إعـــــــلان

Collapse

.

,
See more
See less

سؤال لملاك النيو سيراتو؟

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    سؤال لملاك النيو سيراتو؟

    السلام عليكم

    أنا عندي سؤال كده عن عفشة السيراتو

    أخبارها ايه مع المطبات و التكسير بتاع مصر المحروسه, هل العافشه ناشفه ولا مريحه في المطبات و التكسير؟

    انا سقت البيكانتو و بصراحه شايف ان عافشتها مش مريحه في المطبات و التكسير, فهل السيرتو كده بارضو؟ انا عارف طبعا ان دي عفشه و دي عافشه بس انا حبيت احط انطباعي عن معني كلمه "عفشه ناشفه" عشان الناس تفهم قصدي بالضبط.

    كمان بالنسبه للناس اللي بتعيب في صاج السيراتو , ممكن حد يفهمني ايه المشكله؟ ده لو فيه مشكله اساسا.

    شكرا
    الكلمات الدلالية (Tags): 20, 40, السيراتو, الفئة, اللي, النيو, ام, انا, بدون, بس, بيكانتو, تقييم, سؤال, سرعة, سير, سيراتو, سيراتو؟, شايف, صاج, عربية, عفشة, عفشة السيراتو, عفشه, عن, في, كل, لملاك, ما, مشكله, مصر, مع, ملاك, من, ناشفة, نيو, نيو سيراتو, هل, هي, ياريس
  • #2
    السلام عليكم .. الاول كل سنة و انت طيب

    اقولك بقه يا سيدي... العفشة بتاعت السيراتو لا هي ناشفه ولا هي ناعمة .. هي عفشة خشنة شوية .. وده عشان الجنوط الكبيرة كمان والثبات العالي وده بيديك احساس انها ناشفة . وعلى فكرة العفشة واحده واحده بتلاقيها تنعم معاك الي حد ما .. اما بالنسبة للصاج انا هقولك حاجه .. هي مسألة نسبية .. انا كنت خلاص بشتري العربية دي .. وكنت مقرر خلاص .. لحد ما نزلت شفت الصاج .. انا حسيته بالنسبة ليا او يمكن اللي متعود عليه ان صاج العربية طري اوي .. يمكن انت تحسه مناسب ليك .. وعلى فكرة اللي يفيدك في الموضوع ده اوي هو الدكتور احمد سامي .. ده شيخ الكياويه هنا في المنتدى .. ومعاه العربية ويفيدك اكتر مني . وتقبل تحياتي
    [FONT="Arial Black"][SIZE="4"]سبحان الله عدد ما كان و عدد ما يكون و عدد الحركات و السكون[/SIZE][/FONT]

    Comment

    • #3
      العربيه عفشتها بتنعم مع الوقت بس لو طريق مكسر طبعا حتحس بالمطبات بس مش ماساه قوي
      الصاج عادي جدا زيه زي اي عربيه جديده ........ايوه ضعيف لكن مش ورق زي التويوتا ياريس والالنترا

      Comment

      • #4
        شكرا يا جماعه علي الردود

        انا كان عندي سؤال كمان, انا قريت حد هنا في المنتدي بيقول ان قطر الدوران بتاع العربيه واسع حبه, يعني لو جراج ديق مثلا او ركنه رزله شويه بتحتاج تخدها على مرتين, الكلام ده صح؟

        Comment

        • #5
          المشاركة الأصلية كتبت بواسطة cbuilder مشاهدة المشاركة
          شكرا يا جماعه علي الردود

          انا كان عندي سؤال كمان, انا قريت حد هنا في المنتدي بيقول ان قطر الدوران بتاع العربيه واسع حبه, يعني لو جراج ديق مثلا او ركنه رزله شويه بتحتاج تخدها على مرتين, الكلام ده صح؟
          ده فى الجنوط 17 بس

          Comment

          • #6
            أنا كن عندي نفس التسأل ده , ولسة كنت مع واضح صاحبي جاب العربية , وسقتها , العربية تمام كويسة بس أنا نزلت تحت العربية وشفت عفشه , هي حتة واحدة زي ماالناس قالت مش زي عربيات اليابني ....يعني العجلتين محطتين على قايم واحد ومساعدين عند كل عجلة , غير العربية التانية بتكون كل عجلة على مفصلة ومساعد مستقل .... (ماكفرسن)

            تاني نقطة , سحب العربية كويس بالنسبة للاوتوماتيك , بس أنا حست إن مانيوال أحلى في السحب ...... ... ... المطبات بيحس بيها عدي . . . . . التكيف متوسط . . .

            Comment

            • #7
              انا معايه جنت 16 و الجراش عندي في الشغل ضيق اوي و محستش بده خالص و العفشه كانت فعلا نشفه بس بعد النيتوجين و مشيت شويه بيها العفشه دلوقتي كويسه و بيقوله مع الوقت بتتحسن
              [CENTER][FONT=Times New Roman][SIZE=4][COLOR=gray][B]ONE DAY SOME WAY[/B][/COLOR][/SIZE][/FONT][/CENTER]
              [CENTER][FONT=Times New Roman][SIZE=4][COLOR=gray][B]Gasser Issa[/B][/COLOR][/SIZE][/FONT][/CENTER]

              Comment

              • #8
                بص يا سيدي

                الشعور بالعفشة ده مختلف من شخص لأخر

                هاحاول انقلك شعوري بشكل واضح .

                كل الاختبارات القادمة فوق سرعة 80كم/س

                لو ماشي على طريق مسفلت حرير = حرير في حرير طبعا

                لو ماشي على طريق مسفلت و فيه نقر أو خرابيش بسيطة = هاتحس فورا بوجود خرابيش بدون اي تأثير على راحة القيادة

                لو ماشي في طريق "ترابي" بدون حفر أو مطبات = أداء قوي جدا جدا و احساس بالنعومة

                طريق ترابي فيه عالي وواطي و مطبات و حفر (زي المصايف كده) = هاتحس ان انت في سيرك (زي أي عربية) بس هاتلاقي تماسك ملحوظ للعريبة بجد هاتحس انها ماسكة نفسها . لو مشيت بالراحة 30 -40 = نعومة كاملة

                طريق بيتسفلت جديد و فيه الحصو و الزلط ده = زفت طبعا مش هاتقدر تسرع عن 30 و إلا هايجيلك ارتجاج في المخ

                لو خدت حفرة أو نقرة أو مطب عالي بسرعة = هاتحس بخبطة مسموعة وواضحة يا إما الجنط ..يا أما المساعد يا إما المقص

                بس الحقيقة ..العربية عفشتها قوية جدا

                أنا و أنا راجع من المقابلة كنت راجع على طريق طنطا

                و "شربت " مطب جبل و الله على 140

                العربية نطت من فوقه و نزلت اكحورت في الأرض و سمعت أصوات دشدشة و قولت الحمد لله جبنا عفشه قدام

                و الحمد لله الحمد لله ولا حتى الزوايا اختلفت (فكرتني بالبولو أيام العز)

                بس مرة خدت حفرة في الزراعي على 140 برضه ..جابتلي كاللو في الكاوتش


                لو هاتمشي في طريق غير مستوى

                الركاب الخلفيين بيكون احساسهم بالطريق مباشر بس في الطرق المستوية و السفر العربية مريحة للركاب الأربعة

                غير الأوكتافيا مثلا مهما كان الطريق الركاب الخلفيين بالذات و حتى السواق بيشعروا بالتعب

                انا كنت راجع من مطروح شوت واحد ..وكان معانا اوكتافيا مسافرة جنبنا وقفونا مرتيم في الطريق علشان ظهرهم وجعهم

                و احنا كنا الحمد لله تمام ..أعتقد ده تصميم الكراسي برضه بيفرق فيه .


                عموما هي ليست بنعومة التويوتا ...و أرحم كتير من الألماني


                عموما الجنط الـ17 هو أكبر سبب في الإحساس بالنشفان
                [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                Comment

                • #9
                  المشاركة الأصلية كتبت بواسطة Ahmed Samy مشاهدة المشاركة
                  بص يا سيدي

                  الشعور بالعفشة ده مختلف من شخص لأخر

                  هاحاول انقلك شعوري بشكل واضح .

                  كل الاختبارات القادمة فوق سرعة 80كم/س

                  لو ماشي على طريق مسفلت حرير = حرير في حرير طبعا

                  لو ماشي على طريق مسفلت و فيه نقر أو خرابيش بسيطة = هاتحس فورا بوجود خرابيش بدون اي تأثير على راحة القيادة

                  لو ماشي في طريق "ترابي" بدون حفر أو مطبات = أداء قوي جدا جدا و احساس بالنعومة

                  طريق ترابي فيه عالي وواطي و مطبات و حفر (زي المصايف كده) = هاتحس ان انت في سيرك (زي أي عربية) بس هاتلاقي تماسك ملحوظ للعريبة بجد هاتحس انها ماسكة نفسها . لو مشيت بالراحة 30 -40 = نعومة كاملة

                  طريق بيتسفلت جديد و فيه الحصو و الزلط ده = زفت طبعا مش هاتقدر تسرع عن 30 و إلا هايجيلك ارتجاج في المخ

                  لو خدت حفرة أو نقرة أو مطب عالي بسرعة = هاتحس بخبطة مسموعة وواضحة يا إما الجنط ..يا أما المساعد يا إما المقص

                  بس الحقيقة ..العربية عفشتها قوية جدا

                  أنا و أنا راجع من المقابلة كنت راجع على طريق طنطا

                  و "شربت " مطب جبل و الله على 140

                  العربية نطت من فوقه و نزلت اكحورت في الأرض و سمعت أصوات دشدشة و قولت الحمد لله جبنا عفشه قدام

                  و الحمد لله الحمد لله ولا حتى الزوايا اختلفت (فكرتني بالبولو أيام العز)

                  بس مرة خدت حفرة في الزراعي على 140 برضه ..جابتلي كاللو في الكاوتش


                  لو هاتمشي في طريق غير مستوى

                  الركاب الخلفيين بيكون احساسهم بالطريق مباشر بس في الطرق المستوية و السفر العربية مريحة للركاب الأربعة

                  غير الأوكتافيا مثلا مهما كان الطريق الركاب الخلفيين بالذات و حتى السواق بيشعروا بالتعب

                  انا كنت راجع من مطروح شوت واحد ..وكان معانا اوكتافيا مسافرة جنبنا وقفونا مرتيم في الطريق علشان ظهرهم وجعهم

                  و احنا كنا الحمد لله تمام ..أعتقد ده تصميم الكراسي برضه بيفرق فيه .


                  عموما هي ليست بنعومة التويوتا ...و أرحم كتير من الألماني


                  عموما الجنط الـ17 هو أكبر سبب في الإحساس بالنشفان

                  بجد جزاك الله خيرا على الاجابه الوافيه دي

                  بس هو في سؤال كمان و لو فيها رزاله يعني

                  انا موضوع ان الواحد مايحسش بالتكسير و هو سايق دي بتفرق معايا اوي, و حضرتك اشرت ان التويوتا انعم منها فلو دلوقتي قارنت بين الكورولا و السيراتو في نقطة راحة السائق في الطرق المكسره تدي كل و احده كام من 10 (طبعا انا مش قصدي مدقات , انا قصدي بالطرق المكسره يعني الشوراع العاديه و الجانبيه اللي هي فيها كل 20 متر حفره او مطب )


                  و طبعا الشكر و اجب لكل من ساهم في الموضوع.

                  رمضان كريم

                  Comment

                  • #10
                    أنا الحقيقة ما ركبتش التويوتا لفترة كافية أني أديها تقييم

                    بس السيراتو أديها8/10 في الفئة بتاعتها

                    أدي الأوكتافيا مثلا 7/10

                    و الجيتا 8/10

                    بس التويوتا عموما أنعم و الالنترا كمان أنعم
                    [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                    Comment

                    • #11
                      العفشه بتتحسن مع الوقت
                      وتنعم و نفس الثبات
                      [CENTER][SIZE=4][B][COLOR=Blue][COLOR=SeaGreen][COLOR=Navy][/COLOR][/COLOR][/COLOR][/B][/SIZE]
                      [/CENTER]

                      Comment

                      السابق template التالي
                      Working...
                      X