هل فيه كيا كارينز اوتوماتيك...

[amr007]

السلام عليكم اخوانى الكرام ...
انا كنت مقتنع بالسيراتو الجديدة جداااا و لسة مقتنع بها و لكن غيرت راى الان الى الكارينز بس انا عايز اجيب عربية اوتوماتيك فهل فيه منها اوتوماتيك علما انى هشترى العربية ان شاء الله على اول السنة الجديدة ان شاء الله فايه رايكم فيها كعربية لانى مش لاقلها اى مواضيع فى المنتدى ...

[lol1986]

فى اوتاكتيك خليجى ووكيل
الوكيل هيا واحجه ب 110
والخليجى من 120 لحد 142

[amr007]

معلش يا باشا مهمتش ردك ممكن توضحه شوية...

[lol1986]

التوكيل منزل عربيتين واحده مانيوال ب 99
وواحدةاوتوماتيك ب 110

اما الخليجى مش عارف تبدأ من كام بس انا اعرف الهاى لاين اللى بفتحة سقف وفوجات وكل حاجة يعنى ب 142

[Hosam_Optrawy]

الكارينز اوتوماتيك من الوكيل سعرها 110.900

[elmoski]

احسنلك هات السيراتو لانك هتحس بفرق السحب لصالح السيراتو لان الموتور واحد و السيراتو وزنها اخف من الكارينز

[gta10]

يا جماعة انا عايز اشترى الكارينز الخليجى و مش عارف بتتباع فين

[amr007]

شكراااا يا رجالة اوى بس ايه رايكو فى العربية ..كويسة و لا نص كم..؟؟؟

[lol1986]

لو انت بتاع شد وجرى بتاع 180 وغرز وحرق مش هاتنفعك
العربية تقيلة وكبيرة
بس برده سحبتها حلوة وثابتة ومتنفعش تقارن كارينز ب سيراتو
لو كارينز يبقى ادامها الماتريكس
بس الصراحة الكارينز تكسب
ومعلش ادفع وهات الكارينز الهاى لاين خليجى
فتحة سقف - جنط 16 - سينسور بارك - فوجات - نواكل وده اللى انا فاكره بص روح لجابر عبد الشهيد فى خليفة المأمون

[dilmia]

هل صحيح أنوا الكارينز من غير وسادات هوائية؟

إتصلت بكيا وأكدولي الكلام ده!

[lol1986]

دى بتاعت التوكيل فاضية عاملة زى عروسة من غير كوافير ولا حتى زفة
فى الكاملة وفيها كل حاجة عند جابر عبد الشهيد

[amr007]

شكرااااااااااااااااااااااااااا جدااااا يا رجالة ز اتمنى اللى عنده اى معلومة يفيدنى افادكم الله