بيكانتو ولا لانوس؟!

[gebreel]

با جماعة انا عاوز اشتري عربية لاختي عربية في حدود 60000 او 65000 الف فمحتارين بين البكانتو و اللانوس فالبيكانتو جامدة من كل النواحي فيما عدا حاجتين
الحاجة الاولى ان موتورها 1100 سيسي 65 حصان
في حسن ان اللانوس 1500 سيسي 85 حصان (عدد الاحصنة قليل اه بس هي مش هتدخل سبأ)
الحاجة التانية قطع الغيار بتاعة البيكانتو انها غالية شوية فهل ده صحيح؟! و يا سلام لو تدوني اسعار بعض قطع الغيار علشان اعرف احكم

و في سؤال تاني هل الموتور ال1100 هيأثر عليه التكييف ولا ايه النظام ، من الاخر عاوز اعرف تقييمكو ايه للعربية خصوصا كمان اني حاسس ان صيانتها صعبة لان حوض الموتور صغير

شكرا يا جماعة بس عاوز الرد سريعا علشان نعرف نتوكل على الله في ايه؟!

[أحمد كمال]

بيكانتو طبعا

اولا هي بنت مش محتاجة تطير و لا وسع رهيب

ثانيا تققيل كوري

ثالثا منصور توكيل يقرررررررررررف

رابعا كيا توكيل ممتاز

خامسا الاتنين نفس سعر قطع الغيار تقريبا

[YaSSerwIN]

أرشحلك البيكانتو أيضا ً نظرا ً لصغر حجمها وسهولة قيادتها

[gebreel]

مبدئيا شكرا لروددكم السريعة
ثانيا يا جماعة قطع الغيار للبيكانتو بالنسبة للانوس ايه نظامها و اسعارها ايه؟!

[kiroo]

خامسا الاتنين نفس سعر قطع الغيار تقريبا

مع احترامى لحضرتك البيكانتو اغلى بكتير من الانوس كقطع غيار
و انا ارشحلك الانوس و دى بعض اسعار قع الغيار الانوس و اعتقد انها فى متناول الجميع انما البيكانتو اعرف ان فيها حاجات معينة غالية اوى يعنى بمعنى اصح لا تصدق (انا قلت بعض مش كل)

http://www.nilemotors.net/Nile/19945-a.html

[kiroo]

يعنى قطع غيار الانوس زى ال 128 و الحاجات دى كدة فأنصحك بيها

[M.almaghraby]

بيكانتو

[ahmad--ezzat]

حرام تدفع 60 او 65 فعربيه صغيره كدة...

خليك فى الانوس ...مهياش عربيه حجمها كبير للدرجه...والبنات كلهم بيسوقوها عادى...وسواقتها سهله وقطع غيارها تمام..وعربيه محترمه....ابعد عن كيا وقطع غيار كيا وتوكيل كيا

[sherif2net]

.ابعد عن كيا وقطع غيار كيا وتوكيل كيا

معلش هوا فى مشكلة معينة حصلت مع حضرتك؟؟؟؟؟

[NaderNabil]

مع احترامى لحضرتك البيكانتو اغلى بكتير من الانوس كقطع غيار
البيكانتو اعرف ان فيها حاجات معينة غالية اوى يعنى بمعنى اصح لا تصدق (انا قلت بعض مش كل)

زي إيه يا باشا؟؟؟
ياريت أمثلة توضيحية

[NaderNabil]

....ابعد عن كيا وقطع غيار كيا وتوكيل كيا

إيه السبب اللي خلاك تقول الكلام ده؟

[YaSSerwIN]

بالعكس انى شايف ان كل الى أتعاملو مع توكيل كيا بالذات بيشكرو فيه جدا ً

[yoko]

بيكانتو طبعا

اولا هي بنت مش محتاجة تطير و لا وسع رهيب

ثانيا تققيل كوري

ثالثا منصور توكيل يقرررررررررررف

رابعا كيا توكيل ممتاز

خامسا الاتنين نفس سعر قطع الغيار تقريبا

+++++++++++++1
وإدخل على منتدى شيفرولية لإن فيه بعض العيوب ظهرت أنا مرة كنت رايح عشان مشكلة في الأفيو في ساعة 3 عربيات دخلت مابين 2000كم و5000كم عشان سير التكيف إتقطع والي عندة العربية بتسرب زيت
فإدخل وشوف العيوب الي زهرت وشوف عيوب البيكانتو وإنت على أساسها حدد

[aly_hosny]

+++++++++++++1
وإدخل على منتدى شيفرولية لإن فيه بعض العيوب ظهرت أنا مرة كنت رايح عشان مشكلة في الأفيو في ساعة 3 عربيات دخلت مابين 2000كم و5000كم عشان سير التكيف إتقطع :b4_592: والي عندة العربية بتسرب زيت
فإدخل وشوف العيوب الي زهرت وشوف عيوب البيكانتو وإنت على أساسها حدد

يا باشا وضح كلامك هل العيوب دي في اللانوس
انا عايز بس اقول ان اللانوس نفسها بالظبط كل ال عاملوه انهم شالو علامة الدايو ال موجودة وحطو شيفرولية وركبو سي دي كينود غير كدا هي نفسها ومعروف ان اللانوس ارخص قطع غيار في البلد كلها وكل الصنايعية ايديهم شغالة فيها ده غير طبعا فرق الموتور بينها وبين البيكانتو
وطبعا التكييف مع 65 حصان هيقتل العربية لانها اصلا حجمها كبير على 65 حصان

[shery103]

انا برشح البيكانتو ، سواقتها هتبقى اريح و اسهل ، و العربية كويسة جدا
و التوكيل مريح جدا