عفشه النيو سيراتو!!!

[NoRmAl]

السلام عليكم
يا جماعه ارجوكم انا دلوقتى خلااااااص على وشك شراء العربيه
بس فى واحد فى معرض ما قالى ان عفشه السيراتو وحشه جدا جدا وان الالنترا احسن منها بكتير
وقالى انه ساقها على كوبر اكتوبر وكانوا فيها خمسه وكانت بتتنطط على الفولصل و مش سابته خااااالص.
فأنا فى حيره كبيره اوى دلوقتى خصوصا ان الراجل مش حيخسر حاجه علشان يقلى كده لان مكسبه فى السيراتو اعلى من الالنترا.
ياريت لو حد عانده العربيه يفدنى بجد
شكرا

[ahmedhee]

بالنسبه لموضوع المكسب دا انت ما تعرفش هوا كسبان ادا ايه. لان مش معني ان الالنترا ارخص سنه ان مكسبها اقل. كمان ممكن لا يكون عنده بضاعة حاضرة من نوع معين فيقولك عليه كل العيوب.
معظم تعليقات الاعضاء هنا عن السيراتوا ذات جنط 17 لان دا بيحسسك ان العفشة ناشفة شوية. و ياريت اللي جرب الاثنين يقول رايه.

[m_ezz_elarab]

الحقيقة أنات عندة سيراتو اللى جنوطها 17 و مشكلتى الوحيدة معاها هى الإحساس الشديد بالحفر و المطبات
بيقلولى علشان الجنوط ال 17
و طبعا أنا بقارنها بالنيسان صنى 2007 و بحس إن النيسان أحسن

[egynoor]

الخقيقة أن الجنط ال17 مخلي العربية خشنة الي حداً ماو العربية عامة عفشتها رياضية و هذا يجعل ثيات السيارة أكثر من ممتاز. عامة احساسك بسرعة السيارة أقل بكثير من الحقيقي و قيادتها ممتعة و علي ما أعتقد أن عفشتها متينة ( أخذت بها مطبين قاسيين علي سرعة عالية و لم يحدث شىء الحمد لله), السيارة عندي عاملة حوالي 7000 كم و السيارة نعومتها تحسنت كثيرا بعد أول 1000كم و عند 3000كم أصبحت جيده جداً. تأني جيداُ في الأختيار و حاول تقود السيارة لو أحد من معارفك يمتلكها و استخير و توكل علي الله و لا أعتقد أنك ستندم علي شراء النيوسيراتو السيارة أكثر من ممتازة.

[emadhamdy]

السلام عليكم
يا جماعه ارجوكم انا دلوقتى خلااااااص على وشك شراء العربيه
بس فى واحد فى معرض ما قالى ان عفشه السيراتو وحشه جدا جدا وان الالنترا احسن منها بكتير
وقالى انه ساقها على كوبر اكتوبر وكانوا فيها خمسه وكانت بتتنطط على الفولصل و مش سابته خااااالص.
فأنا فى حيره كبيره اوى دلوقتى خصوصا ان الراجل مش حيخسر حاجه علشان يقلى كده لان مكسبه فى السيراتو اعلى من الالنترا.
ياريت لو حد عانده العربيه يفدنى بجد
شكرا

الكلام اللي قالهولك صحيح
بس العربيه بردوا فيها ميزات كتير
يمكن موضوع العفشه فعلا عمل تراجع كبير للناس اللي بتسال قبل شرائها

[sherif2net]

انا مش هاقولك ان العربية ثابتة و انها اثبت من الالنترا و انها مش ناشفة قوى كدا...(انا سوقت الصنى و الالنتر)
انا هقولك ان عربيتى تحت امرك تعالى و جرب و احكم عليها بنفسك...
على فكرة اغلب المعارض عندها مخزون من الالنترا عاوزين يخلصوا منه قبل نهاية السنة دى قبل ما الشكل الجديد ينزل...مش عارف قاقولك قد اية البياع فى المصرية كان بيقنعنى بالالنترا...

[NoRmAl]

انا مش هاقولك ان العربية ثابتة و انها اثبت من الالنترا و انها مش ناشفة قوى كدا...(انا سوقت الصنى و الالنتر)
انا هقولك ان عربيتى تحت امرك تعالى و جرب و احكم عليها بنفسك...
على فكرة اغلب المعارض عندها مخزون من الالنترا عاوزين يخلصوا منه قبل نهاية السنة دى قبل ما الشكل الجديد ينزل...مش عارف قاقولك قد اية البياع فى المصرية كان بيقنعنى بالالنترا...

الله يخليك حضرتك ذوق جدا
هى بس المشكله انى بصراحه مش لاقى حد هنا فى المنتدى قال ان العربيه وحشه او ان فيها مشكله
و على الجانب الاخر البياع هو الى عملى قلق

[egypyian_justice_man]

العفشة ممتازة و لو تحب تجرب عربيتي تشرفني

حبيبي اولا لا تثق في بياع, لانه من الأخر انت ملكش قيمة عنده, لو العربية حتى طلعت بايزة و لا تقدر تعمله حاجة لان العلاقة حتبقى بينك و بين الوكيل.
انا معايا الجنط ال16 و شايف عفشتها اكثر من رائعة و سيارة ناعمة جدا و النظام الصوتي فيها رائع, انا معايا فلاشة 16 جيجا و كأنك معاك الكمبيوتر معاك تحت. انا بالنسبالي قلقت من الجنط ال17 ففضلت ال16 خليجي.
وي في النهاية لو تحب تشرفني تيجي يا باشا تجرب عربيتي معنديش اي مانع

[NoRmAl]

حبيبي اولا لا تثق في بياع, لانه من الأخر انت ملكش قيمة عنده, لو العربية حتى طلعت بايزة و لا تقدر تعمله حاجة لان العلاقة حتبقى بينك و بين الوكيل.
انا معايا الجنط ال16 و شايف عفشتها اكثر من رائعة و سيارة ناعمة جدا و النظام الصوتي فيها رائع, انا معايا فلاشة 16 جيجا و كأنك معاك الكمبيوتر معاك تحت. انا بالنسبالي قلقت من الجنط ال17 ففضلت ال16 خليجي.
وي في النهاية لو تحب تشرفني تيجي يا باشا تجرب عربيتي معنديش اي مانع

ربنا يخليك يا باشا واظن ان كده الحمد لله انا اقتنعت وان شاء الله ابلغكم لما اشتريها
شكرا جدا جدا