عيوب الكيا سيراتو الجديدة

[Ghost2]

السلام عليكم ورحمة الله وبركاته


كل سنة و انتو طيبين الاول

طبعا يا جماعة مفيش عربية من غير عيوب والكيا عربية حلوة بس اكيد فيها عيوب

وهبدأ بكلام عام ناس كتير قالتة ونشوف راي الناس ايه ومنهم ملاك السيارة

اولا : مشكلة العزل الحراري للعربية ( الكونسول ) و ( الشنطة بتاعت العربية من الناحية اليمين )
ثانيا : جودة خامات الصالون جوة العربية
ثالثا : مشكلة الثبات اللي ناس كتير شككت فيها عشان نظام العفشة بتاع العربية

طبعا انا مش بقول كلام وحش في العربية ... انا بسمع كلام وبنناقشه كلنا مع بعض

[gaafar13]

رمضان كريم

[youssefmustang]

يا باشا دى عربية فوق الممتازة من كلام صاحب السيارة فى نايل موتورز
ثانيا لو فيها عيوب دى عربية كورى مش المانى وكمان الالمانى فى عيوب مافيش حاجة كاملة
الكمال لله وحده
وعلى العموم ما فيش مشكلة وملهاش حل اكيد كل مشكلة وليها حل
وننتظر بقيت الاعضاء فى الحوار ده
اخوكم يوسف

[Ahmed Samy]

طبعا مفيش عربية بدون عيوب

زي ما مافيش بنى ادم مالوش عيوب

بس الفكرة هل العيوب صريحة و قوية ومؤثرة على الشخص المشتري و متطلباته ولا لأ

وده اللي ممكن يخلي عربية فاشلة لأن فيها عيوب مؤثرة و قوية

و عربية ناجحة لأن عيوبها غير مؤثرة ولا قوية


العيوب اللي جحضرتك ذكرتها هاقوللك رأيي المتواضع فيها

1 - سخونة الكونصول : انا مش حاسس انها سخونة هي مجرد حرارة بسيطة وموجودة في عربيات كتيرة

تأثير العيب بالنسبة ليا في الركوب و القيادة معدوم تماما (بس لو سيبت مشروب بارد في سفر طويل بيفقد برودته بسرعة اكتر من العادي)

و عموما للي مضايقاه ..التوكيل هايجيب عازل إضافي للحرارة

انا عنن نفسي مش هاركبه ..مش فلوس و بهدلة في الأرض

2 - جودة الخامات : انا برضه مش شايف اي تأثير لأن الخامات في التابلوه شكلها كويس جدا و من البلاستيك الجيد

و مش عارف الناس بتقول ضعيفة ازاي ؟ ايه اختبار ضعفها ؟؟ هاقف على التابلوه مثلا ؟؟؟ حكمو ازاي انها ضعيفة كقوة ؟؟

الحتة اللي ممكن تحس بيها انك ماسك بلاستيك هو مقبض الباب فعلا مش عاجبني

انما خلاف كده ..ما فيش زرار وحش ولا خامته ولا صوته و لا تكته حتى و حشه

و ايدك مش هتقع على اي حاجة غير جلد طبيعي ممتاز ...



موضوع الثبات ...ده محض افتراء بكل أمانة


ده تقييمي الشخصي

في انتظار باقي الردود و ان شاء الله ربنما يوفقك للخير بالعربية دي او بغيرها

[kareemhisham]

طبعا مفيش عربية بدون عيوب

زي ما مافيش بنى ادم مالوش عيوب

بس الفكرة هل العيوب صريحة و قوية ومؤثرة على الشخص المشتري و متطلباته ولا لأ

وده اللي ممكن يخلي عربية فاشلة لأن فيها عيوب مؤثرة و قوية

و عربية ناجحة لأن عيوبها غير مؤثرة ولا قوية


العيوب اللي جحضرتك ذكرتها هاقوللك رأيي المتواضع فيها

1 - سخونة الكونصول : انا مش حاسس انها سخونة هي مجرد حرارة بسيطة وموجودة في عربيات كتيرة

تأثير العيب بالنسبة ليا في الركوب و القيادة معدوم تماما (بس لو سيبت مشروب بارد في سفر طويل بيفقد برودته بسرعة اكتر من العادي)

و عموما للي مضايقاه ..التوكيل هايجيب عازل إضافي للحرارة

انا عنن نفسي مش هاركبه ..مش فلوس و بهدلة في الأرض

2 - جودة الخامات : انا برضه مش شايف اي تأثير لأن الخامات في التابلوه شكلها كويس جدا و من البلاستيك الجيد

و مش عارف الناس بتقول ضعيفة ازاي ؟ ايه اختبار ضعفها ؟؟ هاقف على التابلوه مثلا ؟؟؟ حكمو ازاي انها ضعيفة كقوة ؟؟

الحتة اللي ممكن تحس بيها انك ماسك بلاستيك هو مقبض الباب فعلا مش عاجبني

انما خلاف كده ..ما فيش زرار وحش ولا خامته ولا صوته و لا تكته حتى و حشه

و ايدك مش هتقع على اي حاجة غير جلد طبيعي ممتاز ...



موضوع الثبات ...ده محض افتراء بكل أمانة


ده تقييمي الشخصي

في انتظار باقي الردود و ان شاء الله ربنما يوفقك للخير بالعربية دي او بغيرها

طب ممكن يا دكتور تقولنا ايه عيوب العربية الانت شايفها ,,

عشان البيفكر فيها يبقى عارف ايه عوبها و يشوف هتناسبوه ولا لأ ,,

و احنا بنثق فى كلامك جدا

[Ghost2]

ازيك يا دكتور احمد ... يا رب تكون بخير كده ... واخبار الصيام معاك ايه ؟


بص يا دكتور اللي بيشتري عربية لازم يعرف كل حاجه عنها من ملاكها والاجابة تكون على قدر من الصراحة والوضوح

وانا واثق فيك طبعا وكاتب الموضوع ده هنا وعارف ان حضرتك هترد بامانة ...وحضرتك عارف اني في حيرة بردة وقلت استفيد من حضرتك ومن ملاك الماركات اللي بقارن بينها


وارجو ان اي عيب يظهر معاك تقوله عشان كلنا نستفيد

[xShadow]

what about the materials used under the hood ??

meaning the pipes and stuff used for manufacturing the car performance parts, including the engine etc.

did anybody make any attention to these ?

[Ahmed Samy]

طب ممكن يا دكتور تقولنا ايه عيوب العربية الانت شايفها ,,

عشان البيفكر فيها يبقى عارف ايه عوبها و يشوف هتناسبوه ولا لأ ,,

و احنا بنثق فى كلامك جدا

انا والله سعيد جدا بثقتكم دي حضرتك و المهندس أحمد مختار

أنا حتى الأن لم يجد علي جديد غير ما في التقييم بتاعي وهو رابطه في توقيعي

و طبعا لو جد أي جديد هاكتبه في عنوان منفصل وواضح



وفي نقطة عايز أوضحها أو يمكن عايز أفهمها

هو ليه في ناس بتتعصب لعربياتها

وتحاول تقنع الناس بيها و تحليها في عيونهم و تخبي عيوبها سواء كبيرة أو صغيرة

لدرجة ان اي جملة الواحد بيقراها ممكن يحورها و يدورها ويشكك في صاحبها

نفسي أفهم هاكسب إيه لو الناس كلها ركبت عربيتي ؟؟

و هاخسر إيه لو الناس اشترت عربية تانية ؟؟

وهي لو وحشة ...كلامي اللي هايخليها حلوة و ناجحة ؟؟

ولو عربية تانية كويسة ..كلامي عنها ممكن يحولها و يخليها قردة

وممكن عربية أنا شايفها حلوة ..ومتناسبش غيري فبقول رأيي و خلاص وكل واحد عقله في راسه

انما في ناس (الله يعافينا) بمناسبة و من غير وهاتك يا فشر و تهويل و تحوير و مدارية و لف ودوران ...

والله ما هي فارقة ولا حاجة تسوى ان الواحد يضحك على حد و يقول كلمتين ربنا يحاسبه عليهم

و التمن ؟؟؟

[yoko]

[frame="2 80"][glint]وفي نقطة عايز أوضحها أو يمكن عايز أفهمها

هو ليه في ناس بتتعصب لعربياتها

وتحاول تقنع الناس بيها و تحليها في عيونهم و تخبي عيوبها سواء كبيرة أو صغيرة

لدرجة ان اي جملة الواحد بيقراها ممكن يحورها و يدورها ويشكك في صاحبها

نفسي أفهم هاكسب إيه لو الناس كلها ركبت عربيتي ؟؟

و هاخسر إيه لو الناس اشترت عربية تانية ؟؟

وهي لو وحشة ...كلامي اللي هايخليها حلوة و ناجحة ؟؟

ولو عربية تانية كويسة ..كلامي عنها ممكن يحولها و يخليها قردة

وممكن عربية أنا شايفها حلوة ..ومتناسبش غيري فبقول رأيي و خلاص وكل واحد عقله في راسه

انما في ناس (الله يعافينا) بمناسبة و من غير وهاتك يا فشر و تهويل و تحوير و مدارية و لف ودوران ...

والله ما هي فارقة ولا حاجة تسوى ان الواحد يضحك على حد و يقول كلمتين ربنا يحاسبه عليهم
[/glint][/frame]

والله كلام محتاج يتبروز ومش عارف إشمعنا السيراتوا عاليها الهجوم ده كلة وبدون تجربة أو دليل
يعني الأفيو الي معايا لما بهندلناها في المنتدى كل واحد كان معاه دليل قاطع إذا مكنتش معاه العربية
والله نفسي كل واحد يتكلم يجيب دليل ولو لأى نفسة غلطان يقول إقتنعت بكلامكوا أو ينسحب في هدوء مش يصر على رأيه

[Mshawky]

ايوا كده الردود القاطعه ديه تخلى اى واحد يفكر فى كلامه قبل مايكتبه والواحد مفيش مانع يسمع نقض بناء او اى عيب فى العربيه لكن مش بصوره متعصبه ولكن من جانب الاستفاده والفهم

[raed badr El Kelany]

كل سنة وانتم طيبين وكل سنة وانت طيب يا د أحمد والله ينور دائما مقنع و حاسم و محايد جدا فى ارائك بارك الله فيك

[kareemhisham]

انا والله سعيد جدا بثقتكم دي حضرتك و المهندس أحمد مختار

أنا حتى الأن لم يجد علي جديد غير ما في التقييم بتاعي وهو رابطه في توقيعي

و طبعا لو جد أي جديد هاكتبه في عنوان منفصل وواضح



وفي نقطة عايز أوضحها أو يمكن عايز أفهمها

هو ليه في ناس بتتعصب لعربياتها

وتحاول تقنع الناس بيها و تحليها في عيونهم و تخبي عيوبها سواء كبيرة أو صغيرة

لدرجة ان اي جملة الواحد بيقراها ممكن يحورها و يدورها ويشكك في صاحبها

نفسي أفهم هاكسب إيه لو الناس كلها ركبت عربيتي ؟؟

و هاخسر إيه لو الناس اشترت عربية تانية ؟؟

وهي لو وحشة ...كلامي اللي هايخليها حلوة و ناجحة ؟؟

ولو عربية تانية كويسة ..كلامي عنها ممكن يحولها و يخليها قردة

وممكن عربية أنا شايفها حلوة ..ومتناسبش غيري فبقول رأيي و خلاص وكل واحد عقله في راسه

انما في ناس (الله يعافينا) بمناسبة و من غير وهاتك يا فشر و تهويل و تحوير و مدارية و لف ودوران ...

والله ما هي فارقة ولا حاجة تسوى ان الواحد يضحك على حد و يقول كلمتين ربنا يحاسبه عليهم

و التمن ؟؟؟

طبعا كلامك مظبوط %100 ,,

و على فكرة الهجوم دة مش على السيراتو بس ,, دة على اى عربية ناجحة و سعرها كويس ,,

وصدقتى - فى الفئة دى بذات - بص على العربيات الناس كلها بتحبها و معليهاش هجوم , عربيات مبالغ فى سعرها

[Ghost2]

يا دكتور احمد انت عارف اني مقتنع بالعربية اوي بس في نفس الوقت عايز اكون مرتاح وانا بشتري ... فا قلت اعمل الموضوع ده اناوغيري هنستفيد منه ... لاني خلاص بشتري ولسه محتار بينها وبين السيتي واللانسر البومة ...والراي الراجح عندي هو النيو سيراتو

[solom_2010]

السخونة دى زى ما دكتور احمد قال دى مش ولعة يعنى دى مجرد دافئة بس مش سخنة كمان و ملهاش اى تأثير خالص انا رجعت من الساحل و كنت ساند ايدى على الكونسيل و مكنتش مسببالى اى مشكلة خالص ولا حاسس باى حاجه و كنت مولع التكيف

العيب بتاع الثبات بقى : مين الى قال ان السيراتو مفهاش ثبات امال الجنط ال17 ده متركب منظر ولا ايه و بعدين كل الناس الى شفت تقيمها على العربية بيشكروا جدا فى الثبات و ماشاء الله العربية اخدت بيها ملفات و الحمد لله هى بتتكلم عن نفسها جربوا العربية و بعدين احكموا عليها


جوده الخامات عادية ولا هى عالية ولا هى فقيرة زى اى عربية فى الفئة دى و السعر ده

[Ghost2]

طيب نقدر نوصل كده بعد الردود دي ان احسن سيارتين في الفئة دي هما الكيا السيراتو والهوندا السيتي ... ماشي .. كده العملية قربت اوي ... يا دكتور احمد لما انزل المنصورة هقولك عشان بصراحة بعد كلامي معاك يشرفني اقابل شخص محترم زي حضرتك