سؤال لملاك الكارينز

[M.Mekawy]

انا حاسس ان فى اتجاه عام افى الرأى ان الكارينز أفضل من الماتريكس و هتمسحها , فيا ريت لو حد من اللى حاجزين الكارينز او استلموها بالفعل يقولنا لماذا تتميز الكارينز عن الماتريكس ( اوجه التميز options , عفشة , سعر , موتور , ...)طبعا بخلاف سمعة التوكيلين , لان اكيد اى حد فكر فى الكارينز عمل المقارنة دى بينه و بين نفسه
بالمناسبة انا ميهمنيش التوكيلين اطلاقا , يعنى انا مش بعمل دعاية لعربية على حساب عربية , انا بس بستفسر

[m_s_h_a]

الكارينز لا تزال تحت الاختبار والنيو سيراتو كذلك الماتريكس اثبتت وجودها لكن عموما توكيل هيونداى لا تعليق سيىء طبعا

[samehkadous]

انا كان عندى ماتركس 2006 ودلوقتى عندى كارينز
الكارينز شكل احلى وثبات احسن بكتير وسحب احسن برضه

الماتركس ميزتهابرضه انه من الزيرو الى 90000 معملتش اى صيانة غير تغيير الزيت فقط ومرة واحدةبوجيهات
استهلاك البنزين الماتركس اقل

[hassounaem89]

الكارينز اوسع فى الصالون وفى الشنطة ...
كمان ابعادها بتبين انها اعلى من الماتريكس...
انا لسه مجربتهاش فى حكاية السحب واستهلاك البنزين ... بس اعتقد انها اتقل فى الوزن
وده معناه ثبات اكتر ولكن فى نفس الوقت استهلاك بنزين اكتر بالتأكيد

[M.Mekawy]

انا كان عندى ماتركس 2006 ودلوقتى عندى كارينز
الكارينز شكل احلى وثبات احسن بكتير وسحب احسن برضه

الماتركس ميزتهابرضه انه من الزيرو الى 90000 معملتش اى صيانة غير تغيير الزيت فقط ومرة واحدةبوجيهات
استهلاك البنزين الماتركس اقل

هوة مش مرة واحدة بوجيهات خلال 90000 دى صعبة شوية؟

[samehkadous]

هوة مش مرة واحدة بوجيهات خلال 90000 دى صعبة شوية؟

انا غيرت البوجيهات فعلا مرة واحدة عند تقريبا 50000
وبعت العربية على 90000 بنفس البوجيهات

[أحمد كمال]

بص يا سيدي

الكارينز لا تقارن بالماتريكس

لأسباب عديدة

1- تقفيل كوري مش تركي

2- صاج ناشف و تقيل جدا

3- أوسع بكتير

4- شكل أفضل 100 مرة و جديد مش داخل على 10 سنين

5- توكيل أفضل ميت مرة

6- اعتمادية كيا أفضل من هيونداي

7- مساحات تخزينية أوسع بكثير

[hossam_elwani]

هيا المتاريكس تقفيل تركى؟؟؟؟؟؟

[samehkadous]

هيا المتاريكس تقفيل تركى؟؟؟؟؟؟بعد2007 تقريبا

[M.Mostafa80]

هيا المتاريكس تقفيل تركى؟؟؟؟؟؟
بعد2007 تقريبا

الكلام دا مظبوط من أول 2007 التقفيل تركى وأتلغى منها بعض الزيدات

[Amrrr]

بص يا سيدي

الكارينز لا تقارن بالماتريكس

لأسباب عديدة



5- توكيل أفضل ميت مرة

أفضل في ايه بالظبط ؟ هو لحد سنة او سنتين كان لسة مش مستقر ودا خلاني اجيب آتوس بدل بيكانتو !!! دلوقتي هو نظامه واحسن في ايه ؟

[أحمد كمال]

أفضل في ايه بالظبط ؟ هو لحد سنة او سنتين كان لسة مش مستقر ودا خلاني اجيب آتوس بدل بيكانتو !!! دلوقتي هو نظامه واحسن في ايه ؟

حضرتك بتتكلم على مين

كيا موتورز ايجيبت اللي هي وليد توفيق و اتسحب منه التوكيل و لسه شغال بنفس الاسم و بيستهبل و بيضحك عالناس و يقول انا لسه الوكيل؟

و لا eit ؟


eit مستقر و احسن ميت مرة و اقول لك في ايه

ضمان 5 سنين او 100 الف كيلو

معاملة احسن 100 مرة

نضافة في التعامل

على فكرة انا لا معايا كيا و لا معايا هيونداي

بس شفت هنا و هنا

هناك فرق ......و فرق كبيييييييييييييييييييييييييييييييييييييييييييييييي يييييييييييير

بين غبور و بين نصير