ماذا لو كنت مكانى ؟

[Amro_Gamal]

اخوانى و اخواتى الأعزاء

ماذا تفعل لو كنت مكانى و حاجز سيراتو هاى لاين من 4 شهور ؟ انا اعلم جيدا انه يوجد المئات من نفس حالتى بس ياترى ايه رد الغعل اللى ممكن نقوم بيه الآن ؟

1. أنا اشتكيت كذا مرة في الوكيل فرع روكسى و بدون اي فايدة
2. أشتكيت للشركة الأم عن طريق المسئوليين عن الMiddleast و مكانهم في الامارات منذ 3 أيام و لسه مستنى الرد
3. بعض الأصدقاء قالى اعرض على بتوع المبيعات فلوس علشان تخلّص نفسك من قرف الأنتظار
4. هل ممكن نشتكي فى جهاز حماية المستهلك و لا ده مضيعة للوقت ؟
5. هل ممكن نكتب شكوى جماعية و ترفع لأى جهة مسئولة في البلد أو اى مسئول لأنه مش معقول انه يوصل بينا الحال و نحس ان احنا عايشيين فى غابة بدون ضابط و لا رابط؟
6. هل ممكن نتجمع كلنا و نتشاور و نأخذ قرار جماعي ضد التوكيل و الموزعيين أسوة بما يحدث في اي دولة متحضرة حتي لو انه القرار المتخذ هيأثر عليا شخصيا انا موافق طالما انه فيه مصلحة الآخريين. و لا صعب اننا نتجمع على قرار واحد بينا و بين بعض؟
7. حسبى الله و نعم الوكيل في التوكيل و الموزعيين اللي بيستغلوا الأزمة و يغلوا الأسعار وفي العربية نفسها النيو سيراتو اللى عملت فينا كده

نفسى ان نجد حل لهذه المشكلة اللى ممكن تكون متكررة ليست مع كيا فقط و لكن ممكن تتكرر مع اي سيارة أخرى لأنه الجشع لايعرف موديل او نوع واحد أفيدونى أفادكم الله و انا معاكم فى اى حاجة حتعملوها طالما المصلحة واحدة و أسف على الاطالة

[ghabbour]

باشا فعلا الله يكون فى عونك
و انا مثلك تماما
حاجز الهاى لاين من اول مايو
و اخر ميعاد سمعتة فى النصف الثانى من شهر 8
و ده كان مع احدى مسؤال المبيعات بفرع روكسى
و ده الفرع الى انا حاجز فيه
و شوف و انا معاك
وده ايميلى للتواصل
ghabbour2000@hotmail.com

[kareemhisham]

انا بحترم كيا جدا من الكلام الحلو البسمعه عنهم ,,

بس فعلا المبيعات عندهم مخرفة خالص ,, و طبعا هما مكنوش متوقعين الاقبال الكبير دة ,, فقالك نعمل سبوبة (اسف فى اللفظ)

اصحاب العمولات يستلموا الاول ,, و التجار و اصحاب المعارض ليهم الاولوية ,,

مع انى مليش اى تعامل معاهم بس الموضوع دة استفزنى جدا ,,

بس انا لو مكانك هسحب فلوسى و هروح اشترى اى حاجة غير كيا ,, عند فيهم مش اكتر ,, لان بعد الاستفزاز دة انا هبقى مش عايز انفعهم ,,

انا مبحبش الطريقة دى و عادة بستنى ,, بس المرة دى زادت اوى ......

و اسف للاطالة

[m_s_h_a]

انا بحترم كيا جدا من الكلام الحلو البسمعه عنهم ,,

بس فعلا المبيعات عندهم مخرفة خالص ,, و طبعا هما مكنوش متوقعين الاقبال الكبير دة ,, فقالك نعمل سبوبة (اسف فى اللفظ)

اصحاب العمولات يستلموا الاول ,, و التجار و اصحاب المعارض ليهم الاولوية ,,

مع انى مليش اى تعامل معاهم بس الموضوع دة استفزنى جدا ,,

بس انا لو مكانك هسحب فلوسى و هروح اشترى اى حاجة غير كيا ,, عند فيهم مش اكتر ,, لان بعد الاستفزاز دة انا هبقى مش عايز انفعهم ,,

انا مبحبش الطريقة دى و عادة بستنى ,, بس المرة دى زادت اوى ......

و اسف للاطالة

وانا ده اللى عملته اللى بيغظنى ان العربيات بتوصل وتتوزع للتجار ويبيعوها باوفر برايس انما لو مفيش كان ماشى انما صرفت نظر عن الكارينز بسبب كدا مش ممكن اشترى عربيه من وكيل اخر حاجه عنده المستهلك

[gasserissa]

بصراحه يا باشا انا كنت زيك كده و عرفت اني مش هستلم علطول و اني هتبهدل و هستنه كتير و كان نفسي في الsx هاي لين
بس لما لقيت الناس مستنيه بقلها كتير اختها من قصرها و من الاول رحت جبت ال ex عشان العربيه دخله دماغي اوي بصراحه
وربنا معاك محدش يقدر يلومك لو سحبت فلوسك و رحت تجيب عربيه تنيه رغم ان العربيه حلوه اوي وتستهال بس اي كان هي عربيه و التوكيل طبعا غلطان ومش عارف يتحكم في طلبات السوق و يكفيها فا بصراحه انا لو مكانك و قفلت من التوكيل و العربيه
يبقه شوف بديل تاني لانك لو قفلت فعلا حتي لو جت هتكون مش مبسوط بيها ده راي رغم اني بحب العربيه ديه اوي و معجب بيها

[M7amD_7amDy]

ربنا يكون فى عونك والله وكل الناس اللى حاجزه
بس حرام بعد 4 شهور تسحب الفلوس (دى حرقه دم تانيه ياراجل)
شوف بس الشركه الام هتقولك ايه على الله تيجى بفايده
وانا من رأيى متسحبش فلوسك وتروح هناك وتهلل وترفع صوتك وتعملهم بالو
لان الناس دول ميجوش غير بالتهزيق(وحاول تشوف واسطه) لآن بلدنا الحلوه بتعشق حاجه اسمها واسطه :) للأسف
على الرغم انى ماليش علاقه بالافلام دى او اى تعامل معاهم بس الحكايه مستفزه جداااا
وتقبل مرورى :)

[TeMoON]

انا كمان حاجز هاى لاين بس من موزع ناشيونال موتورز بس بجد عالم زبالة وحاجز من اول ابريل ولحد انهردة لسة ما استلمتش وبيقولى 10/9 بعد ما كان بيقولى 15/8 فا انا مش ارف اعمل اية بجد زهقت فى حين انى كلمت محمد زكى وقالى انهم سلمو دفعة هاى لاين فا العربية جات واتباعت من برة برة فا اما نشوف انا بجد اتئفلت من الوكيل والموزعين والادارة الزبالة دى ولو كدا انا ممكن استوردها بنفسى من برة وهتفرق فى حدود 10 ارخص من الوكيل فا انا بجد اتخنقت ونصيحة لكل شخص رايح يحجز عربية يخلى المعرص يكتبلو معاد الاستلام فى الوصل عشان يقدر يمسكهم كويس لانهم شلة حرامية حسبى الله ونعمة الوكيل فيهم