ليه الناس بتبيع النيو Cerato كتير كدة

[Beeso]

أسلم عليكم
أنا كنت بفكر أجيب عربية Cerato اجديدة بس محتار جداً فالقرار دة عشان حاجات كتير أولاً سعرها مغري جداً بنسبة لأي عربية فالفئة بتاعتها. المهم أنا اعادت أدوار على النت على car reviews على العربية وكلهم كانو كويسين وكمان لقيت كذا post على nile motors على المقارنة بن ال-Elantra وال-cerato وكل دة كان في صالح الكيا.
المهم بعد كدة ألت كدة في بالي أدوار هل الناس فعلاً عجباهة العربية ده فألت أدخل على contact cars ولايت أكتر من ٢٠ نيو cerato للبيع وكلهم مكملش ٧٠٠٠ كم ومحدش بيال السبب فالبيع
السؤال هو هل فعلاً في مشكلة فال-Cerato سواء كان stability أو موتور أو فتيس أو أي حاجة تخلي كل الناس ده تبعها بسرعة كدة
ياريت حد يرد على سؤالي عشان أنا محتار فالقرار
شكراً

[bemocarlo]

معقوله؟هي الناس استلمت عشن تبيع؟غريبه دي اول مره اسمع الكلام ده.
bemo,ire

[blue_1177]

هات فيات لينيا الجديده

[amrbakly]

و الله زي ما توقعت، العربية زبالة يا جدعان و الله، شوفوا التقفيل بتاع الصالون و الماتور من جوة و أنتوا تعرفوا انها شكل علي الفاضي

[mr_sameh]

هتاخد ليها هوجة شوية وهتروح لحالها هيا واللوجان

[ahmedfd]

و ليه مش حاطط إحتمال إن العربية ممتازة و بالتالي عليه طلب كبير و بالتالي بتتباع بسعر أعلى من ثمن التوكيل بالحجز و بالتالي الناس بتجيبها تجارة و تبيعها كسر زيرو بسعر أعلى ما جابتها؟

بالنسبة للسيراتو ممكن نبص على الموقع ده:
USA News and World Report
و ياريت نركز في الجملة الجاية دي اللي بتوضح أسس التقييم:
Rankings based on an in-depth analysis by U.S. News editors of all published auto ratings, reviews and test drives.

ده لينك تقييم السيارات في فئة الـ Affordable Cars

Best Affordable Small Cars - Best Cars & Trucks - U.S. News Rankings and Reviews

[jojooo]

اعرف واحد جبها واشتكى فى السبات وهو مسافر؟؟؟؟؟؟؟؟

[KSA2011]

موضوع البيع ده زى ما احد الاخوه قال مساله تجاريه بحته
لانه العربيه مش موجوده
وبالعكس لما تلاقى العربيه ناس كتير بتبيع معناها انه فيه اقبال على العربيه وناس كتير جداا بتشتريها
انا بقيت بشوفها كتير اوى
وانا رايى انه انت تنزل تشوف العربيه وتسوقها واذا عجبتك توكل على الله وهاتها
لازم يبقى فيه اختلاف فى الاذواق برضه فيه ناس بتعجبهم حاجات وناس بتعجبهم حاجات تانيه

[discman]

العربية دى فىها عيب انها فى الاتوماتك 4نقلاات بس مما يزيد استهلاك البنزين و التحميل على الموتور وطبعا السرعة بتبقى ابطاء من الخمس نقلاات كانت محتاجة نقلة خامسة
بس ممنساش انها برضو فى النهاية عربية كورى

[medo_2060]

عادى دى بتحصل فى كل الماركات وغالبا هدف الحركه دى التجاره بس الناس للاسف بتستغل الموضوع دا عشان تهاجم العربيات

[kareemhisham]

دلوقتى بقا فى مشكلة فى التسليم من الوكيل .. بقا الواحد يحجز و يستلم بعد 4 او 5 شهور دة لو مكنش اكتر ..

فكل البيستلم بيبعها بمكسب ..

زاى مثلا لما تستلم دلوقتى واحدة ب96 .. تروح بايعها على طول ب100 او 103 و الناس هتشترى عشان تسليم فورى .. و دى نفس فكرة الاوفر برايس

[SENNI55]

لا. انا كان معايا الهاى لاين و بعتها عاملة 3000 كيلو . العربية ............*و كلها اصوات

[Ahmed Samy]

المبيعات الكبيرة طبيعي يصاحبها اعادة بيع كبيرة

المهم سعر اعادة البيع

لو العربية في منها خوف أو مشاكل مش هاتلاقيها بتبيع كتير اساسا

فبالتالي مش هاتبيع مستعمل كتير

ولو لاقيت مستعمل تلاقيه واقع تمنه النص

انما اللي بيحصل دلوقتي طبيعي

أما سؤالك عن العيوب

فأنا عندي هاي لاين خليجي ...زي الفل ولا الهوا

و زيي كتييييييييييييييييييييييييير

أنا عارف ان الموضوع قديم بس رديت علشان يبقى في رأي ..أمام الرأي الأخر

[mohamed777]

مهما كانت العربية حققت نجاح فى اوروبا وامريكا ونيجى نشتكى منها فى مصر ده لان اللي المصنع لمصر والمواصفات المصرية غير المواصفات الاوروبية والامريكية وماتنسوش انها كورى كمان

[salahlanser]

العربيه دى بتقلب عند سرعه100 وفى اتنين العربيه قلبت بيهم وهما نت المنتدى بردة