النيو سيراتو سياره تستحق الاحترام فعلا

[Ahmed Samy]

زم نثبت السعر و بعد كدا نقارن الماركات
مينفعش اقارن عربيه ب 120 الف بعربيه ب 150 او 160 الف

مش معاك في دي

هي دي الغلطة اللي جابه السوق المصري ورا

المقارنة من خلال الفئة السعرية المعزولة بشكل غير طبيعي عن فئة الركوب

طبعا الثمن "غالبا" بيكون مقابل قيمة يعنى لما اقول ان السيراتو تتقارن بالهوندا مثلا ..ممكن

هلاقي الهوندا أفضل كمكونات لكن السيراتو تكسب بميزة سعرية و بكده تبقى المقارنة حية و ممكن واحد صفقة الهوندا وواحد يختار صفقة السيراتو وهو عارف و شايف كسب ايه و خسر ايه

و أكيد هايختار اللي يناسبه من متطلبات و امكانيات و ميزانية

هو ده في رأيي التطبيق الصحيح لفكرة المقارنة من خلال فئة الركوب أولا

[TeMoON]

بصراحة انا ليا رأى فى الموضوع دا
الكورولا عربية جميلة جدا ولها اسمها ولها احترامها وكل تقدير لانها عربية على مر التاريخ فعلا اثبتت كفائتها بس لو رجعنا لاول تاريخ لتويوتا والكورولا بالذات هتكون زمان زى دلوقتى استحالة طبعا فى حين ان الصناعات الاوربية كانت ماشية فى طريقها وكانت متقدمة وكانت افضل من اليابانى ايامها لحد ما الصناعة اليابانية تطورت ووصلت للمرحلة دى واثبتت كفائتها وجودتها ومتانتها وليها كل تقدير واحترام
اما بالنسبة للسيراتو
فا هى عربية جميلة بلا شك والصناعة الكورية فى طريقها للتقدم اكثر واكثر مع العلم ان السيارات الكورية جديدة فى السوق المصرى والسيراتو بلاشك عربية تحفة لما فيها من اداء وكماليات واجمالى عربية هى حلوة وزى الفل وفى نفس الوقت سعرها اقل من اليابانى وبتدى اداء مقارب لليابانى او اقل شوية بس السؤال هنا
1- هل السيراتو ستصمد امام طرقنا الجميلة وهتمشى ال 100 او 200 الف كيلو متر بدون ظهور عيوب فيها
2- هل قطع الغيار هتكون معمرة ومش هتستهلك بسرعة
انا الاجابة عندى فى ان الكورى القديم كان كويس بس الى هقدر اقولو ان الايام هى الى هتثبت كفائة العربية دى وهتثبت انها اد المقارنات مع الموديلات الاخرى ولا لا بس انا شايف كا اجمالى انها عربية كويسة وعربية حلوة على اد سعرها ومش محتاجة المهاجمة القوية من اخوانا اليابانين مع العلم انى امتلك سيارة اوربى ودا رأى بحيادية ولانى لست من هواة اليابانى او الكورى بس لو الظروف جات كدا مش هتردد انى امتلكهم بس طول ما الظروف تسمح معايا ب انى اقدر اركب عربية اوربى انا بحبها انا مش هتردد فى انى امتلكها وانسى حاجة اسمها يابانى او كورى او حتى امريكى ودى اذواق واراء
واسف على الاطالة

[medoxmedox]

بصراحه انا اعتقد ان في اي مقرنه لازم تثبت فاكتور و تقارن في الباقي
انا مش ممكن اقارن السيراتو بالمرسيدس السي كلاس
و مش ممكن واحد يكون عايز عربيه مثلا متوسطه الحجم ,,, اقوللو في السيراتو و البي ام الفئه التالته
لازم نشوف رنج السعر المتاح ,,,, و نبدا نقارن ما بين العربيات الموجوده في الرانج دا

[Samah AbdAllah]

معاك حق والحمد لله انك اقتنعت نظريا عقبال ما تقتنع عمليا وتجربها بنفسك
وكيا حققت نجاح كبير جدا فى الفترة الاخيرة وخصوصا بالنيو سيراتو

[m_o_sakr]

Yes all good, but the Hyndai -Kia grtoup will improve each other,,,,,thay will be the best cars in world soon