إستفسار بخصوص دفتر ضمان سيراتو

[amr mokhtar]

السلام عليكم

انا رخصت العربية يوم 30/9 يعنى من أسبوع و سلمت صورة الرخصة فى "الطارق" اللى شارى من العربية
لحد دلوقتى انا مأخدتش دفتر الضمان
و سألت إمبارح الموظفة المسئولة قالتلى ان التأخير مش من عندهم و انهم بيبعتوا صور الرخص و التوكيل هو اللى بيتأخر فى التسليم عقبال ما يختمها
و قالتلى على الأسبوع اللى جاى إن شاء الله يكونوا وصلوا

سألتها عن صيانة الألف و انى قربت منها قلتلى ممكن تروح تعمل الصيانة عادى و هم مش بيحتاجوا الدفتر فى حاجة

السؤال دلوقتى
هل فعلآ التأخير بيكون من التوكيل و إنها حاجة عادية و بلاش أقلق؟
طيب لو إتأخر الدفتر و انا إحتجت أعمل الصيانة أروح عادى وأعمل الصيانة و بعد كده أخليهم يختموا الدفتر لا ييجى؟

شكرآ

[A.Saad]

كلم مدير الضمان فى ابو رواش 35391480 او 82 او 84 او 81
ويا تستعجلوه انهم يودوا الدفتر للطارق
او تستاذن انك تاخد الدفتر منهم على طول وطبعا هتوريه الرخصه فيها الشاسيه

[amr mokhtar]

شكرآ يا أستاذ أحمد
انا هكلمه بكره و هحاول أستعجله يبعت الدفتر للطارق

بس التأخير فى العادى بيكون قد إيه تقريبآ؟

[m_o_sakr]

So please tell us what happen after you call him, we want to know if some one have the same problem, what he do ? and what is the reason of the delay ? thank you

[A.Saad]

شكرآ يا أستاذ أحمد
انا هكلمه بكره و هحاول أستعجله يبعت الدفتر للطارق

بس التأخير فى العادى بيكون قد إيه تقريبآ؟

اسبوع كفاية
هوة الطارق هيعمل ايه فى اسبوع
هيبعت موظف يجيبه
بس

[ethan82]

انا من يوم مااستلمت العربية وانا بروح التوكيل منغير كتاب الضمان الي انا مكسل اروح اجيبه لحد دلوقتي من 2008

[M.ABDEEN]

بص هو الطبيعي ومن كلام التوكيل و الموزعيين انه بياخد اسبوعيين لو عدى اكتر من كده متسكوتش

[amr mokhtar]

معلش على التأخير فى الرد
انا حاولت أكلم فرع أبو رواش
أول مرة موظفة حولتنى و فضلت على Waiting لحد ما زهقت
وحاولت أتصل مرة تانية الرقم ماكنش بيجمع

المهم طلعت على مركز الخدمة اللى فى الصحراوى و سألتهم على الموضوع التأخير قاللى ده عادى و دى إجراءات أحيانآ بتاخد وقت شوية
و بالنسبة للصيانة قاللى مفيش مشكلة و مش مهم دفتر الضمان فى حاجة

و أدينى مستنى المفروض حسب كلام الموظفى اللى الطارق الدفتر ييجى فى خلال الأسبوع اللى جاى

[amr mokhtar]

انا من يوم مااستلمت العربية وانا بروح التوكيل منغير كتاب الضمان الي انا مكسل اروح اجيبه لحد دلوقتي من 2008

بس المفروض ان ده حاجة مهمة لإن لا قدر الله لو فيه اى عيب صناعة فى العربية هتروح التوكيل بإيه؟

الحاجة التانية
انا لو موضوع الضمان ده مش فى دماغى انا كنت جبت واحدة خليجى بنفس سعر العربية اللى معايا و بمواصفات أعلى
بس انا خفت من عدم وجود ضمان على العربية خصوصآ ان شفت قصة مع واحد صاحبى فى عربية تانية"مش كيا" خليتنى أتمسك بالضمان

[ethan82]

بس المفروض ان ده حاجة مهمة لإن لا قدر الله لو فيه اى عيب صناعة فى العربية هتروح التوكيل بإيه؟

الحاجة التانية
انا لو موضوع الضمان ده مش فى دماغى انا كنت جبت واحدة خليجى بنفس سعر العربية اللى معايا و بمواصفات أعلى
بس انا خفت من عدم وجود ضمان على العربية خصوصآ ان شفت قصة مع واحد صاحبى فى عربية تانية"مش كيا" خليتنى أتمسك بالضمان

كلامك مظبوط بس لحد اول 10.000 كيلو وبعد كده الضمان والا ليه لازمة ..

خليجي ارخص ومواصفات اعلي بس هتبقي قلقان في اول كام شهر لحد متطمن..

[amr mokhtar]

انا الحمد لله إستلمت دفتر الضمان النهاردة
بعد إسبوعين من تقديم صورة رخصة العربية