السماعة بتزن يا جماعة :( !!!!

[xShadow]

أنا عندي مشكلة يا جماعة فالعربية و مش عرف أعمل فيها اه فقلت أخد رايكو فيها..

دلوأتي أنا لو شغلت أي أغنية فيها bass عالي، بلاقي السماعة إلي فالباب الادماني اليمين بتزن جمد، مع العلم إن بقية السماعات تمام جداً !!

فنا مش عرف أعمل اه، هل أروح لواحد بتاع سماعات يشوفلي اه الموضوع، ولا التوكيل هو إلي المفروض يتعامل ولا اه ؟؟

أنا فكرت أكلم جابر عبد الشهيد، بس خطر في بالي انهم ممكن يعئيرهلي عندهم بسماعة أوحش أصلاً..

فنا مش عرف أعمل اه.. ياريت تفيدوني !

[yoko]

لو العربية ليها ضمان روح التوكيل ولو خليجي بدون ضمان روح لحد بتاع سماعات كويس ويفضل تروح لتوكيل كلاريون أو أي حتى نضيفة مش أي حد بتاع كاسيت عشان ميلعبش في كهربة العربية

[Ghost2]

كلام سليم يا يوكو

[Amr A.salam]

لو العربية ليها ضمان روح التوكيل ولو خليجي بدون ضمان روح لحد بتاع سماعات كويس ويفضل تروح لتوكيل كلاريون أو أي حتى نضيفة مش أي حد بتاع كاسيت عشان ميلعبش في كهربة العربية

عين العقل

[xShadow]

مشكورين عل ردود

[xShadow]

طيب بما اني معنديش ضمان، ممكن تدلوني توكيل كلاريون دة فين أو الناس الكويسة فين ؟؟ فالقاهرة طبعاً..

و مشكورين عل إفادة

[yoko]

الي أنا إتعملت معاهم وخدمتهم كويسه كلاريون الحجاز قدام عمر أفندي مصر الجديدة عند مدان الحجاز

[A.Saad]

[b]فيه فى اخر ش احمد عرابى فىى المهندسين
على اليمين لو انت جاى من سفنكس
[/b]

[Ahmed Samy]

جابر عبد الشهيد بيشتغل مع كلاريون في ضمان الصوتيات اساسا

يعني ممكن تروح لجابر و هايطلع معاك واحد من عنده لتوكيل كلاريون اللي بعد ميدان الحجاز على ما أتذكر و هاتعملها ببلاش

منها تجرب ضمان جابر حقيقي ولا فشنك

و منها هاتعملها عند كلاريون برضه من ولا مليم

و هي هاتطلع بسيطة ان شاء الله

[yoko]

جابر عبد الشهيد بيشتغل مع كلاريون في ضمان الصوتيات اساسا

يعني ممكن تروح لجابر و هايطلع معاك واحد من عنده لتوكيل كلاريون اللي بعد ميدان الحجاز على ما أتذكر و هاتعملها ببلاش

منها تجرب ضمان جابر حقيقي ولا فشنك

و منها هاتعملها عند كلاريون برضه من ولا مليم

و هي هاتطلع بسيطة ان شاء الله

هما دول الي قصدي عليهم وركبت عندهم cd كينود وسماعات كينود برده وقصولي في الرف بتاع العربية(١٢٨) وعطولي الرف بيموكيت ووصلوا السماعات بنضافة جدا
تخيل عملوا كده وهما شغلين في ١٢٨ تخيل هيعملوا إية لما تجلهم عربية جديده

[Ahmed Samy]

و هما اللي غيرولي وحدة الست اسطوانات

شغلهم نظيف فعلا

[heragy]

مساء الخيرررررررر \\\\\\\\\\\\\\\\\\\\\\ سؤال ---- هى الكيا بيكانتو بتنزل من غير كاسيت

[xShadow]

thanks for the information guys.. thanks alot

[mohamed1979]

على فكره ده ممكن يكون شويه تراب على السماعه
جرب توطى الbass وشوف النتيجه
هل الدبه دى مع كل الأغانى ولا اغنيه واحده فقط

[xShadow]

لأ مع كذا أغنية، في حتت معينة فالأغنية لم ال-bass بيكون عالي..

منا بردو مش عيز أوطي ال-bass أوي لأني بحبو أصلاً، والفكرة إن بقية السماعات تمام..


و شكراً عل معلومة..