هو الفرق يستاهل يا سيراتوية

[MMMERO]

يا جماعة الخير انا بجد مش عارف اخد قرار السيراتو فعلا عجبانى جدا بس انا كنت ناوى على اول فئة منيوال بس الناس اللى حواليا كلهم بيقولولى لا لازم تجيب ثانى اول ثالث فئة اتوماتيك فهل العربية المانيول دى مش محبوبة ولا راحت عليها وهل الفرق 13000 يستاهل يا ريت تقولولى وشكرا مقدما

[soooka86]

بص هي العربيه المانيوال اي حد بيحب السواقه بيحب يسوق مانيوال بس اكيد مش في الزحمه اللي عايشين فيها ..بس هما بينصحوك بالاوتوماتيك علشان الاوبشنز بتزييد كل ما بتعلي يعني هما بيعتبروا المانيوال فاضيه .. يعني مفهاش جنوط او سي دي و فتحه الاوكزيلاري ولا الاي بود بس هو في حل وسط ممكن تجيب المانيوال الخليجي فيها كل دا ب 103 تقريبا بس الجنوط 15 و مفيهاش اي بي اس ولا باركينج سنسورز

[ashraf229]

المانيوال مش محبوب في لعربيات الغالية زي السيراتو و الميجان و الكرولا و هكذا

لكنه بيكون أفضل في الفئة الأقل زي الأفيو و اللانوس و النوبيرا و هكذا

[M.ABDEEN]

بصراحة العربية دي تتركب كاملة يا باشا وعلى حسب امكانياتك .......ونصيحة علشان تحس بحلاوتها لازم اوتو وياريت فئات متقدمة

[MMMERO]

شاكر لكل الناس اللى ردوا بس انا كنت عاوز اعرف فرق استهلاك البنزين ومن المانيول للوتوماتك

[nab!l]

شاكر لكل الناس اللى ردوا بس انا كنت عاوز اعرف فرق استهلاك البنزين ومن المانيول للوتوماتك

الفرق لا يزكر خليك اوتو وربنا يوفقك

[mahamedaraby]

المانيول فى السيراتو عربيه فاضيه بمعنى الكلمه دى حتى الاشارات اللى فى المرايات مش موجوده ولا جنوط ولا كاسيت عدل

انا راى خليك فى الاتوماتيك وياريت لو اخر فئه منها او اللى قبلها عالطول