حسبى الله ونعم الوكيل فى الى خبط العربية :(

[Esam Mosaad]

حصلت معايه و الله برضوا
معدش حد عندوا دم ولا خوف من ربنا
وربنا ينتقم منهم
والحمد لله انها جت على اد كدا


الرجاء الحرص على كتابة لفظ الجلالة
_________________
مشرف القسم

[YaSSerwIN]

مهندس التأمين الأن بأبو رواش بأنتظار رده

[TAMERMAKRAM]

حسبى الله ونعم الوكيل فى الى خبطها معلش ربنا يجعها فى ميزان اعمالك

[YaSSerwIN]

كلمت مهندس التأمين وقالى انه عاين العربية
بس عايزنى أروح أدفع نصف تكلفة التصليح فى التوكيل علشان يبدأو شغل

[NaderNabil]

كلمت مهندس التأمين وقالى انه عاين العربية
بس عايزنى أروح أدفع نصف تكلفة التصليح فى التوكيل علشان يبدأو شغل

ده على أساس إيه؟
مافيش حاجة إسمها كده...

التوكيل أكيد مش هو اللي طلب كده...لأنه مش هايسلمك العربية من غير ماتدفع الفلوس
و التأمين برضو مش من حقه يطلب كده لأنه مش هايصرفلك حاجة من غير الفاتورة و معاينة ما بعد الإصلاح!!

انا مش فاهم إيه الشرط الغريب ده؟!!!!

[mohamedbook]

ممكن اسال حضرتم سوءال لو انت مكان الشخص الي خبط العربية رد فعلك هيكون اية بصراااااااااااااااحة
هل هتمشي وتكبر دماغك ومحدش شايف حاجة
ولا هتسأل عل صاحب السيارة وهتقلة الي حصل وتصلحهالة ياريت تكون موضوعي وتحط نفسك مكانة
منتظر الرد؟

[YaSSerwIN]

أقل حاجة هاسيبله ورقة فيها رقم تليفونى
علشان أقدر أنام مستريح
لأنى يوم لما أخبط حد وأخد بعضى وأمشى ضميرى مش هيريحنى وهادفع فى عربيتى تصليح اكتر من الى كنت هادفعه فى تصليح العربية الى خبطها

واحد صحبى جرح عربية مرسيدس غالية وهو طالع من الركنة على كوبرى أكتوبر كانت راكنة عند النيل وخاف يقف وبعديها العربية أتخبطت مليون خبطة

[adfarouk]

بجد ربنا يعينك ..... انا العربية برضه عندي اتخبطت و هيا واقفه علشان كده أنا حاسس بيك.
قدّر الله و ما شاء فعل...... محدش عارف الموضوع دة ممكن يكون فداء لحاجه تانية .
احمد ربنا و يعوضك عنها خير ان شاء الله.

[YaSSerwIN]

الحمد لله على كل شىء بكرة هاروح التوكيل وأقولكم على أخر الأخبار

[A.Saad]

الحمد لله على كل شىء بكرة هاروح التوكيل وأقولكم على أخر الأخبار

انت مامن مع مين يا ياسر
وهل فيه شرط تحمل عندك ولا لا
ومين المفروض يدفع للتوكيل

[YaSSerwIN]

انا مأمن مع الشركة المصرية للتأمين التكافلى
الشرط انى لو هاصلح فى التوكيل بدفع انا 10 % من قيمة المصناعيات و 5 % من قيمة قطع الغيار
اما لو هاصلح فى ورشة برة بيشيلو هما التكلفة كلها علشان عارفين ان تكلفة التصليح فى ورشة خارجية عمرها ما هاتبقا زى تكلفة التوكيل

انا الى بدفع فلوس التصليح كلها وباخد فواتير من التوكيل وبروح أوديها لشركة التأمين ويعملو معاينة ما بعد الأصلاح
وبعديها بفترة بيدونى الفلوس الى انا دافعها مخصوم منها ال 15 %

[lolly136]

god with u

the best incurence for kia is contact

[YaSSerwIN]

روحت النهاردة التوكيل
وخليتهم يبدأو الصيانة
وطلع فعلا ً مافيش فلوس بتدفع غير لما العربية بتخلص خالص
تخيلو الرفرف الخلفى بكام

بــ 1750 جنية
وبعد فصال موظف التأمين وصلت التكلفة النهائية للمصناعيات 2000 جنية

الأجمالى 3750

بس المشكلة الكبرى فى الوقت
العربية هاتقعد كتير جدا ً
المهندس هناك بيقولى هايبدأو فى العربية يوم الثلاث القادم
هاتخلص فى حدود من أسبوعين الى ثلاثة أسابيع من النهاردة

[NaderNabil]

روحت النهاردة التوكيل
وخليتهم يبدأو الصيانة
وطلع فعلا ً مافيش فلوس بتدفع غير لما العربية بتخلص خالص
تخيلو الرفرف الخلفى بكام

بــ 1750 جنية
وبعد فصال موظف التأمين وصلت التكلفة النهائية للمصناعيات 2000 جنية

الأجمالى 3750

بس المشكلة الكبرى فى الوقت
العربية هاتقعد كتير جدا ً
المهندس هناك بيقولى هايبدأو فى العربية يوم الثلاث القادم
هاتخلص فى حدود من أسبوعين الى ثلاثة أسابيع من النهاردة

يا سيدي ماتقلقش...
هاتخلص في أقل من كده إن شاء الله..سواء وقت او فلوس...
ماتشلش هم بس

[YaSSerwIN]

يارب يا نادور علشان انا خلاص طقهت من المواصلات