توكيل ولا موزع ؟؟

[mohamed ellithy]

لو ناوى تشترى كيا
و لو مش عايز تشجع الاوفر بريس
و لو ناوى تشترى بالسعر الرسمى
تحجز ف التوكيل ولا تحجز عند موزع زى طارق أو اباظة ؟؟

[Eslam.Elrefaey]

أنا عن نفسى من موزع

[أحمد كمال]

لو ناوى تشترى كيا
و لو مش عايز تشجع الاوفر بريس
و لو ناوى تشترى بالسعر الرسمى
تحجز ف التوكيل ولا تحجز عند موزع زى طارق أو اباظة ؟؟

وكيل لان له كبير ممكن تصور ايصال الحجر و تبعته كوريا

الموزعين حركاتهم القذرة كتير و مالهمش كبير و عبيد للفلوس

فيه ناس هنا كانت حاجزة مع القصراوي و اما جت العربيات قال لهم عايز اوفر برايس !!!!!!!


يعني انت حاجز عشان تاخدها باوفر برايس ..... او من الاخر هو حجز بفلوسك عشان يبيعها لغيرك باوفر برايس

فكك يا مان التوكيل انضف

[iseddik]

انا عن نفسى حجزت مع الوكيل علشان مضمون فى التعامل معاه
وخصوصا بعد المشاكل اللى كلنا عارفينها مع الموزعين وعلى رأسهم طبعا كان الفرسان واللى عمله

بس التوكيل بقى محتاج صبر جامد اوى
يعنى تحجز العربيه وتنسى انك حجزت
يعنى انا بقالى شهرين اهوه حاجز ويا عالم هستلم امتى

يا مسهل

[de3bis]

وكيل لان له كبير ممكن تصور ايصال الحجر و تبعته كوريا

الموزعين حركاتهم القذرة كتير و مالهمش كبير و عبيد للفلوس

فيه ناس هنا كانت حاجزة مع القصراوي و اما جت العربيات قال لهم عايز اوفر برايس !!!!!!!


يعني انت حاجز عشان تاخدها باوفر برايس ..... او من الاخر هو حجز بفلوسك عشان يبيعها لغيرك باوفر برايس

فكك يا مان التوكيل انضف

مع احترامى لرأيك و لكن الموزعين أفضل مع التحفظ على اختيار الموزع الذى يتم التعامل معه و ذلك للأسباب الأتية :

1- المقدم المدفوع عند الموزع أقل (من 1000 الى 5000) بينما التوكيل 20,000
2-الموزعين بيبقى لهم اولوية عند التوكيل عن الأفراد للكميات و لأنهم بيخدوا عربيات تانية من اللى واقف سوقها مع السيراتو
3- دور فى المنتدى كده كام واحد استلم من الموزعين و كام واحد من التوكيل حتلاقى فيه عدد من الموزعين و تقريبا مفيش ولا واحد استلم من التوكيل حتى الأن الا اللى لحقوا اول دفعة بتاعة العرض الأول و تست البيع بتاع اول اسبوع فى ابريل
4- كده كده الموزع بيدفع فلوس زيادة فى التوكيل علشان يستلم عربيات وبيعها بأوفر برايس

و أخيرا " لا للأوفر برايس " سواء من التوكيل أو من الموزعين
:b4_388:

[أحمد كمال]

4- كده كده الموزع بيدفع فلوس زيادة فى التوكيل علشان يستلم عربيات وبيعها بأوفر برايس

:b4_388:

على فكرة الكلام ده مش مظبوط ..... لان اصلا دول في الاخر موظفين محدش يقدر ياخد حاجة في جيبه .....

[أحمد كمال]

نيجي بقى لمزايا التوكيل

1- تستلم عربيتك لا ملعوب فيها و لا متساقة 50 كيلو و لا يحزنون

2- العربية مش هتتخبط و تتصلح في الحرفيين و تتباع لك على انها زيرو

3- محدش هيفك سلك السرعة و يعمل مشاوير بالعربية و يقول لك دي زيرو

4- مش هتدفع فلوس و تروح عليك زي الفرسان و الربيع اللي كانوا من اكبر تجار العربيات في البلد و لبسوا ناس كتير

5- عمر ما حد هيجرؤ يقول لك ادفع نكلة زيادة عن تمن العربية

[Sherif Sharaf]

بيتهيألى لو عايز تضمن فلوسك يبقى أكيد تحجز مع الوكيل
بس فعلاً هو محتاج شوية صبر

[mohamed ellithy]

بس للصبر حدود
و يا ترى لو حجزت دلوقتى هتستلم أمتى مع التوكيل و أمتى مع الموزع ؟