..و ماستناش الصيانة

[YaSSerwIN]

الف شكر يا نادور وربنا يخليك ليا
والف شكر يا محمد باشا

وبأذن الله هاركب الكاسيت وهاملى الكوتش نيتروجيين

[raed badr El Kelany]

مبروك ياباشا وربنا يكفيك شرها

[YaSSerwIN]

الله يبارك فيك ياباشا

[A.Saad]

الفوجات فى التوكيب ب 500 بس مش عارف بالضريبة ولا لا
ملى النيتروجين
انا سالت اللمهندس نجاد فى موضوعه فى التعليمى وقال ان الافضل يكون نفس المقاس بتاع الكاوتش
بس قريت فى موضوع تانى ان محلات الاطارات توصى بان الضغط يكون اقل
حاول تطلع بالعربية ايام الجمعه الصبح بدرى بتون الشوارع فاضية علشان تحفظها
الكاسيت
حسام كوداك دايما بيفضل البايونير

مبروك الترخيص يا غالى

[YaSSerwIN]

الله يبارك فيك ياباشا

انا النهاردة نزلت ركبت الكاسيت فى كلاريون

لما فك الوش الى بيركب فيه الكاسيت طلع محتاج وصلتين

واحدة أسمها أيزو دة للكهرباء والسماعات قيمتها 75 جنية
والتانية للأريال وبردك ب 75 جنية

قولته ركب الأيزو بس مؤقتا ً

وراح موصل سلكه من دخل فى دخل الأريال بالكاسيت ووصلها بالجاك بتاع أريال العربية ياعنى بدل الوصلة

أما بالنسبة لتركيب الكاسيت هل الكاسيت بيركب بالمستطيل الحديد الى بيبقى جاى معاه ولا ليه طريقة تانية

علشان انا حاسس انه أخترع

[A.Saad]

انا كنت سالت على مدة التسخين
مهندس التوكيل قاللى 30 ثانية
واللى مكتوب الكتالوج 10 الى 20 ثانية

[YaSSerwIN]

للرفع .........