مصيبه يا جماعه ساعدونى......

[thisisman]

• والدى مصمم انو يجيب تويوتا كورولا و انا مقتنع جدا بالسيراتوا بس هنعمل ايه بقى فى عقدة الشعب المصرى اصل دى يابانى و دى كورى .

• ونبى يا جماعه ياريت تجيبولى لينكات المواضيع الى بتشكر فى السيراتو عشان احاول اقنعه .

• طب و بصراحه كده هيا الكورولا فعلا احسن؟؟؟؟

و شكرا

اللون الاحمر مخصص للمداخلات الاشرافيه فقط لا غير
مشرف عام 3

[solom_2010]

الى اعرفه ان نظام ال (mmt) بتاع الكورولا ده نظام وحش جدا فيه مشاكل كتير جداااا لاكن انى الاحسن مش عارف بجد
متابع بهتمام

[Ghost2]

لا يا سولو النظام بتاع الجير بوكس بتاع التويوتا مش وحش .. الناس هي اللي مش عارفة تستعملة ... اما بالنسبة للسيراتو .. يكفي انك توريه التقييم بتاع دكتور احمد سامي http://www.nilemotors.net/Nile/83428-a.html

وفي شوية حاجات كمان

http://www.nilemotors.net/Nile/94478-a.html

http://www.nilemotors.net/Nile/93826-a.html

http://www.nilemotors.net/Nile/94565-new-cerato.html

http://www.nilemotors.net/Nile/89063-a.html

ولو في حاجه تانية احنا معاك .. اما بالنسبة لو عايز تفرجه على الفيديوهات .. ادخل يو تيوب واكتب Kia Forte

[Hosam_Optrawy]

مواضيع السيراتو مفيش أكتر منها فى القسم

وأغلبها مثبت

دور وانت تلاقى

والكورولا مش وحشه خالص وحاليا بينزل منها اوتوماتيك عادى مش mmt

[elmoski]

انت مصعب الامور كدا ليه لا مصيبة ولا حاجة سيراتو حلوة فعلا والكورولا برده جامدة

[medoxmedox]

انا معايا سيراتو 2010 ,,,,,,,,,,ووو بس لو كان معايا فلوس زياده اساسي كنت حجيب كورولا

[Ahmed Samy]

فعلا ...ولا مصيبة ولا حاجة ..

والدك برضه بيختار عربية كويسة و قوية و لو كان ممن لا يتكيفون بسهوله مع الفتيس الـmmt فالتوكيل و فر الفتيس الأوتوماتيك العادي ....

حضرتك ممكن توريله مواضيع السيراتو (وريله كل حاجة الحلو و الوحش اللي اتكتب عليها) و برضه وريله مواضيع الكورولا

و ينزل يشوف الاتنين بنفسه و انت معاه

و الي يختاره كويس ده الوالد برضه

[M.Osman]

انا شايف ان لو والدك مقتنع بالكورولا يبقى خلاص يا مان ..
اية المشكلة يعني..؟ الكورولا عربية جيدة جداً (مع اني مش بحبها برضه)

[gasserissa]

معلش انا عندي استفسار صغير و اعزوروني علي رزلتي
انا عمال اسمع عن الmmt وكل و حد يقوله ده وحش يقلوله لا انتي اللي مش عارف تستعمله
معلش هو محتاج كورس لدرجادي انا ناس كتير مش عرفه تستعمله
و فرضا هو معقد كده هل لا يعتبر عيب ان شركة تيوتا مع كل العراقه و مع كامل احترامي لشركه ديه لاني بجد بحبها اوي
انها تنزل حاجه معقده لدرجة ان شريحا كبيره من الناس متعرفش تستعملها
انا مش بهاجم العربيه و الله العظيم انا بس مش فاهم يعني ايه مش عارف تستعمله
مدقياني الكلمه ديه اوي

و اديني بقول اهو انا مش بهاجم العربيه و الله انا بس محتاج افهم

[thisisman]

متشكر وى على الردود يا جماعه بس محدش قالى انهى الاحسن؟؟؟

[nab!l]

انا معايا سيراتو 2010 ,,,,,,,,,,ووو بس لو كان معايا فلوس زياده اساسي كنت حجيب كورولا

والله العظيم ده ابلغ رد
تويوتا احسن طبعا فى كل حاجة بصرف النظر عن يابانى وكورى

[kareemhisham]

فى الحالتين انت كسبان ..

http://www.nilemotors.net/Nile/90718-2009.html

دة تقييمى للكورولا المعايا و هى مانيوال بص بصة و شوف التقييم بتاع الدكتور احمد سامى الهوا دة

http://www.nilemotors.net/Nile/83428-a.html

و بعد كدة هتعرف ليه انت فى الحالتين كسبان ..

ميزة الكورولا هنا ان بقالها سنتين فى السوق متجربة و اثبتت كفائة و قطع غيارها منتشرة

و لكن من الواضح ان دة هبقى حال السيراتو ..

فصعب شوية اقولك مين احسن ,, هو كل عربية و ليها نقاط تفوقها

[Ghost2]

الاتنين ممتازين جدا ... بس اختار اللي يريحك .. انت بس عايز عربية شبابي شوية .. فاعاجباك السيراتو ..اما التويوتا فا هي برستيج شوية وفخمة والناس الكبيرة بتفضلها كركوبة وكاسم .. هي كويسة .. متقلقش سيراتو او كورولا .. هتركب وانت مرتاح

[ashraf229]

مصيبة!!!!!!!!!!!! طيب يارب كل المصايب تبئى كده

الكرولا طبعا الاكتر مبيعا في العالم كله و لا خلاف عليها وعلى جودتها

ورغم تفوق السيراتو الملحوظ و نجاحها في انها تتطور و تتفوق على كتير من منافسيها الا ان جودة و اناقة و جمال الكرولا من الثوابت اللي لا خلاف عليها

الراجل معملش حاجة غلط و خليه يتوكل على الله السيراتو حلوة و واسعة بس الكرولا احلى و أقيم

مع كل حبي و احترامي للسيراتو الرائعة
.................................................. .................................................. ..................

[elwafaey]

لو سمحتو يا جماعة حد يقولى الكيا سيراتو جنط 15 و abs وشبورة اتوماتك سعرها كام