فضيحة توكيل كيا فى مصر

[alaalord]

صدق او لا تصدق
النهاردة الجمعة الموافق9-10-09 فى ملحق الاهرام للسيارات اعلان كبير جدا عن تحالف شركة EIT مع شركة القصراوى للسيارات لعرض و توزيع السيارة كيا و صورة كبيرة لقيادات الشركتين فى صدر الصفحة .
المهم قلت كدة خير اكلم القصراوى و اسئلهم عن النيوسيراتو sx اللى ب 116000 فى التوكيل
كلمت فرع المعادى و هالنى ما سمعت .
بيبيعوا العربية 121000 جنية توكيل علشان تسليم فورى يعنى فية 5 الاف جنية فرق و الهاى لاين 131000 جنية , تصدقوا
يعنى التوكيل يسلم السيارات لموزع يبيعها اغلى خمسة الاف جنية و يسيب الناس اللى حاجزة من اشهر تخبط دماغها فى الحيط
اللى مش مصدق يكلم القصراوى للسيارات ويسئل عن النيو سيراتو و يسترى اهرام الجمعة
بالمناسبة هو فية عندنا فى مصر جهاز لمراقبة السوق ولا عندنا جهاز حماية رجال الاعمال.
على السادة حاجزى السيارة عدم السكوت لان الساكت عن الحق شيطان اخرس
حسبنا اللة ونعم الوكيل

[AHMED REFAT]

ومازلت المسرحية الهزلية للاوفر برايس مستمرة والاكيد ان من يساعد الطاغية على ظلمه يزيده ظلما فلو ان المستهلكين اضربوا عن دفع الاوفر برايس سوف يبيعوا بالسعر الرسمى المعلن رغما عن انفهم ... ولكن لشدة شهوة الامتلاك يسيل لعاب المستهلك ومستعد كمان يدفع اكثر من هذا ليركب ويمتلك السيارة فى اقصر وقت ... الحل فينا مش فى اى حد تانى والله ... واخيرا حسبنا الله ونعم الوكيل

[M.Mosaad]

ياجماعه و الله لازم يبقي في حمله مقاطعه زي الامريكان كدة لان التوكيل دة فاتح بفلوسنا زي اي توكيل في مصر و بيكسب كويس جداااااااا او علي الاقل شكوي في حمايه النستهلك

[alaalord]

نفسى بجد نعمل حاجة تعلم الناس دول اننا مش بهائم يوجهونهم مكان ما يريدو
ممكن كل واحد يقدم اقتراح بس ياريت فى الاخر نتفق على اى اقتراح
ياريت نتفق

[ashouhdy]

انا مش فاهم انتو ساكتيين لية
لو جمعنا 100 بس من اعضاء نيل موتورز و راحو مع بعض يسحبوا فلوس الحجز
الدنيا حتتقلب و اكاد اقسم بالله ان ال 100 حيستلموا تانى يوم الصبح

[emadhamdy]

بجد اللي بيحصل ده مهزله بكل المقاييس
توكيلات عايزه الحرق
استغلال ما بعده استغلال
حسبنا الله ونعم الوكيل
كده خلوا الواحد يكره الكيا نهائي

[mesho_elhabeb]

يا جماعة نشترى بعد كدة اللى يشترى من الناس الجديدة يشترى خليجى

[Abo.Mayyam]

لازم نقاطع كيا عشان الوكيل يتلم !!

لأن طول مالناس مش فارقة معاها موضوع الأوفر برايس ده, يبقى كل التوكيلات هتستهبل!!!

بجد لازم كل الحاجزين يسحبوا حجزهم!

ولاحول ولا قوة إلا بالله

[Haitham10]

التوكيل دة في طريقه لغبور ومنصور ......

[m_o_sakr]

dear all, as i know that they will keep doing this to us as long as we keep silent

[Amr A.salam]

فعلاً أنا لسة مكلم القصراوي

عندهم فئة ال sx sr اللي بفتحة سقف ب 125 واللون اللي موجود البرونز ميتال فقط والتسليم فوري ...(سعر الوكيل 120)

وعندهم ال sx اللي من غير فتحة سقف ألوان فضي ونبيتي وأسود
ب121 وبرضه التسليم فوري (سعر الوكيل 116)

انما مش عندهم هاي لاين (فرش جلد وسمارت كي) حالياً
بس فعلاً بيبيعوها ب 130 (سعر الوكيل 126)

بصراحة ...أنا مع رأي تجميع ال100 واحد اللي يلغو حجزهم ......أكيد هتجيب نتيجة ساحقة

[alaalord]

يلا يا جماعة عايزين اكتر من اقتراح
عايزين نتحرك بجد

[XXXMEMOXXX]

انا مش فاهم انتو ساكتيين لية
لو جمعنا 100 بس من اعضاء نيل موتورز و راحو مع بعض يسحبوا فلوس الحجز
الدنيا حتتقلب و اكاد اقسم بالله ان ال 100 حيستلموا تانى يوم الصبح

دا كلام الرجاله المظبوط ,,ياريت فعلا تخدوا بالاقتراح ده

[slimbig]

ومازلت المسرحية الهزلية للاوفر برايس مستمرة والاكيد ان من يساعد الطاغية على ظلمه يزيده ظلما فلو ان المستهلكين اضربوا عن دفع الاوفر برايس سوف يبيعوا بالسعر الرسمى المعلن رغما عن انفهم ... ولكن لشدة شهوة الامتلاك يسيل لعاب المستهلك ومستعد كمان يدفع اكثر من هذا ليركب ويمتلك السيارة فى اقصر وقت ... الحل فينا مش فى اى حد تانى والله ... واخيرا حسبنا الله ونعم الوكيل

+1

[د.محمود صلاح]

الكلام ده مابيحصلش فى الخليج أبدا !! ليه فى مصر كل شئ مباح ؟