إعـــــــلان

Collapse

.

,
See more
See less

العربيه اتخبطت يا جماعه قبل ماتخرج من دارها

Collapse
X
 
  • Filter
  • الوقت
  • Show
Clear All
new posts

  • #16
    قدر الله وما شاء فعل ... الحمد لله جت بسيطة

    بس يا ريت تغيرى الكارتيرة على طول لأنها بتحمى دواخل العربية من التراب والمياه .. وربنا يباركلك فيها
    [CENTER]الي مدخلش QNET .. مدخلش دنيا
    http://www.nilemotors.net/Nile/244377-a.html
    [/CENTER]

    Comment


    • #17
      الحمد لله انها جت على قد كدا معلش اخدت العين
      [CENTER][COLOR=#ff7700][SIGPIC][/SIGPIC][/COLOR][/CENTER]
      [CENTER][FONT=Tahoma][COLOR=#ff7700]محرر فى دعم اتخاذ القرار بوزارة الاعلام[/COLOR][/FONT][/CENTER]
      [CENTER][FONT=Tahoma][COLOR=darkslategray]قليل المشاركة فى [COLOR=blue]الموضوعات [/COLOR]والرسائل [COLOR=blue]الخاصة[/COLOR] لانشغالى بالعمل[/COLOR][/FONT][/CENTER]
      [CENTER][FONT=Tahoma][COLOR=darkgreen][COLOR=darkred]برجاء الاتصال بى[/COLOR] :[/COLOR][COLOR=navy] [U]01288814049[/U][/COLOR][/FONT][/CENTER]

      Comment


      • #18
        معلش يا سندريلا ماتوعليش

        بس سيبيها شوية عشان تاخد كل العيون وبعد كده صلحيها
        وان شاء الله بسيطة
        [CENTER][URL]https://www.facebook.com/NMTechShop/[/URL] [/CENTER]

        Comment


        • #19
          المشاركة الأصلية كتبت بواسطة sindrela_az مشاهدة المشاركة
          يعنى تفتكر هى كدا اخدت الختم ولا لسه فى حاجه تانيه ( ربنا يسترها )

          ربنا يستر
          [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

          Comment


          • #20
            حصل خير وقدر الله وما شاء فعل
            النصيحة الوحيدة اللى حقولهالك زى ما باقى الاخوه قالولك اوعى تعمليها دلوقتى سبيها فترة تاخد العين بتعاتها وكمان انتى لسه بتتعلمى يعنى ممكن لا قدر الله تعمليها وتتخبط تانى فمش معقول كل ما اى حاجة تحصل فيها حتجرى تعمليها اكيد كده الموضوع حيكلف فنصيحة لوجه الله سبيها شوية لحد ما تتعلمى السواقة كويس وكمان تاخد العين بتاعتها والحمد لله انها جت بسيطة المرة دى

            Comment


            • #21
              شكرا لكم يا جماعه على النصيحه وانا فعلا هعمل بيها


              وشكرا يا بسكوته

              Comment


              • #22
                كلنا فى الهواء سوا

                كأنك بتحكى عنى بالضبط ده نفس اللى حصل معايا

                انا بحلم بأمتلاك سيارة منذ ولادتى و تحقق الحلم بعد 34 سنه

                اشتريت يوم الاربعاء 16/9 سياره احلامى اونو موديل 93 العربيه فعلا كانت فبريكه ووضعت فيها قرض يلتهم 80 % من مرتبى مع العلم انى اعول اسرة لكن زى ما قولت لكم فى البدايه ده كان حلم حياتى

                انا لسه جديد فى السواقة يعنى بلغه السوق لسه غشيم . واحد صاحبى ساق لى العربيه و ركنها لى تحت البيت و فضلت يوم الخميس بالكامل اتفرج عليها من البلكونه و خايف انزل اركبها

                يوم الجمعه الاسود 18/9 ضحك عليا شوشو و قال لى انزل و جمد قلبك و اعطانى حبوب الشجاعه و ياريتنى ما نزلت

                كانت النتيجه المتوقعه طبعا حادثه فى سيارة نصف نقل ( دبابه ) لكن من اللى بتستخدم فى غرض نقل المواطنين الغلابة من امثالى عباره عن قطعه حديد مسننه و مدببه من جميع الجوانب و لا يوجد بها لا ابواب و لا شبابيك لا يوجد سوى مقعد السائق و بالخلف لوحى خشب غير مشذبين لجلوس الركاب

                و الحمد لله كانت خبطه بسيطة و النتائج كالتالى :

                • كسر فى الفانوس و الاشاره الامامى


                • انبعاج و اعوجاج فى الرفرف الامامى ( ادى الى عدم اماكنيه فتح باب السائق )


                • انبعاج الجنط و تلف فرده التيوبلس


                و الحمد و الشكر ليك يارب

                لكن التلفيات الحقيقيه كانت فى نفسيتى انا من يومها و انا راكنها تحت البيت و مش جاى لى قلب اركبها تانى

                ملحوظه كوميديه :

                صاحب المصفحه اللى خبطها قال لى روح يا عم و ربنا يعوض عليا طبعا كنت هموت من الضحك لان عربيته مش كان فيها اى جزء يستاهل عليه العوض

                هم يضحك و هم يبكى هههههههههههههههه :pointi~2[2]:

                اسف على الاطاله لكن هم يبكى و هم يضحك


                Comment


                • #23
                  جبت لكم الصور بتاعة الخبطه









                  دى الاكصدام من الامام من الجهه الشمال

                  والكارتيره اللى مكسوره

                  Comment


                  • #24
                    معلش يا استاذ شريف ربنا يعوض عليك
                    بجد فعلا العربيات القديمه ما شاء الله عليها حديد على حديد لكن الجديد دا زى ما بيقولو ورق

                    انا برضو شوشو ضحك على من كتر ركنتها قدامى
                    هههههههههههههههه

                    ويدوب لسه فى الشارع ودب
                    يلا خلينا نتعلم ههههههه

                    Comment


                    • #25
                      الاخت الفاضله / سندريلا

                      قدر الله و ما شاء فعل و انصحك بضرورة التامين على السياره مادامت جديدة و انتى لسه فى البدايه فى موضوع السواقة

                      و ربنا يصبرنا على بيحصل فى عربياتنا
                      [SIGPIC][/SIGPIC]:oops:THE MAYOR:oops:

                      Comment


                      • #26
                        ربنا ستر معاكى وقضا احسن من قضا, نفس الموضوع ده اكيد حصل مع اى حد اول ما ساق ويمكن مع اى عربية جديدة يسوقها, خدى بالك وماتجازفيش, طبعا افراح ايه اللى تروحيها

                        ربنا يسترها معاكى

                        Comment


                        • #27
                          على فكرة انا بافضل خايف على اي عربية جديدة لحد ماييجى واحد يخبطها ويريحنى, بعد كدة سبحان الله ماحدش بيخبطها تاني ولو كانت الخبطة مش عاملة تشوه جامد باسيبها لحد معاد الفحص بتاع العربية مثلا.طبعا لو عندك تامين روحى التوكيل. لو مافيش تامين وسعر التوكيل مبالغ فيه, روحي لسمكري كويس.

                          Comment


                          • #28
                            الصور مش شغالة عندى
                            يلا معلش ربنا يديكى خيرها ويكفيكى شرها
                            وياريت فعلا تسيبها احسن ومتعملهاش
                            [CENTER][SIGPIC][/SIGPIC] [/CENTER]
                            [CENTER] [/CENTER]
                            [CENTER][COLOR=royalblue]سبحان الله ... الحمد لله ... لا اله الا الله ... الله اكبر[/COLOR][/CENTER]
                            [CENTER] [/CENTER]

                            Comment


                            • #29
                              بسيطه جدااااااا وانصحك ما تزعليش ابدا والله احمدي ربنا كتيييييييير اوي كل متشوفيها هقولك انا حكايتي بقه
                              اول ما جبت السيريون وزيرو طبعا خايف عليها موووووووووت المهم نزلت في يوم خميس اخبر والكلام ده من سنه ونص تقريبا والعربيه كانت لسه مكملتش 1000 كيلو وكنت نازل مشوار وسط ابلد قلت زجمه وقرف روحت راكنها في جراج الزراعه اللي جمب المترو وخدت المتروو روحت مشواري ورجعت لقيت فيه خربوش بسيط جدا في الكابوت من قدام بس عميق المهم اتنرفزت جدااااااااا وزعلت ومكونتش طايق نفسي خربوش والعربيه لسه مكملتش 1000 كيلو دي حاجه تقرف المهم طلعت وانا راجع المنصوره وكان يوم خميس وماادراكي بيوم الخميس علي الطريق الزراعي بيبقي عامل ازاي المهم ماشي في امان الله بتاع 100 كده وفجأه الاقي واحد بميكروباص السوزوكي الذبله ده راح طالع من يوتيرن من غير مقدمات كده وجه قدامي روحت واخد شمالي ومهدي جامد وكانت الصدمه ميكروباص تويوتا دخل فيه زي الصاروخ من وره تخيلي بقه ميكروباص تويوتا اقل حاجه بيمشو عليها في لزحمه 100 وراح داخل في السيريون المسكينه طبعا انا اطنطرت من اقصي الشمال لاقصي اليمين واديت انتظار بسرعه وربنا ستر ان مفيش حد كان جاي من اليمين كان دخل فيه كمان
                              قعدت شويه في العربيه وانا حاسس اني بحلم وان ده مش حقيقه وهصحي اكيد لكن مفيش فايده طلع حقيقه مفجعه ونزلت ابص لقيت طبع الاكصدام اتهرس من الناحيه الشمال بالفانوس وشه اتكسر والزجاج الخلفي طبعا اتفشفش والشنطه الجزء الشمال اتكرمش وحوض الشنطه دخل لجوه والخبطه سمعت في الرفرف الشمال في عوجه بسيطه يعني الخبطه كلها من ناحيه الشمال بس الحمد لله
                              المهم اني طلعت من الموضوع ده اني كنت زعلااااااااااان جدا علي خربوش في الكابوت اهو في نفس اليوم خسرت زجاج واكصدام وشنطه وفنوس والعربيه بقه منظرها يصعب علي الواحد وروحت وفضلت راكنها اسوبع في جراج ومليش نفس اطلعها ولحد الان معملتهاش ههههههههههه
                              غيرت الزجاج ولحمت الكصدام ورديت اخبطه كده عل البارد اي كلام وسيبتها ومش ناوي اعملها دلوقتي خالص
                              عشان كده احمدي ربنا واوعي تزعلي اسمعي كلام واحد مجرب الحاجات دي ممكن تكون شاليت حاجات اكبر منها وربنا يسترها معانا
                              سبحان الله وبحمده سبحان الله العظيم

                              Comment


                              • #30
                                متزعليش هى لازم تاخد العين كده وتعدى ان شاء الله ياما خبطنا حاجة واقفه فى الشارع معرضه لاى حاجة قدر الله وماشاء فعل

                                Comment

                                Working...
                                X