النيو سيراتو وماساة حقيقية للشراء من المصرية...خليك حذر جدا!!!

[M.ABDEEN]

السلام عليكم ورحمة الله وبركاته .....بصراحة لمل حصل اللي هحكيه قولت لازم انبهكم جميعا لاي واحد عايز عربية مش بضمان الوكيل .....اول امبارح روحت مركز الصيانة في القطامية علشان مشكلة البيكانتو المهم وصلت عندهم الساعة 9 بلليل المهم لاقيت واحد جاي وجايب نيو سيراتو جديدة فضي وداخل يزعق في مكتب الاستقبال ويقول هي دي الثقة اللي انتم بتدوها للناس في عربياتكم شوفولي حل عايز حل يا اما .....ومن اللي قلبكوا يحبوا .....المهندس قالوا فيه ايه قالوا العربية اكتشف بعد استلامها انها مخبوطة من تحت في الشاسيه ومتطبقة وكمان العداد بتاع الرحلات محطوط على وضع b ولما قلبته على a لاقيت العربية ماشية 1000 كيلو !!!!!!!!!! طبعا قالوا استلمتها كده ازاي ومن عندنا ولا لا ؟؟؟؟وفين الضمان ؟؟؟؟قالوا مافيش ضمان وانا خدتها من المصرية للسيارات خليجي قالوا شكرا اتفضل روح لهم واتفاهم معاهم قالوا دا انا رخصت من يومين قالوا طب احنا نعمل ايه ؟؟؟؟المهم الراجل وقف يتكلم في الموبايل ويزعق مع ناس وانا وكل اللي واقفيين زعلانيين عليه ........وانا بتناقش مع واحد من اللي واقفيين طلع فاتح مركز سمكرة ودوكو في الحرفيين وقالي بيجي ناس كده من المعارض بعربيات جديدة مخبوطة او متطبقة ويعملوها وبعدين يلزقوا عليها اللزق الابيض اللي بيحمي العربية اثناء الشحن وترجع تاني المعرض وتتباع على انها جديدة ....بصراحة انا زهلت وقلت ربنا يرحمنا
ووالله الكلام ده حصل بالحرف ومش كتبه للتحامل او على ظلم اي حد وكل واحد عينه في وسط راسه ساعة الشراء ورمضان كريم

[mando_yaris]

and who we can know that if the car had been hit or not????

[wookiee]

يا رب ارحمنا من غش الناس ....
طب يا جماعة إزاي نعرف العربية ماشية عدد إيه ومخبوطة ولا لأ !!

[EslaM_NagY]

قلبى وقع فى رجلى من العنوان !!


بس مهو معروف ان معرض مصرية بيعمل كدة للأسف

والواحد بعد كدة وهو بيشترى عربية زيرو ياخد سمكرى معاه !!!!!!!!

[Mshawky]

الصراحه قلة ادب وعمر ما البنى ادمين ديه هتتعدل ابدا وفيه ناس عايزه الحرق

[soooka86]

عداد الرحلات كان علي b و لما نقله علي a لاقاها عامله 1000 كيلو و هو مالو اصلا بعداد الرحلات دا بيتصفر بمجرد الضغط علي الزرار دي حاجه تاني حاجه ليه مبصش علي عداد الكيلو متر الاصلي بتاع العربيه ودا لايمكن يتصفر و عدد الكيلوز بيبقا مكتوب وواضح حد يستلم عربيه عامله 1000 كيلو يا راجل.. ثالث حاجه وداا الاهم يا جماعه المصريه دي مكان مش محترم بالمره و شغل النصب فيه علي الاخر ..و ربنا يحمينا و يحفظنا من غش التجار

[أحمد كمال]

عداد الرحلات كان علي b و لما نقله علي a لاقاها عامله 1000 كيلو و هو مالو اصلا بعداد الرحلات دا بيتصفر بمجرد الضغط علي الزرار دي حاجه تاني حاجه ليه مبصش علي عداد الكيلو متر الاصلي بتاع العربيه ودا لايمكن يتصفر و عدد الكيلوز بيبقا مكتوب وواضح حد يستلم عربيه عامله 1000 كيلو يا راجل.. ثالث حاجه وداا الاهم يا جماعه المصريه دي مكان مش محترم بالمره و شغل النصب فيه علي الاخر ..و ربنا يحمينا و يحفظنا من غش التجار

احمد ريان (المصرية) و سمير ريان (اوتو سمير ريان) ...... الاتنين اخوات

و الاتنين وجهين لعملة واحدة

[ashraf229]

لأ سمير ريان محترم و أحسن من المصرية بكتيرررررررر و أنا جبت منهم قبل كده كرولا mmt هما أه عملوا حركة بايخة كده ساعة الاستلام و جابولي لون تاني بترولي مش فيراني بس أنا عجبني وقتها و أخدته و خلاص

لكن المصرية شركة سيئة جدا فعلا سوق خضار و البياعين تحس أنهم فعلا بياعين في سوق خضار و العربيات المعروضه حتى وسخة جدا جدا و سيئة المظهر و الجلد دايما متبهدلو الدواسات طين و غالبا تلاقي حاجات مكسورة في العربية المعروضه و ده بيديلك انطباع عن العربية اللي هتستلمها و حركاتهم مفضوحة أوي يعني لما يكون عايز يمشي لون أو عربية يقولك مفيش غيره

بس برضه موضوع العداد ده لا يلوم الا نفسه لو كان صادق و لو كان الكلام جد يبئى اللي باعوله مستفزين أوي لأن عداد الرحلات بيتصفر لكن عداد التوتال مش بيتصفر

على رأي محمد صبحي في تخاريف (متأمر و أهبل!!) ما كانوا يصفروه و خلاص أما موضوع الشاسيه ده ربنا يكون في عونه الصراحة فيه

ده لو ما كانش بيرمي بلاه عليهم أصلا لأ أصحاب الأصوات العالية بقم ماليين البلد و كل شيء جايز الله اعلم.........!!

[M.ABDEEN]

هو مش موضوع بلا فعلا الراجل كان هيعيط بدل الدموع ملوخية لانه حس انه لبس !!!!!!!!!!!!!!
وبعدين سمير ريان نفس الطريقة تحس ان انت داخل حارة وفيه صيع مستنيين على الاجناب وايوه يا باشا وعايز ايه وتحت امرك وفي الاخر ممكن كمان يتقالك الشاي بتاع الرجالة وعرقهم يا اما انت والعربية هتطلعوا على المدافن .............
واحد صاحبي قبل كده دفع 500 جندي او اكثر بامر من سمير ريان نفسه علشان شاي الرجالة وعلشان ياخد شارك بكاسيت اصلي

[gaafar13]

معلش طيب ما الكلام دا ينطبق على اى عربيه صح ولا لا !!!!!!!!!!!!!!!!!!!!!


وربنا يعوض عليه باذن الله ويرحمنا من جشع وطمع التجار

[egyptianmafia]

hold on...since when did El Masria sell khalegy cars????

I know that Samir Rayan (Auto Samir Rayan) does....but not Masria...

[sa3dawy]

صحيح المصرية اعتقد مش بيبيع خليجى ...
ودى اخرة الى يحط نفسة فى المواقف دى وميشتريش عربية بضمان

[human]

هو حضرتك بتحذر من السيراتو ولا من المصريه؟

العنوان لما قريته قلت حاجه فى السيراتو

[Ahmed Samy]

انت خضتني يا عم


مأساة و نيو سيراتو


العيب لا هو في النيو سيراتو

ولا في الخليجي

ولا في سمير ريان

العيب في الباشا اللي بيشتري

a إيه و b إيه بس

عداد الكيلو منور تحت ما بيروحش

و يعدين حد يشتري من المصرية ؟؟؟ أهي دي لوحجها غلطة

غير اسم الموضوع الله يسترك مش ناقصة

انت معانا ولا علينا ههههههههههههه

[elmoski]

طب يا جماعة الحركة دي ممكن تتعمل في الطارق - فرع كارفور الاسكندرية لحسن انا حاجز واحده هناك ؟؟؟