مبيعات توكيل كيا ... حسبى الله ونعم الوكيل

[som3aa]

اللى حاجز من 3 او 4 شهور ميسكتش و يروح يقابل المدير و مدير المدير لحد ميوصل لابن نصير شخصيا
انا لو منكوا اعمل كدا
مفيش حاجة اسمها العربيات اللى على المركب خلصت , الموضوع مش تهريج , العربية بتتسلم لحد غيرك , هما عارفين كويس اوى ايه اللى جاى على المركب و كام عربية و الوانهم يبقى خلصت ازاى؟؟

[iseddik]

شكرا لكل من شارك معنا فى هذا الموضوع

كنت عايز اخد رأيكم فى حاجه

تفتكروا بعد انتظار دام ثلاثة اشهر ونصف اتوكل على الله واجيب خليجى هاى لاين ؟
ولا استنى التوكيل واللى مش عارف انا هستناه قد ايه كمان ؟

هل تفتكروا ممكن اندم لو جبت الخليجى ؟

وايه انسب الاماكن اللى ممكن اجيب منها الخليجى مضمون (ناس محترمين يعنى واستلام فورى طبعا) ؟

معلش طولت عليكم بس انا بصراحه محتاج مشورتكم ورأيكم

اخوكم
اسلام الصديق

[أحمد كمال]

بلاش خليجي

و من رأيي صعد الموضوع في التوكيل

[dr-mohamed]

مش كفاية تصعد الموضوع في التوكيل
انت تطلع على مكتب نصير نفسه
انت فلوسك في الاخر بتدخل جيبه ارباح منها ومش قليلة
وكمان في السكة مشوار للنائب العام تقدم شكوي تتهمهم بالغش التجاري لان التاخير عن ميعاد التسليم يعتبر ضمن الغش التجاري وبالمرة كمان مشوار على جهاز حماية المستهلك وشكوي كمان هناك خليهم يلفوا حوالين نفسهم شوية
كفاية قلة ادب بقة ايه الفوضي اللى بقينا فيها دي

[iseddik]

ياباشا انا حاجز فى فرع روكسى و نفس الحوار ده بالظبط
و كمان انا حاجز من اول مايو و عالم مش محترمة خالص
و بااااااااااردين و عايشين فى الثلاجة

هو حضرتك استلمت ولا ايه ؟؟؟
شايفك عارض العربيه للبيع من قبل تاريخ المشاركة دى
برجاء التوضيح

وشكرا جزيلا

[weekend]

بجد حسبى الله و نعم الوكيل
انا حاجز sx من فرع المعادى برضو من 3 شهور بالتمام من يوم 12-6 بس الفرق بقى ان محمد عبد القادر ده على طول بيرد عليا بس متقمص دور اللى عنده انفصام فى الشخصية ..... اخر كلام المفروض انى كنت فى الشحنة اللى جاية يوم 28 اغسطس دى و طبعا مسجدنى قبلها شهر و مفهمنى ان الحياه جميلة و كلو تمام ... المهم جت الشحنة ها يا عم ايه الاخبار قاللى مين قال ان الشحنة فيها sx دى كلها هاى لاين ... طبعا فضلت مذهول شوية و تمالكت اعصابى و كلمتو قاللى ان شاء الله 15-9 ال sx هتوصل و انت فيها قلتلو انا حاجز فى 6 و فى ناس من 4 مستلمتش هل هلحقها ولا هتقوللى الشحنة خلصت قبل دورى قاللى لا طبعا انت فيها و كلو تمام و اول 10 هتكون مستلم .... المهم قلت احرق دمى شوية عشان بقالى كتير مكلمتوش النهاردة 12 يعنى لو فى دفعة لازم هيكون معلوماتها عندهم , كلمتو ها اخبار الشحنة ايه قاللى شحنة ايه ؟؟ قلتلو اللى جاية يوم 15 قاللى ايه الشحنة اللى جاية 15 دى هو لو فى شحنة بتوصل على 25 كده ...... مبدئيا بيقول لو فى شحنة قلتلو اه يعنى لو بقى فى شحنة المفروض انى اعرف اى معلومات عنها امتى قاللى مش قبل يوم 20
و ادينى مستنى
انا بجد خلاص مليت انا بفكر اروح اجيب كروز و اخلص
حد يقوللى اعمل ايه

[mmsalah]

اية دة يا جما عةالواحدا بتدى يخاف من التوكيل فعلاانا حاجز من شهر 8
يعنى على كلامكم دة هاستلم 2011

[mmsalah]

اية دة يا جما عةالواحدا بتدى يخاف من التوكيل فعلاانا حاجز من شهر 8
يعنى على كلامكم دة هاستلم 2011

[iseddik]

للأسف التوكيل بيلعب لعبة قذره جدا
وهناك مماطله واضحه جدا
وردود لا يمكن ان تقنع عيل صغير حتى
طبعا كل اسبوع يحدفونى للاسبوع اللى بعده
وقد اتممت الاربعه اشهر انتظار حتى الان ولا يوجد ميعاد تسليم محدد !!!!!

حسبى الله ونعم الوكيل

والامل القادم ان فيه شحنه جايه اول اكتوبر بس مش عارفين هى عليها هاى لاين ولا لأ؟؟؟؟
مش عارف يعنى مين اللى المفروض يكون عارف

حسبى الله ونعم الوكيل

بس انا عرفت معلومه كده الله اعلم بمدى صحتها
ان فيه دفعه هاى لاين سوف تصل فى النصف الثانى من شهر اكتوبر
والله اعلم

نصيحه لمن لم يضع نفسه فى هذا المأزق ولم يحجز
ان يبحث عن سيارة اخرى
او يشتريها خليجى

بس انا بصراحه مش قادر بعد ما انتظرت اربعه اشهر انى اعمل كده

اسلام الصديق

[germansheepard]

نادر انا جبت بيكانتو و سافرت برة بعد اسابيع و لسة راجع.هو المنتدى له مصالح مع التوكيل وللا ايه؟ المنتديات القوية اللى زى ده تقدر تضغط على اى توكيل عايز يسرق او يماطل.ارجوكم خليكم زى مانتم فى صف المستهلك. ماهو انتم ما يطلق عليه المجتمع المدنى. مصداقية المنتدى فى خدمة مشتركيه. شكرا

[NaderNabil]

نادر انا جبت بيكانتو و سافرت برة بعد اسابيع و لسة راجع.هو المنتدى له مصالح مع التوكيل وللا ايه؟ المنتديات القوية اللى زى ده تقدر تضغط على اى توكيل عايز يسرق او يماطل.ارجوكم خليكم زى مانتم فى صف المستهلك. ماهو انتم ما يطلق عليه المجتمع المدنى. مصداقية المنتدى فى خدمة مشتركيه. شكرا

حمد الله على السلامة أولاً...

ثانياً أحنا قوتنا تكمن في ما يطرح على صفحات المنتدى...هو ده أكبر تأثير ممكن نعمله عشان نضغط على التوكيل...و يكفي عنوان هذا الموضوع و محتواه للضغط عليه
لكن لو عايز توصل لبره...ده سهل بمجهودك الشخصي...تروح لحماية المستهلك أو تعمل محضر في القسم أو تنشر في جريدة....

بس الناس مش قادرة تفهم ان الطلب على العربية على مستوي العالم مرتفع بشدة و ده اللي مخلي حصة مصر من العربيات الهاي لاين ضعيفة شوية...و لأن التوكيل مكانش عامل حسابه للمبيعات المهولة دي...

[tamermagdy]

نصيحة لكل واحد عايز يركب نيو سيراتو خليجي - ولاهي انظف ولا حاجة بل بالعكس الوكيل نزل فرش جلد في موديل 2010 والخليجي مش موجود دة فية غير في الهاي لاين + لاتوجد اختلافات جوهرية في الخليجي سوي زر تحريك لمبة الكشاف الي الاعلي اة الاسفل + 6 cd لكن لو لقدر اللة العربية طلع فيها حاجة الوكيل مش هيضمنها - انا استلمت نيوسيراتو 2010 و اعلم مدي المعاناة جيدا لكن مش الوكيل السبب.....السبب من المصنع

[aromr]

نصيحة لكل واحد عايز يركب نيو سيراتو خليجي - ولاهي انظف ولا حاجة بل بالعكس الوكيل نزل فرش جلد في موديل 2010 والخليجي مش موجود دة فية غير في الهاي لاين + لاتوجد اختلافات جوهرية في الخليجي سوي زر تحريك لمبة الكشاف الي الاعلي اة الاسفل + 6 cd لكن لو لقدر اللة العربية طلع فيها حاجة الوكيل مش هيضمنها - انا استلمت نيوسيراتو 2010 و اعلم مدي المعاناة جيدا لكن مش الوكيل السبب.....السبب من المصنع

مبروك الاستلام

ياترى موديل عربيتك ايه؟
وحجزت امتى؟
واستلمت امتى؟

[Samah AbdAllah]

اخيرا حد استلم مش ممكن كل التأخير ده
كده اى حد بيفكر هيغير رأيه ويبعد عن العذاب ده

[hobiko]

نصيحة لكل واحد عايز يركب نيو سيراتو خليجي - ولاهي انظف ولا حاجة بل بالعكس الوكيل نزل فرش جلد في موديل 2010 والخليجي مش موجود دة فية غير في الهاي لاين + لاتوجد اختلافات جوهرية في الخليجي سوي زر تحريك لمبة الكشاف الي الاعلي اة الاسفل + 6 cd لكن لو لقدر اللة العربية طلع فيها حاجة الوكيل مش هيضمنها - انا استلمت نيوسيراتو 2010 و اعلم مدي المعاناة جيدا لكن مش الوكيل السبب.....السبب من المصنع

ممكن تقولنا يا باشا ايه هى التغييرات الى نزلت فى موديل 2010 الوكيل وفى انهى فئة ؟؟؟؟