سؤال عن دفعة 15/9 للسيراتو

[major123]

اخوانى الاعزاء ارجوكم حد يكون عندة معلومة السيراتو الجاية 15/9/2009 هل علية sx والا لا انا خلاص زهقت من الموزعين الموزع بيقولى عليها واسأل حد تانى يقولى لا عليها الهاى لاين و ال ex انا خلاص مش عارف اصدق مين لو حد عندة المعلومة ياريت يفيدنى وشكراً واسف على الاطالة.

[major123]

اية يا جماعة هو ماحدش حاجز والا اية ؟

[ghabbour]

هى باقيت 15/9
انا اخر حاجة عرفت ان الدفعة 28/8/2009 و حوالى 10 ايام لحين الافراج الجمركى
وو اخد ميعاد اقصاه 10/9/2009
و بصراحة خلاص جبت جااااااااااااااااااااااااااااااااااز
وزهئت

[weekend]

السلام عليكم
انا بجد مليت من الانتظار و عندى سؤال مهم لكل اللى حاجزين و منتظرين دفعة 10-9 دى
هو الواحد يعرف ازاى انو عربيتو فى الدفعة دى لما المعلومة دى مش موجودة عند التوكيل لما بسأل بيكون الرد بمنتهى البرود الدفعة لسة متسكنتش اتصل بينا يوم 20-8 اتصل يزفلى خبر وصول الكارينز و يقوللى اصل مش عارف ايه نظام السيراتو 23 هيكون كل المعلومات متاحة اتصل يكون الرد مين قال كده يوم 28 و عليك خير تكون الدفعة اتسكنت و هنتصل بالناس كلها هل قلتلو يعنى اريح نفسى من حرق الاعصاب و استنى تكلمونى انتو يقولى لا يا فندم برضو تابع معانا ........... ما علينا السؤال بقى هو الواحد يعمل ايه لو بعد العذاب ده اتقاللى ان الدفعة خلصت و الا انا لسة مش معمول حسابى او اى حاجة تخلى يوم 10-9 ده اكبر اشتغالة فى حياتى علما انى حاجز sx من يوم 12-6 من فرع المعادى يعنى 10-9 اتم 3 شهور بالظبط

[Amro_Gamal]

أصدقائى الأعزاء
انا مهندس فى شركة بترول و بنستورد و نشترى معدات من الخارج. حتة انه الوكيل لا يعمل ايه اللى جاي و الكمية ده كله كدب فى كدب لأنه بمجرد خروج اي منتج من اي مصنع المشتري (اي وكيل كيا هنا في مصر) بيكون علي دراية تامة بموعد خروج الشحنة من المصنع و طريقة الشحن هل هي FOB او Ex-work او غيرها من الأنواع الأخرى من طرق الشحن بالأضافة الى أستلام الوكيل من صورة بوليصة الشحن بتفاصيل مافي الشحنة و يرسلها لوسيط الشحن المسئول عن وصول و تأمين الشحن و كمان كيا مصر علي علم بميعاد وصول الشحنة معرفة تامة لا تقبل الشك لأنه معاه حاجة أسمها الPAcking List اللي الشركة المصرية للأستيراد و التوكيلات أستلمتها بالفعل من الشركة الأم فى كوريا.
كل اللي انتم بتسمعوه من التوكيل ده كله كدب في كدب و هم على علم تام بايه اللى جاي علي المركب بميعاد وصولها. و أعتقد انه فعلا الشحنة وصلت بالفعل نظرا لوجود بعض الأخوة هنا معانا شافوا تريلات تحمل عربيات نيو سيراتو بلأضافة انه يوم الجمعه الماضى شاهد أكثر من سيارة فى منطقة مدينة نصر تحمل أرقام تجارية يتم نقلها من مكان الى أخرز و برجاء من سيادتكم التأكد من صحة هذه المعلومة
وآسف على الاطالة

م/عمرو جمال

[pharonicking]

ربنا معاكو هى التوكيلات الكورى كدة"

[major123]

هو اخر كلام اتقلى ان الدفعة هتيجى فعلا 28/8 بس الاستلام مش قبل 15/9 بس ال انا سمعتة واعتقادى انة صح لانة من حد مسئول فى كيا ان الدفعة لا يوجد عليها sx وان اكتر حاجة عليها هى الهاى لاين وانا خلاص مابقتش فاهم حاجة التوكيل والموزعين اخر استهبال

[TeMoON]

وفى الاخر محدش هيستلم بردو وهتطلع ب اوفر برايس وهتتباع فى المعارض ويبئو يدورو على الحاجزين فى الدفعة الجاية زى ما حصل فى الكارينز و ex و sx
لانى انا قررت انى اشترى واحدة خليجى واخلص بدل العك بتاع الوكيل

[de3bis]

وفى الاخر محدش هيستلم بردو وهتطلع ب اوفر برايس وهتتباع فى المعارض ويبئو يدورو على الحاجزين فى الدفعة الجاية زى ما حصل فى الكارينز و ex و sx
لانى انا قررت انى اشترى واحدة خليجى واخلص بدل العك بتاع الوكيل

الصبر يا مان

احنا لازم نصبر مش ممكن بعد الإنتظار ده كله يطلع على فاشوش

[ahraah]

الكلام الجديد بتاع معرض روكسى ان الدفعة دية هاى لين و ex بس :)
انا مش عارف هو فاضل انتظار كمان قد اية :) انا حاجز من اخر مايو و الدنيا كدة طولت اوى :)

[Kalamata]

يا سيدي انا لسة من يومين كنت في سيدي بشر في اسكندرية لقيت كمية عربيات نيوسيراتو sx كل معرض قدامه اتنين و جواه اتنين حاجة اخر ابهة
العربيات كلها من التوكيل
اوووفر زفت من 7 الى 10 الاف جنيه .... فلة السعر الرسمي يتهيألي 116 الف صح
العربيات -على مسؤولية صاحب معرض- لسة جيالهم من اسبوع بس منيييين ؟

في الغالب التوكيل عجبته لعبة الاوفر برايس و مش ناوي يحترم نفسة

بدليل توفر العربية للي يطلبها من الموزعين و تحويل الزباين اللي عايزنها بالسعر الرسمي الى قايمة الانتظار !!

[Ghost2]

اللي جاي على الدفعة الجديدة على فكرة كله هاي لاين و sx بس

[Amro_Gamal]

الدفعة دى معظمها هاى لاين و بتتسلم دلوقتى مش يوم 10/9/2009 . عقبال ما يجي يوم 10/9 حتكون كل العربيات خلصت و ده بالضبط اللى حصل معابا فى شهر 6 و شهر 7