عن تجربه كارينز رقم 1

[loaazayan]

اى تقييم لاى عربيه فى الدنيا يعتمد على التجربه ودى تجربتى مع كارينز اوتوماتيك على طريق السويس

اولا العربيه مش بتاعتى لكن جربتها مرتين لمسافات طويله واللى قال عنها انها موتورها ضعيف اكيد مجربش العربيه تماما ولا يعرف عنها حاجه

العربيه معايا سحبها ناعم اوى ورشيق جدا مع ان حجمها كبير . دواسة البنزين لها مستويين لو ضغطت عليها من تحت بيبقى السحب عادى ولو ضغطت عليها من فوق بتسحب بقوه جامده جدا التنقل مابين الغيارات وانا بتكلم لو مشغلها اوتوماتيك مش مانيوال ناعم وبيسرقك ومابتحسش بالسرعه على طريق سريع لحد 160 مع ثبات جيد جدا فى المنحنيات والعربيه وانت على سرعة 160 هاديه جدا ومعاك انك تزود بسهوله لان الموتور قوى جدا

تكييف العربيه تلاجه ومبيأثرش على السرعه ومن غير متعمل كيك داون

العربيه واسعه جدا جدا جدا من جوه والشنطه بتاعتها ممكن تحملها بمكونات دولاب ودا من غير مجامله بالاضافه انها مزوده بفتحه كهرباء بالشنطه عشان لو هتشغل تلاجه او تشحن موبايل تانى .

مقارنة بكل السيارات فى فئتها لا توجد مقارنة على الاطلاق ولو عربيه متناسبه معاها فى السحب لن تتناسب معها فى الحجم الداخلى للعربيه ماشاء الله ولا قوة الابالله العربيه جميله جدا واداء العفشه جيد وادائها ممتاز كموتور وسحب وتوافق الجيربوكس مع الموتور وسعرها ممتاز اشترناها بـ 109000 جنيه كامله اوتوماتيك وسعرها على 10000 بعدها باسبوع واحد - ولو هتشترى عربيه واسعه وقويه وعائليه جدا يبقى كارينز وبس .
ولو فى اى سؤال عن العربيه ربنا يقدرنى واقدر اوفيه .

[major123]

شكرا جزيلا على التقييم
طمنتني الله يطمنك

[hany667]

شكرا لتقييمك ولكن لى إستفسار مدى كفاءة الفرامل على السرعات

العالية وخصوصا لو معاك عدد فى السيارة ولك أرق التحية

[kiromena]

اولا الف مبروك............
ثانيا استهلاك البزين اد ايه؟جوه البلد و على الطريق؟
الكونسول arm rest مش مأثر على راحة السواقة؟
الكنبة الخلفية واصلها التكييف كويس ولا لاء على اساس انها واسعة
صوت الموتور مش عالى على السرعات؟
اكيد بعد ما سوقتها اكيد اكيد فى عيب و لو صغير.........
على فكرة انا حاجز منيوال وهستلم خلاص
اخبار الترخيص اية؟اد ايه فلوس يعنى؟
اخيرا الله يباركلك فيها........و شكرا على تعاونك

[dido76]

الف شكر ليك علي هذه الاضافة, بس هل حسيت ان العربية فقيرة بالنسبة للامكانيات, انا حاجز الاوتوماتيك بس عندي احساس كسد للسيارة ان مش دي العربية اللي انا عايزها وان مهما كانت الحاجات اللي تروشنها رخيصة بس هي مقللة اوي صورة العربية في عينيا
بما انك سوقتها فياريت تفيدني

اى تقييم لاى عربيه فى الدنيا يعتمد على التجربه ودى تجربتى مع كارينز اوتوماتيك على طريق السويس

اولا العربيه مش بتاعتى لكن جربتها مرتين لمسافات طويله واللى قال عنها انها موتورها ضعيف اكيد مجربش العربيه تماما ولا يعرف عنها حاجه

العربيه معايا سحبها ناعم اوى ورشيق جدا مع ان حجمها كبير . دواسة البنزين لها مستويين لو ضغطت عليها من تحت بيبقى السحب عادى ولو ضغطت عليها من فوق بتسحب بقوه جامده جدا التنقل مابين الغيارات وانا بتكلم لو مشغلها اوتوماتيك مش مانيوال ناعم وبيسرقك ومابتحسش بالسرعه على طريق سريع لحد 160 مع ثبات جيد جدا فى المنحنيات والعربيه وانت على سرعة 160 هاديه جدا ومعاك انك تزود بسهوله لان الموتور قوى جدا

تكييف العربيه تلاجه ومبيأثرش على السرعه ومن غير متعمل كيك داون

العربيه واسعه جدا جدا جدا من جوه والشنطه بتاعتها ممكن تحملها بمكونات دولاب ودا من غير مجامله بالاضافه انها مزوده بفتحه كهرباء بالشنطه عشان لو هتشغل تلاجه او تشحن موبايل تانى .

مقارنة بكل السيارات فى فئتها لا توجد مقارنة على الاطلاق ولو عربيه متناسبه معاها فى السحب لن تتناسب معها فى الحجم الداخلى للعربيه ماشاء الله ولا قوة الابالله العربيه جميله جدا واداء العفشه جيد وادائها ممتاز كموتور وسحب وتوافق الجيربوكس مع الموتور وسعرها ممتاز اشترناها بـ 109000 جنيه كامله اوتوماتيك وسعرها على 10000 بعدها باسبوع واحد - ولو هتشترى عربيه واسعه وقويه وعائليه جدا يبقى كارينز وبس .
ولو فى اى سؤال عن العربيه ربنا يقدرنى واقدر اوفيه .

[Ahmed Samy]

شكرا لنقل رأيك في العربية

بس موضوع غياب المخدع ده ايه نظامه ؟؟

و التوكيل ممكن يجيبه ولا لأ ؟

لأنه بيفرق جامد

[samehkadous]

انا برضه استلمت كارينز مانيوال امبارح فعلا التقييم الى عامله صاحب الموضوع دقيق جدا بس فعلا موضوع المخدع فارق كتيروحاولت ان اجد اى مخدع مناسب فى بورسعيد ولم اجد

[M.ABDEEN]

مبروووووووووك يا باشا وتقييم ممتاز واهم شيء هو تكذيب ادعائات اللي قالوا ان موتورها سحبه مش قوي وموتورها ضعيف وده كده تاكيد من شخص يمتلك العربية

[M.Mostafa80]

شدو حيلكو يارجاله يمكن نبداء نفكر فيها مكستنى أرأئكم يارب يا مسهل بس بموضوعيه

[أحمد كمال]

الف شكر ليك علي هذه الاضافة, بس هل حسيت ان العربية فقيرة بالنسبة للامكانيات, انا حاجز الاوتوماتيك بس عندي احساس كسد للسيارة ان مش دي العربية اللي انا عايزها وان مهما كانت الحاجات اللي تروشنها رخيصة بس هي مقللة اوي صورة العربية في عينيا
بما انك سوقتها فياريت تفيدني

نصيحة لو انت مش مقتنع ان هي دي العربية اللي انت عايزها يبقى اخلع

بدل ما تجيبها و تجيبلك اكتئاب و تبيعها و تخسر

العربية زي البيت لو مش مرتاح فيها بتقرفك في عيشتك

[dido76]

نصيحة لو انت مش مقتنع ان هي دي العربية اللي انت عايزها يبقى اخلع

بدل ما تجيبها و تجيبلك اكتئاب و تبيعها و تخسر

العربية زي البيت لو مش مرتاح فيها بتقرفك في عيشتك

انا مش مقتنع بكماليات السيارة من الداخل يعني حاجة بسيطة زي المخدع تقعد تلف عليها قد كده و تزهق من جشع التجار و الرغي الكتير و علشان خاطرك و و و و و
انا عايز استني لما العربية ينزل منها اوبشنز اكتر و مش اكتر كتير في السعر
بس باين كده ان الوكيل غاوي يعطش السوق علشان يضمن المبيعات
علشان كده كنت بسال الناس اللي ركبت الاوتوماتيك مبسوطة من داخل العربية والا لا
مهما كان اللي يقول ان العربية مناسبة بالنسبة لسعرها من حيث عزم السيارة و التجهيزات الخارجية بس برضة مبلغ 110 الف مش بعيد اوي عن عربيات تانية مجهزة جامد جداً داخلياً
علشان كده انا متردد بشائنها انا معجب باللي فيها بس مستني حاجات تانية اكتر علشان اقتنع اني اصلا اغير عربيتي اللي مكفية احتياجاتي الحالية

[Ahmed Samy]

انا مش مقتنع بكماليات السيارة من الداخل يعني حاجة بسيطة زي المخدع تقعد تلف عليها قد كده و تزهق من جشع التجار و الرغي الكتير و علشان خاطرك و و و و و
انا عايز استني لما العربية ينزل منها اوبشنز اكتر و مش اكتر كتير في السعر
بس باين كده ان الوكيل غاوي يعطش السوق علشان يضمن المبيعات
علشان كده كنت بسال الناس اللي ركبت الاوتوماتيك مبسوطة من داخل العربية والا لا
مهما كان اللي يقول ان العربية مناسبة بالنسبة لسعرها من حيث عزم السيارة و التجهيزات الخارجية بس برضة مبلغ 110 الف مش بعيد اوي عن عربيات تانية مجهزة جامد جداً داخلياً
علشان كده انا متردد بشائنها انا معجب باللي فيها بس مستني حاجات تانية اكتر علشان اقتنع اني اصلا اغير عربيتي اللي مكفية احتياجاتي الحالية

انا ركبتها في الشو روم

غياب المخدع مش لطيف الحقيقة

و المخدع الأصلي بتاعها شيك و جميل و كبير و فيه حامل أكواب

استنى شوية يمكن ينزل كماليات أعلى مصري أو خليجي

[أحمد كمال]

الكونسول الاوسط العالي اللي فيه مخدع بيتجاب Special Order

و طلبت منهم يعرفوا لي سعره و هاجيبه ان شاء الله

بس مافيهوش هوايات تكييف خلفية للاسف

اول ما اعرف بكام هارسيكم عالحوار

[mmeluo]

( وسعرها ممتاز اشترناها بـ 109000 جنيه كامله اوتوماتيك وسعرها على 10000 بعدها باسبوع واحد )

ممكن توضح يعنى ايه سعرها على 10000 بعدها باسبوع واحد؟

[Samer_Ibrahim]

يا ترى ممكن مقارنة سريعة بينها و بين النيو سيراتو