النيوسيراتو وبنك ناصر الاجتماعى

[AHMED12345678]

فى حد اشترى النيو سيراتو تقسيط من بنك ناصر علشان انا بفكر اجيبها تقسيط مع البنك من معرض عربيات الى فى المهندسين
ويا ريت لو حد لية تجربة يفيدنا
او يقولنا اى حاجة عن معرض عربيات اذا كان اتعامل معاة

[A.Saad]

انا اعرف بس من غير تجارب
ان فائدته 6% واحيانا يطلب ضامن

[sherif2net]

بنك ناصر لازم ضامنين... وتكون محول المرتب على البنك.
بالنسبة للضامنين مش شرط يكونوا 2 ...ممكن اكتر بس المهم الضامنين مجتمعين مرتبهم لازم يغطى القسط مرتين.

[m_o_sakr]

السلام عليكم ورحمة الله وبركاته

بنك ناصر فائده تبداء من 6% و حتى 8% على حسب السياره (اوروبى, كورى,يابانى ....إلخ) و نوع الوظيفه (عام, خاص, مشترك, قابضه, اعمال, تجارى ....إلخ) وفى بعض الحالات يشترط تحويل المرتب و يشترط ان يغطى مرتبك (القسط او ضعفه) و مرتب الضامن/الضامنين كذلك, و هو بنك حكومى معاملته سيئه للغايه

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[Mshawky]

السلام عليكم ورحمة الله وبركاته

بنك ناصر فائده تبداء من 6% و حتى 8% على حسب السياره (اوروبى, كورى,يابانى ....إلخ) و نوع الوظيفه (عام, خاص, مشترك, قابضه, اعمال, تجارى ....إلخ) وفى بعض الحالات يشترط تحويل المرتب و يشترط ان يغطى مرتبك (القسط او ضعفه) و مرتب الضامن/الضامنين كذلك, و هو بنك حكومى معاملته سيئه للغايه

سبحانك اللهم وبحمدك ، أشهد أن لا إله إلا أنت أستغفرك وأتوب إليك

انا اول مره اسمع ا معاملته سيئه

انا اعرف واحده مشتريه منه وبتشكر فى معاملتهم جدا ومعاملتهم شرعيه كمان وكل الناس بتشكر فيهم لكن المشكله كلها موضوع الضامنين فعلا لازم يكونو حكومه او قطاع خاص وتكون بقالك 5 سنين

[Mshawky]

المستندات المطلوبة:-

• صورة بطاقة الرقم القومي للمالك والضامن.
• إيصال كهرباء أو غاز أو تليفون حديث باسم العميل والضامن.
• بيان الرقم التأميني للعميل والضامن.
• مفردات مرتب العميل والضامن إذا كان العميل موظفاً.
• تعهدات جهات العمل بتحويل المرتبات أو المعاشات للفرع في حالة كفاية مرتب أو معاش العميل للقسط، وتعهد بتحويل مرتب الضامن عند الطلب (غذغ كان العميل موظفا).
• في حالة الضمان بوديعة يتم التحفظ عليها لصالح البنك، وعلى ألا تقل عن 50% من قيمة المديونية.

إجراءات الحصول على الخدمة:

بعد استكمال الملف بالمستندات المطلوبة ومراجعته بمعرفة القسم المختص يتم الآتي:-

• يتم تسعير السيارة بما فيها تأمين الحياة على ضوء المقدم الذي يسدده العميل وبما لا يقل عن القيمة المحددة بمعرفة الفرع.
• فتح حساب جاري باسم العميل يسدد به قيمة مقدم السيارة.
• الاستعلام عن العميل بمعرفة إدارة الاستعلام ومراكز العملاء بالبنك.
• استيفاء التوقيع على عقد التمليك من العميل والضامن.
• التوقيع على السندات أو الشيكات الضمانية من العميل والضامن بقيمة المديونية.
• الحصول على رقمي الشاسيه والموتور من المورد لاتخاذ إجراءات التأمين وإدراجهما بالعقد (مراجعة الصياغة).
• يسلم للعميل خطاب للمورد لاستلام السيارة وخطاب للمرور المختص للترخيص ونسخة من العقد.
• يحرر شيك للمورد بقيمة 80% من قيمة السيارة لحين تقديم صورة الترخيص والحصول على 20% المستحقة له.

[Ahmed.TV]

بنك ناصر بنك محترم وفايدته حوالى 6% وانا جايب عربيتى منه بولو 99

[Ahmed.TV]

بنك ناصر بنك محترم وفايدته حوالى 6% وانا جايب عربيتى منه بولو 99

[Hassan Khalil]

كلام الاخوة كله مظبوط .. و مفيش حاجة زيادة تتقال عليه
احب بس اضيف ان معرض عربيات ليهم مندوب في بنك ناصر .. ( موظف عندهم هو بيتابع الورق بتاعك بالكامل في فرع البنك اللي بتتعامل معاه ) و بكده بيشيل عنك هم المرواح و المجي كل شوية
---------
و بالتوفيق

[A.Saad]

الللى سمعته
ان لازم المرتب كله يتحول عليهم وتقبض الباقى من الفرع
ولا ممكن يتحول القسط بس

[sherif2net]

الللى سمعته
ان لازم المرتب كله يتحول عليهم وتقبض الباقى من الفرع
ولا ممكن يتحول القسط بس

_______________

مش لازم تحول المرتب كله ... ممكن تحول قيمة القسط فقط.

[Mshawky]

انا سالت واحد لسه سال النهارده وسمعت كلام غريب جدا

ان بنك ناصر بيطلب منك كموظف قطاع خاص انك تحط وديعه بنص تمن العربيه كلها فى البنك فطبعا ده كلام اهبل خالص ازاى احط نص حق العربيه فياريت حد يتاكدلنا من المعلومه ديه لانى اتفاجت

[elsetat]

أقذر معاملة على الاطلاق تلقها فى بنك ناصر بس مش عشان هو بنك حكومي لاء العفو...لكن لانه قائم أساساً على القروض ومش أي قروض دى قروض الموظفين الغلابه اللى طالع ..... المهم الاخ اللى بيقول انه بنك قروضه حلال محصلش ده ابو الربا واحسب الفايده المركبه وانت تتاكد.... تحياتي