تقرير عن الصيانة فى أبو رواش

[YaSSerwIN]

السلام عليكم ورحمة الله وبركاتة

كان عندى مشكلة فى العربية وهى صوت تكة لما اجى اشيل رجلى وأدوس تانى بنزين وكنت مقلق منها وحاسس انها هاتزيد

وطبعا بعد الذهاب أكثر من مرة إلى الصيانة بفرع روكسى دون اى منفعة العربية كانت بتخرج زى ما بتدخل

ذهبت إلى أبو رواش يوم الخميس الماضى الساعة التاسعة صباحا ً وسألت عن المهندس سامح كما ذكر لى نادر نبيل باشا ولاكن هو مش عارفك يا نادر مش عارف لية
وفعلا ً طلع مهندس سكره وفضل متابع العربية بنفسه

وبعد أنتظار أكثر من 4 ساعات

الأول تم تغير كوبلين شمال وطلع جرب العربية ولاكن ما زال الصوت موجود رجع وغير كمان كوبلين يمين وقالى لو مرحش الصوت هايبقا عيب فتيس وتم تغير الكوبلين اليمين كمان وطلع جرب العربية

بنفسه وتم أزالة الصوت تماما


طلعت أجرب العربية أكتر من نص ساعة حتى أطمئن وبالفعل لم يظهر الصوت

أرفع القبعة للمهندس سامح الى تابع العربية بنفسه ولمعملته الجميلة فوق الوصف

ولاكن حاسس بحاجة مقلقانى حاسس ان الكبالين الى ركبت مش جديدة لأنى دخلت الورشة مشوفتش اى علب ولا اى حاجة جنب العربية والله أعلم

[xShadow]

امال لو كانت خليجي كنت هتعمل اه ؟

ربنا يستر في موضوع الضمان دة :s

[أحمد كمال]

السلام عليكم ورحمة الله وبركاتة

كان عندى مشكلة فى العربية وهى صوت تكة لما اجى اشيل رجلى وأدوس تانى بنزين وكنت مقلق منها وحاسس انها هاتزيد

وطبعا بعد الذهاب أكثر من مرة إلى الصيانة بفرع روكسى دون اى منفعة العربية كانت بتخرج زى ما بتدخل

ذهبت إلى أبو رواش يوم الخميس الماضى الساعة التاسعة صباحا ً وسألت عن المهندس سامح كما ذكر لى نادر نبيل باشا ولاكن هو مش عارفك يا نادر مش عارف لية
وفعلا ً طلع مهندس سكره وفضل متابع العربية بنفسه

وبعد أنتظار أكثر من 4 ساعات

الأول تم تغير كوبلين شمال وطلع جرب العربية ولاكن ما زال الصوت موجود رجع وغير كمان كوبلين يمين وقالى لو مرحش الصوت هايبقا عيب فتيس وتم تغير الكوبلين اليمين كمان وطلع جرب العربية

بنفسه وتم أزالة الصوت تماما


طلعت أجرب العربية أكتر من نص ساعة حتى أطمئن وبالفعل لم يظهر الصوت

:s_thum1[1]:أرفع القبعة للمهندس سامح الى تابع العربية بنفسه ولمعملته الجميلة فوق الوصف

ولاكن حاسس بحاجة مقلقانى حاسس ان الكبالين الى ركبت مش جديدة :o_stupid[1]: لأنى دخلت الورشة مشوفتش اى علب ولا اى حاجة جنب العربية والله أعلم

في حالة تغيير القطع في الضمان لا يحق للعميل المطالبة بالقطع التالفة و دي سياسة كل التوكيلات عربيات او موبايلات حتى

ما تقلقش الناس دي محترمة

و بعدين هيركب لك كوبلن مستعمل هيضرب بسرعة هيغيره تاني ببلاش في الضمان يعني مش هيكسب حاجة

الى جانب انه لازم اي قطعة تتصرف من المخزن بورق و بتاع ماتخافش

و الف مبروك الخلاص من العيب انا عارف العربية الجديدة اما بيبقى فيها حاجة بتبقى خرم في نافوخ صاحبها


و مبروك انك اشتريت من الوكيل مش خليجي كان زمانك دافع لك باكوين حلوين في الليلة دي

[medo_sirion]

الف مبروك
وعقبالى صيانة الالف بس ليا سوال لو حد راح الصبح هياخد عرض الزيت ولا لا

[gaafar13]

الف مبروك
وعقبالى صيانة الالف بس ليا سوال لو حد راح الصبح هياخد عرض الزيت ولا لا

على ما اعتقد العرض بالليل بس

[NaderNabil]

ألف مبروك علي حل المشكلة يا ياسر باشا....انا مش عارف انت كلمتني يوميها ولا لأ لأن الموبايل مكانش معايا و لاقيت ميسدات كتير...يا رب متكونش منهم :)

مهندس سامح مش هايعرفني...لكن واحد صاحبي كان عنده نفس المشكلة بتاعتك بالمللي...و سامح هو اللي حلهاله بنفس الطريقة بتاعتك...بس انا مرضيتش أقولك إيه اللي هايحصل عشان نشوف الأمور هاتمشي إزاي.

[Mshawky]

طب لو انا لسه مستلم العربيه مثلا من المعرض وخليجى وولقيت فيها عيب هدفع انا برضه ولا يتم ترجعيها للمعرض او الموزع ؟

[M.ABDEEN]

مبروووووووووووك يا ياسر باشا وربنا يديك خيرها ويكفيك شرها

[YaSSerwIN]

الله يبارك فيكم يا رجالة ورمضان كريم

فعلا يا نادور انا أتصلت بيك بس شكلى أخدت منك الرقم غلط قالى غير موجود

المهندس سامح اول لما قولتله بسمع لقيته هو بيكمل الكلام وعارف المشكلة فين بالظبط من غير اى كلام

[Ghost2]

متقلقش يا ريس توكيل كيا محترمين ... ودي اول حاجه متميزين بيها غير جودة الصيانة وحسن المعاملة