ارجو المساعدة من كل الاخوة السيراتوية

[dodi2]

السلام عليكم :
انا كنت عايزة اخذ رايى الاخوة السيراتوية اللى هنا , و انا عارفة انهم مش متحيزين , انا كنت عايزة اشترى عربية سيراتوsx بس لسه الفلوس مجهزتش يعنى قدامها 5 شهور كده باذن الله , فهل انا احجز فى التوكيل من دلوقتى يعنى على ما ربنا يكرمنى و يجى الدور فى الاستلام تكون الفلوس جهزت و لا استنى لما تكون معايا الفلوس و اشترى على طول , يعنى تكون حاجة جدت , و ايه رايكم و لا مشكلة الاستلام دى حتفضل مستمرة .

و شكرا ليكم مقدما ومستنية المساعدة.

[lol1986]

رأآ استنى محدش يعرف الخير فين وغير كده الخليجى مواصفاته اعلى وممكن كمان 5 شهور يبقى فى تطورات جديدة وكده العربية تنتشر فى السوق اكتر وسعرها ممكن ينزل شوية

[m_o_sakr]

I thin k it is better you stay for one or two monthes then you check the market, and then according to the market condition and car availability you determine!!

[Ghost2]

السلام عليكم ..
انا هقولك لحضرتك حاجه .. انا شايف ان السوق غير مستقر اليومين دول بالنسبة لاكتر من عربية .. زي السيراتو والهوندا سيتي والكارينز واللوجان واللانوس .. انا رأيي تستني شوية لحد ما تعرفي ايه هيحصل .. وفي نفس الوقت اهه انتي هتعرفي اداء العربية مع ملاكها شكله ايه .. يعني لا قدر الله لو ظهر مشاكل اهه يبقى برده عرفتي قبل ما تحجزي او تشتري .. وما شاء الله قسم كيا هنا نشط جدا .. وهتقدري تستفيدي منه كتير .. ونصيحة بلاش تشتري بأوفر برايس .. لان كده احنا اللي بنشجع التجار انهم ينصبو علينا .. واستخيري ربنا وتوكلي على الله

[Hosam_Optrawy]

انا رأيى

لو انتى مستقره خلاص على السيراتو

يبقى تحجزى فى التوكيل من دلوقتى لانك أصلا على ما تستلمى فيها 4 او 5 شهور

ولو فى اى أمور جدت أو غيرتى رايك

مفيش مشكله وروحى اسحبى الفلوس والغى الحجز مش هاتخسرى حاجه

[ldsaklf]

الراجل دا جاب من الاخر

انا رأيى

لو انتى مستقره خلاص على السيراتو

يبقى تحجزى فى التوكيل من دلوقتى لانك أصلا على ما تستلمى فيها 4 او 5 شهور

ولو فى اى أمور جدت أو غيرتى رايك

مفيش مشكله وروحى اسحبى الفلوس والغى الحجز مش هاتخسرى حاجه