إعـــــــلان

Collapse

.

,
See more
See less

تقرير صيانة ال 5000 للبيكانتو Live من ابو رواش

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    تقرير صيانة ال 5000 للبيكانتو Live من ابو رواش

    اتحدث اليكم من الاستراحة فى صيانة كيا فى ابو رواش
    احلى حاجة بجد ال WiFi ، كنت عارفة انه موجود من قبل ماجى فعملت حسابى و خدت اللابتوب معايا ، كنت حاجزة معاد الساعة 10 ، وصلت الساعة 9 و 50 دقيقة ، تم استلام العربية الساعة 9 و 55 دقيقة ، المركز كويس جدا و النهاردة مش زحمة ، اعدة دلوقتى مستنية العربية تخلص ، و كانت ليا ملحوظات على العربية قلتها لمهندسة الاستقبال ، و هكتب بعد ما العربية تخلص عن انطباعى عن مستوى الصيانة ان شاء الله
    Everything's not lost..
    الكلمات الدلالية (Tags): 50, 5000, good, live, ابن, استرا, اسكندرية, التوكيل, الجديدة, الشامل, الصيانة, الكنبة, الي, ام, بجد, بدون, بيكانتو, تقرير, توكيل, توكيل كيا, تيل, حل, رواش, زيت, سيراتو, صيانات, صيانة, صيانة كيا, عدة, عربية, على, عن, فرامل, فرامل اليد, فلتر, كيا, كيا الجديدة, للبيكانتو, ما, محلات, مركز, مشاكل, مصر, مع, من, هي, يا
  • #2
    شيكى على العربية اما تستلميها وافتحى الكبوت واتاكدى ان اغطية الزيت والقربة وزيت الفرامل مربوطين كويس
    A.Saad

    Comment

    • #3
      والله حاجه محترمة جدا و مركز صيانة محترم و ان شاء الله تخرج من حجرة العمليات بالسلامة و تكون بصحة كويسة ربنا يحفظهالك ان شاء الله (:

      Comment

      • #4
        فى أنتظار التقرير الشامل عن الصيانة ....
        [SIGPIC][/SIGPIC]

        Comment

        • #5
          التقرير الشامل عن الصيانة

          تكلفة الصيانة 160 جنيه

          98 جنيه زيت شل 5000 كيلو
          35 جنيه غسيل الموتور بالفوم
          25 جنيه فلتر زيت
          و المصنعية فى الصيانة الاولى مجانا

          الصيانة القادمة عند 10000 كيلو ان شاء الله و بعد كده بتبقى كل 10000 كيلو مع فحص مجانى كل 5000 كيلو

          ملحوظاتى على العربية قبل الصيانة :

          1- صوت صفارة فى الفرامل ( قلت ممكن يكون تيل الفرامل )

          2- الباور بيزيق على السرعات البطيئة ( و مش دايما )

          3- صوت زن جاى من ناحية الكنبة على السرعات العالية

          طلبت من مهندسة الاستقبال ان يتم فحص الفرامل الامامية والخلفية لانى مكنتش متأكدة الصفارة منين بالظبط ، و قلتلها على بقية الملحوظات طبعا

          استلمت العربية الساعة 12 و نص ، مغسولة كويس جدا برة وجوة ، و طلعت بيها و لاحظت الاتى


          1- صوت الصفارة اللى فى الفرامل اختفى تماما و الفرامل بقت حساسة جداا و احسن من الاول

          2- الموتور صوته بقى اهدى مش عارفة السبب

          3- اللى عمل الصيانة رجلش فرامل اليد ، و ده خلاها بتمسك من اول تكتين ، كانت بتمسك على الرابعة قبل كده ، مش عارفة ده كويس و لا وحش ياريت حد يفيدنى

          4- صوت الزن اللى من ناحية الكنبة اختفى

          5- العربية حسيتها انعم ككل

          6- صوت التزييق اللى فى الدركسيون اختفى


          المركز كويس جدا جدا ،و كمان اتفرجت على العربيات فى الشو روم ، طبعا الكارينز مكانتش موجودة، و انا اتبسطت جدا من المعاملة و ان زى ما مهندسة الاستقبال قالتلى اول ما دخلنا ( هتستلمى العربية بعد ساعتين و نص ) فعلا استلمتها بعد ساعتين و نص ، العربية ادائها اتحسن بعد الصيانة و فعلا حسيت بفرق و كل المشاكل اللى كانت موجودة فيها اتحلت الحمد لله


          فعلا توكيل محترم و بيأكدولى انى اخترت صح .
          Everything's not lost..

          Comment

          • #6
            ريجلاش فرامل اليد بيتعمل في كل صيانة عشان هي بطبيعتها بترتخي ........ لان الاول كان ممكن تتنسي و تمشي بيها مرفوعة و العربية كانت هتمشي معاكي ..... او تبقي شادة الهاند بريك و حد يزق لك العربية تتزق معاه عادي بس دلوقتي صعب جدا العربية تتحرك
            [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

            [URL="https://goo.gl/30fu9U"]Registered Migration Agent - MARN 1575106[/URL]
            [/COLOR][/CENTER][/SIZE]

            Comment

            • #7
              مبروك يا فندم و عقبال صيانات الـ60 الف و العربية بخير

              نفس السيناريو المحترم بيتكرر في الصيانات
              [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

              Comment

              • #8
                توكيل كيا اثبت اعتماديته و كل الاتجاه حاليا الى موديلاد كيا الجديدة نظرا لسهولة التعامل مع التوكيل
                الف مبروك الصيانة و دايما توكيل كيا يكون قد المسؤولية باذن الله
                [SIZE=6][I][COLOR=#000000][FONT=Comic Sans MS][SIZE=6]
                [/SIZE][/FONT][/COLOR][/I][/SIZE]

                Comment

                • #9
                  مبروك عليكي العربيه وربنا يباركلك فيها ويا رب دايما التوكيل كده يبقي اد المسئوليه
                  عبقالنا كده يا رب في توكيل محترم ::d:d:d:d:d
                  [CENTER]ربنا يصلح الحال[/CENTER]
                  [CENTER]:ask:الحمدالله:ask:[/CENTER]

                  Comment

                  • #10
                    كنت عاوز اعرف ازاي اوصل لابو رواش من الطريق الزراعي؟
                    وفين في ابو رواش؟
                    وهل هو فيه معرض؟
                    يعني اقدر احجز من هناك؟
                    [COLOR="RoyalBlue"][SIZE="5"][CENTER]خير الناس أنفعهم للناس
                    [CENTER][SIGPIC][/SIGPIC][/CENTER]إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ[/CENTER][/SIZE][/COLOR]

                    Comment

                    • #11
                      الف الف مبروك و عقبال الصيانة الجاية
                      فعلا توكيل كيا محترم جدا و اثبت كفأتة
                      شكرا علي التقرير
                      i love u my gen 2 :k4:

                      Comment

                      • #12
                        ألف مبروك و عقبال الـ100 ألف انشاء الله بدون مشاكل :)

                        Comment

                        • #13

                          مبروك على الصيانه

                          وعقبال ال 100000
                          [aldl]http://s17.postimg.org/ygne2hebj/F2000045710.jpg[/aldl]

                          Comment

                          • #14
                            المشاركة الأصلية كتبت بواسطة dr.nemo مشاهدة المشاركة
                            كنت عاوز اعرف ازاي اوصل لابو رواش من الطريق الزراعي؟
                            وفين في ابو رواش؟
                            وهل هو فيه معرض؟
                            يعني اقدر احجز من هناك؟
                            أيوة ده المركز الرئيسي لكيا و هو معرض و مركز صيانة و كل حاجة و ممكن تحجز من هناك

                            حضرتك اركب الدائري من الزراعي في اتجاه ميدان لبنان (اللي هي اول طلعة لو انت جاي عالدائري من قليوب مش التانية) ......

                            تمشي مسافة 12 كيلو بالظبط لحد ما توصل لتقاطع الدائري مع المحور هتلاقي منزلين .... الاولاني مكتوب عليه طريق مصر اسكندرية الصحراوي و ستة اكتوبر و التاني مكتوب عليه ميدان لبنان ...... تنزل الاولاني اللي مكتوب عليه الصحراوي .... هتلاقي نفسك عالمحور .... هتمشي كمان 12 كيلو برضه هتلاقي نزلة اسكندرية الصحراوي ...... هتنزل النزلة ...

                            هتمشي بتاع 3 او 4 كيلو ...... هتلاقي على يمينك الاول بنزينة شل بعدين بنزينة امارات مصر بعدين داندي مول (مول فيه بنوك و محلات و كارفور) .... بعديهم موبيل و أون ذا ران ...... بعد موبيل هتلاقي دخلة يمين و دايما بيبقى عندها بوكس بوليس راكن عالرصيف و يافطة كبييييييييرة فوق مكتوب عليها القرية الذكية بتشاور يمين ...... هتخش يمين و يبقى بوكس البوليس على شمالك و هتلاقي القرية الذكية على شمالك و مدخلها الرئيسي .... تمشي حضرتك مع سور القرية الذكية (حوالي دقيقتين او تلاتة بالعربية) و بعديه هتلاقي دخلة شمال ..... خش شمال مع السور (يعني برضه السور يفضل على شمالك) .... مفيش دقيقتين بالعربية هتلاقي كيا على يمينك
                            [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

                            [URL="https://goo.gl/30fu9U"]Registered Migration Agent - MARN 1575106[/URL]
                            [/COLOR][/CENTER][/SIZE]

                            Comment

                            • #15
                              مبررررررررررروك وعقبال صيانة ال 100 الف

                              Comment

                              السابق 1 2 template التالي
                              Working...
                              X