تقرير مصـور عن السيــراتــو الكوبــيــه : : المواصفـات والأسـعار - جابر عبد الشهيد

[amr.elsayed]

يا جماعة حد عندوا فكرة السماعات المضيئة دى ينفع تركب
فى اى عربية يعنى بتتباع لوحدها كدة اكسسوارات يعنى اصل
انا اول مرة اشوفها وشكلها شيك جدا
بسم الله ما شاء الله الف الف شكر حسام باشا على المعلومات القيمة ومنتظرين المزيد عن سيراتو كوبيه

[kareemhisham]

ما دام عجبتكوا كدة يبقى اليكم شوية صور كمان










و اكيد السماعات دى بتتباع فى حتة ,, بس شكلها عايزة لعب فى الكهربة جامد

[Ghost2]

مش بقثولك يا حسام انت واصل وملكش حل ,,, التقرير جميل اوي يا مان ... وان شاء الله في تقرير مفصل هعملة عن كل مسمار في الهوندا سيتي قريب مستني رايك فيه

[Ahmed R08]

شكرا على التقرير الجميل
بس العربيه كدة مفيهاش esp ولا زجاج ملون ؟

[M7amD_7amDy]

واااااااو حاجه مغريه جداااااا جداااااا
بصراحه عربيه فوق الوصف والسعر يهبل
تسلم ايدك ومشكووور على تعبك :)

[Hosam_Optrawy]

السماعات المضيئة دى الهى زاى دى

ما دام عجبتكوا كدة يبقى اليكم شوية صور كمان










و اكيد السماعات دى بتتباع فى حتة ,, بس شكلها عايزة لعب فى الكهربة جامد

الف الف شكر ياكيمو باشا على الصور

[hossameg20035]

صراحة عربية تحفة
منظر وامكانيات
ما شاء الله
على فكرة نور السماعات بيلعب مع الموسيقى
على حسب قوتها ونغمتها

[Hosam_Optrawy]

مش بقثولك يا حسام انت واصل وملكش حل ,,, التقرير جميل اوي يا مان ... وان شاء الله في تقرير مفصل هعملة عن كل مسمار في الهوندا سيتي قريب مستني رايك فيه

ربنا يخليك ياباشا

وفى انتظار تقريرك عن السيتى

والف مبروك مقدما :)

شكرا على التقرير الجميل
بس العربيه كدة مفيهاش esp ولا زجاج ملون ؟

فيها esp وزجاج ملون

واااااااو حاجه مغريه جداااااا جداااااا
بصراحه عربيه فوق الوصف والسعر يهبل
تسلم ايدك ومشكووور على تعبك :)

العفو

[Hosam_Optrawy]

صراحة عربية تحفة
منظر وامكانيات
ما شاء الله
على فكرة نور السماعات بيلعب مع الموسيقى
على حسب قوتها ونغمتها

شكرا على المعلومه ياباشا

[ezzatfox]

الف شكر على مجهودك الرائع

[amr mokhtar]

الف شكر على السبق ده
هى العربية من جوة وهم بصراحة
بس فين صور العربية من بره؟؟

هل هى زى اللى فى الموقع ده
http://www.themotorreport.com.au/19063/2010-kia-ceratofortespectra-xk-coupe-spotted-in-testing/

[kareemhisham]

الف شكر على السبق ده
هى العربية من جوة وهم بصراحة
بس فين صور العربية من بره؟؟

هل هى زى اللى فى الموقع ده
http://www.themotorreport.com.au/19063/2010-kia-ceratofortespectra-xk-coupe-spotted-in-testing/

هى شبها قوى فى الشكل العام للعربية بس مش زيها بظبط ..

[kareemhisham]

هى دى

[fadynabil]

أنا شايف ناس بتقول إن سعرها رائع ... صباح الفل يعنني ... هو إيه اللي حصل في الدنيا يا جدعان

صحيح الإنصاص قامت والقوالب نامت ... بقي ١٥٠ ألف سعر يهبل ويجنن يا سلام .،>> أعتقد في وجهة نظري إني هبقي إتضحك عليا وإتكيست أوي أوي

بجد أنا مش عارف أقول إيه بس حتي لو بتقول بابا وماما مدفعش ١٥٠ ألف في عربية كوري مهما كان شكلها ويبقي قدامي أشتري جولف .. تعرفوا يعني إيه جولف ... >> تاريخ علي مر السنين كل يوم بيثبت نفسه وقيمته وإعتماديته

ولا بلاش جولف هتقولولي شكلها قديم ومش عارف إيه ،، مع إنه في رأيي بيمثل ليا الجمال الهادي اللي مبيقدمش مع مر السنين ( أصلك مش هتغيرها كمان كام سنه زي الكوري ،، دي عربيات بتاع عشره وسنوات كتيييييييير )

نقول ممكن برده سيات ليون عربيه تصميم ثوري بمعني الكلمه وفيها حركه وهميه بتاع الأكر اللي ورا بيبان شكلها إنها كوبيه .. ومعاك محرك وشاسيه وعفشه بتوقيع VW يعني عشرة

ولا بلاش دي ولا دي ( عشان متقولوش متعصب VW ) ممكن أجيب هوندا سيفيك ولو إني مش بحبها أوي بس أهي قمة الياباني وعربيه ليها وزنها

والإختيارات دول تقريباً بنفس التمن ،، يبقي لو فكرت أختار إيه

... في بلدنا الجميله إحنا دايما بنجري ورا السراب

وعلي فكره أنا مش بهاجم كيا بالعكس أنا مهتم جدا بسبب التطوير الفظيع اللي عملوه في التصميم وبعيدها وأقول التصميم ( يعني شكل بس ) وكام سنه وتقلب

... تبقي كويسه بقي لو بسعر مناسب مش ١٥٠ ألف

وعلي فكرة بجد أنا بنحني لبيتر شرايدر اللي عمل Design العربيه دي بجد تحفة ... وبالمناسبه الراجل ده هوه الي كان بردو عامل حاجات لفولكس بس أنا مش عارف عمل إيه بالظبط

[kareemhisham]

أنا شايف ناس بتقول إن سعرها رائع ... صباح الفل يعنني ... هو إيه اللي حصل في الدنيا يا جدعان

صحيح الإنصاص قامت والقوالب نامت ... بقي 150 ألف سعر يهبل ويجنن يا سلام .،>> أعتقد في وجهة نظري إني هبقي إتضحك عليا وإتكيست أوي أوي

بجد أنا مش عارف أقول إيه بس حتي لو بتقول بابا وماما مدفعش 150 ألف في عربية كوري مهما كان شكلها ويبقي قدامي أشتري جولف .. تعرفوا يعني إيه جولف ... >> تاريخ علي مر السنين كل يوم بيثبت نفسه وقيمته وإعتماديته

ولا بلاش جولف هتقولولي شكلها قديم ومش عارف إيه ،، مع إنه في رأيي بيمثل ليا الجمال الهادي اللي مبيقدمش مع مر السنين ( أصلك مش هتغيرها كمان كام سنه زي الكوري ،، دي عربيات بتاع عشره وسنوات كتيييييييير )

نقول ممكن برده سيات ليون عربيه تصميم ثوري بمعني الكلمه وفيها حركه وهميه بتاع الأكر اللي ورا بيبان شكلها إنها كوبيه .. ومعاك محرك وشاسيه وعفشه بتوقيع vw يعني عشرة

ولا بلاش دي ولا دي ( عشان متقولوش متعصب vw ) ممكن أجيب هوندا سيفيك ولو إني مش بحبها أوي بس أهي قمة الياباني وعربيه ليها وزنها

والإختيارات دول تقريباً بنفس التمن ،، يبقي لو فكرت أختار إيه

... في بلدنا الجميله إحنا دايما بنجري ورا السراب

وعلي فكره أنا مش بهاجم كيا بالعكس أنا مهتم جدا بسبب التطوير الفظيع اللي عملوه في التصميم وبعيدها وأقول التصميم ( يعني شكل بس ) وكام سنه وتقلب

... تبقي كويسه بقي لو بسعر مناسب مش 150 ألف

وعلي فكرة بجد أنا بنحني لبيتر شرايدر اللي عمل design العربيه دي بجد تحفة ... وبالمناسبه الراجل ده هوه الي كان بردو عامل حاجات لفولكس بس أنا مش عارف عمل إيه بالظبط

حضرتك السيارات متقسمة ... كوبيه , عائلية , كابريوليه , suv , و هكذا

ففى الحالة دى احنا بنتكلم على الكوبيه ,,

ممكن تقولى رنج اسعار العربيات الكوبيه كام ؟؟؟!!

ارخص كوبيه فى العالم كانت الهيونداى كوبيه ,, كانت عندنا ب145 و مفيهاش نص الحاجات الفى السيراتو الكوبيه ,,

دة معناه ان السيراتو الكوبيه سعرها ممتاز بالنسبة لباقى السيارات الكوبيه