سؤال لمالكى كيا سيراتو

[zezo_22]

انا بمسى على كل اعضاء نايل موتورز وخصوصا مالكى كيا سيراتو
انا بس كنت عاوز اسأل على حاجة
انا سمعت عن الخصم لحاملى استيكر نايل موتورز
انا انشاء الله هاعمل صيانة الالف كيلو فى ابو رواش ممكن اعرف الخصم دا اقدر استفيد منو ازاى؟؟؟
وشكرا

[shady80]

انا كمان سمعت عن الزيت بعد الفطار بس لازم الأستيكر مش عارف بكام ولا بايتكلف كام

[lolly136]

الزيت مجاناً عند الصيانة بعد الفطار وعندك استيكر نيل موتور
و خصم ٥ ٪ على قطع الغيار

[totti_eng]

طيب نجيب منين استيكر نايل موتوز وهوه الصيانة بتبقى فاتحة بعد الفطار ؟؟

[lolly136]

الصيانة بعد الفطار من ٩ بليل ل-٣
والاستيكر حاول الإتصال بكريم منير

[shady80]

السلام عليكم يا كياوية,

كل عام و انتم بخير,

انا قرأت فى المنتدى انه فى رمضان الزيت ال10000 مجانا فترة الصيانة المسائية, و عرفت انه لازم اكون لازق الأستيكر بتاع نيل موتورز و فعلا اشترته من استاذ كريم مراد قمة فى الذوق الراجل دة ربنا يباركلوا
المهم انا حجزت فى روكسى و رحت قابلت المهندس تقريبا اسمه محمد و المفاجأة كانت انه محدش عارف حاجة عن الموضوع ده حتى الحسابات فكلمت الأستاذ كريم و باعتلى رقم المهندس خالد بس للأسف ماردش لغايه اما بعت رساله و كان رده انه العرض دة فى ابو رواش بس رغم ان الحسابات اكدولى انه ما يطبق فى ابو رواش يطبق فى روكسى.
انا اسعوضت ربنا و خلاص.

انا نسيت اقولكوا انه انا معايا نيو سيراتو و دى كانت صيانه ال 5000

قلت للمهندس على شكوتى انه العفشة ناشفة و الكونسول بيسخن و الفرامل بتصفر دايما الصبح بس

و كان رده انه هايظبت العغشة و الكنسول سألنى هو بيسخن زياده؟ قلتلوا بيسخن و خلاص معرفش زيادة ولا عادة و كمان انا عارف انه فى عازل بيركب قالى مافيش الكلام ده انا هاشوف و اقولك اما الفرامل فده عادى قلت ماشى و بعد انتظار ساعتين وجدت السيارة بالخارج بالصدفه و مكنش شاشة العرض شغالة و المهندس اختفى كانت الساعة 11, حسبت و مشيت و طبعا الفرامل
لسه بتصفر و العفشة نشفه و الكونسول لسه بيسخن و كمان لما رحت اشوف الكاوتش متظبط كام وجدته 27 رغم انه مكتوب فى الكتالوج 32 طيب مين صح و مين غلط و أعمل ايه فى المشاكل اللى عندى ؟؟؟

[bassemforever]

مبدئيا نصيحة لاى حد يروح صيانة ابو رواش لان روكسي مش بيهتموا وفعلا بحس انهم مضش بيغيروا حاجة عندهم لا مبلاه و انصحك تسيب الكاوتش عل ى28 خصوصا الفترة الاولى وابشرك انك بعد ال 6 الاف كيلو هتلاقى عفة عربية تانية خالص بجد مش بهرج انا كنت منزعج منها اول مجبتها لكن فى ناس قالولى علشان العربية جديدة وكدة مصدقتش لكن طلع كلامهم صح لان الكاوتش على ميطبع والعافشة الجلد بتعها كله ناشف علشان جديد وكدة انا دلوقتى مبسوط منها جدا ومش حاسس بانها ناشفة خالص خصوصا عل ىضغظ الهوا 28 وطبعا الكتالوج 32 بس طرق مصر مش زى برة ومتقلقش من 28 مش تخوف انا سالت فيها كويس ولو قلقان خليك فى الوسط 30 لكن 32 دة انتحار فى مصر فى اى عربية مش دى بس وشكرا

[shady80]

شكرا يا اخ باسم جدا

[Eng_Mostafa_89]

السلام عليكم يا كياوية,

كل عام و انتم بخير,

انا قرأت فى المنتدى انه فى رمضان الزيت ال10000 مجانا فترة الصيانة المسائية, و عرفت انه لازم اكون لازق الأستيكر بتاع نيل موتورز و فعلا اشترته من استاذ كريم مراد قمة فى الذوق الراجل دة ربنا يباركلوا
المهم انا حجزت فى روكسى و رحت قابلت المهندس تقريبا اسمه محمد و المفاجأة كانت انه محدش عارف حاجة عن الموضوع ده حتى الحسابات فكلمت الأستاذ كريم و باعتلى رقم المهندس خالد بس للأسف ماردش لغايه اما بعت رساله و كان رده انه العرض دة فى ابو رواش بس رغم ان الحسابات اكدولى انه ما يطبق فى ابو رواش يطبق فى روكسى.
انا اسعوضت ربنا و خلاص.

انا نسيت اقولكوا انه انا معايا نيو سيراتو و دى كانت صيانه ال 5000

قلت للمهندس على شكوتى انه العفشة ناشفة و الكونسول بيسخن و الفرامل بتصفر دايما الصبح بس

و كان رده انه هايظبت العغشة و الكنسول سألنى هو بيسخن زياده؟ قلتلوا بيسخن و خلاص معرفش زيادة ولا عادة و كمان انا عارف انه فى عازل بيركب قالى مافيش الكلام ده انا هاشوف و اقولك اما الفرامل فده عادى قلت ماشى و بعد انتظار ساعتين وجدت السيارة بالخارج بالصدفه و مكنش شاشة العرض شغالة و المهندس اختفى كانت الساعة 11, حسبت و مشيت و طبعا الفرامل
لسه بتصفر و العفشة نشفه و الكونسول لسه بيسخن و كمان لما رحت اشوف الكاوتش متظبط كام وجدته 27 رغم انه مكتوب فى الكتالوج 32 طيب مين صح و مين غلط و أعمل ايه فى المشاكل اللى عندى ؟؟؟

محدش علق لية على الكلام دة؟؟؟؟؟؟؟؟؟؟؟؟؟

[memo823000]

هى دى مصر مش توكيل كبا