كيا سوول

[megaman]

امبارح شفت اول سياره كيا سول لونها نحاسى محدش جاب سيرتها قبل كده شكلها تحفه وغريب هى على ما اظن نفس فئة الدايهاتسو ماتيريا بس على احلى واشيك يا ريت عايزين معلومات عنها وعن اسعارها

[M.Mosaad]

انا شوفت اتنين في مدينه نصر
هي فعلا متاخدة جامد من الماتيرا
بس حته اشيك دي اذواق لان خطوط الماتيرا في رايي فعلا انسيابيه اكتر

[M.Mosaad]

انا شوفت اتنين في مدينه نصر
هي فعلا متاخدة جامد من الماتيرا
بس حته اشيك دي اذواق لان خطوط الماتيرا في رايي فعلا انسيابيه اكتر
واحدة نحاسي و واحدة اخضر زيتي غامق جميله او ياللون دة

[M.ABDEEN]

شكلها جامد وكمان موتور اقوى من الماتيرا

[megaman]

رحت اتفرجت عليها امبارح هى 1600 وكانت اتوماتيك الراجل قالى نفس موتور السيراتو السياره خليجى وجايه من الكويت جنوط سبور 16 فرامل abs التابلوه والابواب نفس خامة السيراتو السياره مرتفعه عن الارض واسعه وقعدتها مريحه الفرش شيك ومكتوب عليه soul بشكل متكرر ومتداخل فى بعض بدرجات الرمادى التكييف ديجيتال الشنطه معقوله شكلها مميز وقوى السياره تباع لدى ناشيونال موتورز فى شارع السد العالى فى الدقى وغير موجوده فى التوكيل

[amr.elsayed]

شوفتها مرتين فى اسكندرية وكل اللى اقدر اقوله ان شكلها تحفة على الطبيعة
غير الصور خالص بالذات اللون الاحمر اللى كان فى معظم الصور ما كنش عاجبنى
لكن لما شوفت اللون النحاسى كانت تحفة بجد وشيك جدا
واول ما شوفتها افتكرت على طول شكل الماتريا بس هى شكلا
افضل من الماتريا لكن كجودة واعتمادية الله اعلم