النيو سيراتو...ثابته علي الطريق من غير كلااااااام !!

[myr999]

عقب سيجارة مين ياعم انا كنت على طريق مصر اسكندرية وكنت ماشى على سرعة 160 واخدت مطب هوا بس الحمد لله طلعت ونزلت بدون ما ارمى يمين او شمال مش تقولى عقب سيجارة

[egypt0777]

:pointi~2[2]::pointi~2[2]::pointi~2[2]:

[night_phoenix]

كلام جميل ورائع و كلنا متاكدين منه بس لاقدر الله حصوة تحت العجل علي 150 الله يستر كارثه. واحد سايق محترم جدا بيعدي من يمينك كالعاده علي 150 الله اعلم يحصل ايه. لا طرقنا ممهده و لا هيه مجهزة للسرعات دي. وهوة احنا عندنا طرق سرعه مفتوحه في مصر؟ ولا كل شويه اقول رادار و رشوة لاياهم...
اعتقد ان 120 ده المعقول
ولا يمكن عشان انا عجوز شويه
هههههههههههههههههههههههههههههههه
ربنا يسلم الجميع والكل بالخير و اتمني اكتر عدد يجي المقابله ان شاء الله

[Ghost2]

من الكلام ده نستنتج ان نيو سيراتو .. هي اعلى وارقى سيارة في فئاتها امام مثيلاتها من السيارات الكورية .. يعني السيراتو تكسب الانترا وكروز .. تعظيم سلام للفووووووووووورتي

[bmya]

يا جماعة موضوع الثبات مش قصته ان العربية في الطريق العدل مش بتعوم ، الثبات حاجة تانية وبيبان في الفات الحادة او لما تطلع من عربية بزاوية ديقه على سرعة عالية او تصادفك خاجة مفاجئة وتروح واخد غرزة حادة وترد تاني من غير ما العربية تلف او تفقد توازنها ، لو الكلام ده موجود في الكيا يبقى تمام ،

الله يفتح عليك هو ده الكلام هو ايه وجه الثبات في انك تمشي 220 في طريق مستقيم وطريق زي الدولي كمان يعني فلضي ورايق وواسع
يا سيدي انا كنت رايح بورسعيد يوم الوقفه وماشي علي الدولي 170 كم بالسيريون 1300 اتوماتيك وكن 3 في العربيه وكنت ماسك بايد وحده الدركسيون وقافل الزجاج ومشغل كاسيت وعايش حياتي اخر حاجه واللي معايا مش حاسين بحاجه هلي معني كده ان السيريون ثابته علي ال170 ؟ اكيد لاء وانا اصلا كنت اول مشوف ان في عربيات هتبدا تظهر بهدي عشان 170 دي لو حصل اي ظرف ودوست فرامل جمده هتقلب لو روحت يمين جامد هتقلب
حضرت برده ماشي 180 زي الفل وتجيب اكتر كمان بس معلش انت ماشي مستقيم يعني مفيش اختبار للثبات خالص
انا مش بقلل من السيراتو لني بحبها فعلا وانا مجرب السيرتو الشكل القديم وهي كويسه والجديده اكيد تحفه بس انا قصدي ان ده مش اختبار وبعدين ياناس حرام عليكم اصلا تجربوا ثبات والكلام ده السرعه دي ملهاش لازمه وانا والله ما بجري كده غير لما يكون معايا عربيه تانيه ويكون بيجري فبكون مضطر اني اجري

[lol1986]

يجماعة فى ايه اهدو شوية السيراتو عربيةجميلة جدا على سعرها وثباتهابرده حلو احلى من ال اى 30 والالنترا انا جربتها على طريق الصعيد يعنى اسفلت زبالة وملفات ومطالع والعربية كانت اشة زى الفل ومعظم الطريق 180 وعلى فكرة كان واحد صاحبى اللى سايق وانابصراحة مابرتاحش لاى حد بيسوق وانا مابقللش من صاحبى بس هو مش قد كده لكن العربية عجبتنى وانا اديلى فترة بدور على عربية وكنت قررتاجيب سيراتو بس بعد مانزلت الكوب اتهبلت فى عقلى وبحاول اظبط فرق الفلوس اللى بين ال sx والكوب

[bassemforever]

اينعم ثابتة عن تجربة

[ehababdelwhab]

يا جماعه انا وصلت بالعربية دي لحد 220 علي طريق اسيوط الغربي و كانت زي الفل

[ma7oo]

الثبات مش معناه انك تجيب 150 وتبقى ماشى عادى ماهو اى عربية هتجمع 150 وتمشى عادى بس فيه عربية على 150 تقدر تفادى اى حاجة وتلم نفسها وعربية تانية بالسلامة هو ده الثبات

[madoo_600]

اخبار العفشه ايه في اول فئه اللي هيا مانيوال ناشفه زي ما بيتقال ولا ايه النظام

[toty_vib]

والله 180 والعربيه ثبته وكانت ممكن تجيب اكتر

[max_ziro]

ازاى ثابتة بعد 150 اصلا غريبة!!!!!!!!
ليه يعنى هتبقى زى الميرسيدس ولا ايه
بس اكيد لو عقب سيجارة جه تحتيها هتتقلب غصب عن اللى سايقها ..
بصراحة انا شاكك ان عربية كورى تبقى بالثبات ده مهما كانت امكانيتها
وعلى علم انا بحب السيارات الكورية وخاصة الكيا لان انا حبى للسيارات الكورية بدأ من الكيا
اخوكم يوسف

ثبات اية الى مش عاجبك فى الكورى دة يا باشا
انا معايا السيفيا ماشاء الله 180/ 190 زى الفل وواثق انى لو زودت عن كدة هلاقيها ثابتة برضو .. و الله اعلم ..

[emadhamdy]

من الكلام ده نستنتج ان نيو سيراتو .. هي اعلى وارقى سيارة في فئاتها امام مثيلاتها من السيارات الكورية .. يعني السيراتو تكسب الانترا وكروز .. تعظيم سلام للفووووووووووورتي

يا راجل خلي الكلام يكون معقول

[bmya]

ثبات اية الى مش عاجبك فى الكورى دة يا باشا
انا معايا السيفيا ماشاء الله 180/ 190 زى الفل وواثق انى لو زودت عن كدة هلاقيها ثابتة برضو .. و الله اعلم ..

مش قوي كده ياباشا
كانت مع واحد وبيجري بيها وتمام وماشي بسرعه وبعدين داس فرامل مره وحده وهوب راحت يمين في شمال وراح داخل في العربيه اللي قدامه

[medo_sirion]

مش قوي كده ياباشا
كانت مع واحد وبيجري بيها وتمام وماشي بسرعه وبعدين داس فرامل مره وحده وهوب راحت يمين في شمال وراح داخل في العربيه اللي قدامه

حضرتك معاك سيفك علشان تتكلم

خلى بالك دة بلديتنا من اسماعيلية

فمشيها 200 او 220 ثابتة بردوة