If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
الله يبارك فيكم يا جماعة
جبتها منين ؟ من اوتو سمير الريان بس استنيت شوية لان المواصفة نادرة شوية بس لو اصريت هتيجيلك
بكام كانت ب 123.5 بس علشان دى 2013 غليت شوية ل 128 الف
استهلاك البنزين اول ما اشتريتها كان الاستهلاك حوالى 7.2 لتر لكل 100 كم وبعدين زاد شوية ل 9.8 لتر لكل 100 كم وكنت مضايق جدا وكلمت الضمان وعملت مشكلة وبعدين سبت التنك لما فضى خالص ومونت تانى من بنزينة نظيفة لانى كنت شاكك فى البنزين نفسة فعلا طلع شكى فى محلة ومن ساعتها الاستهلاك حوال 7.0 لتر لكل 100 كم وده طبعا معقول جدا بيزيد شوية فى الزحمة وبيقل لحد 6.4 لتر فى الطرق المفتوحة
بالنسبة للسحب ؟
انا كان معايا نيسان صنى مانيوال 1600 قبل العربية دى فى الحقيقة انا مش حاسس خالص انى راكب 1400 سى سى السحب كويس جدا ولما بعمل كيك دون فعلا بلاقى استجابة هايلة
ومن فترة شديد مع لانسر وبهدلتها مع انى مش بحب قصة الشد دى بس هو استفزنى
العيوب من وجهة نظرى .
1/ يمكن انا علشان ركبت عربيات كتيرة كورولا وصنى ولانسر بومة وشارك حاسس شوية انها عربية فرافيرى كدة
يعنى البيبان خفيفة حجات كدة مش متعود عليها
2/العفشة ناشفة حبة بس ده طبعا علشان الجنط 17 وعلى فكرة كانت ناشفة اوى اول ما جبتها وانا بعمل صيانة الالف فى التوكيل لاقيتهم لوحدهم بيفضو العجل فسالت ليه كدة قالولى لان العجل بيبقى زيادة جدا والعربية جديدة علشان ظروف الجو والنقل وكدة فبنظبطة بقى دلوقتى وفعلا بعدها اتحسنت كتير
المميزات /
1/ ارتفاع العربية هايل عن الارض مع عرض الكاوتش 205 مديلك ثبات محترم الى جانب انها مش بتحك فى المطبات العظيمة بتاعنا
2/ الكماليات دى كلها فى السعر ده شئ هايل بردة
3/ ال abs , epd ,esp فعلا عاملين اتزان جميل للعربية والفرامل كويسة اوى
4/ الباور وانت بتركن ميه معاك وانت بمجرد ما تتحرك بتلاقية تقل جدا نسبة وتناسب مع السرعة بس حاجة محترمة جدا
اى استفسار يا جماعة انا تحت امركم
تصدق انا كنت مستغرب موضوع التنك اللي انت بتقوله وتفضيته للاخر , لكن تصدق ان جربته امبارح وطلع صح ( حاجة غريبة) انا العربية كانت امبارح على الشرطة القبل الاخير فدخلت مونت بنزين قولت افول على الاخر , لقيت فعلا ان متوسط استهلاك العربية نزل بقى 8 على عداد الكمبيوتر بتاع العربية بعد ما كان 10.6 , بس علةى فكرة كدة كدة الاستهلاك حيقل بعد ال 5000 كم الاولانية بس فعلا كانت حاجة غريبة انا شاكك ان العربية بتعمل حاجة جو الكنترول يونيت بتاعها اسمها calibration لمتوسط الاستهلاك وهو حيقل اتوماتيك مع المشي ... وشكر على لفت الانتباه للموضوع ده :)
بالنسبة لموضوع الثبات ؟
الحقيقة هو كويس جدا فى الاول كنت خايف من العربية لان الباور ميه وانت واقف بس لما بتمشى حتى على 10 بيتقل شوية ويفضل يتقل واحدة واحدة كل ما تمشى اسرع بس بمجرد ما اتعودت على الباور فعلا الثبات جيد جدا
العزل اكثر من ممتاز صوت الموتور مش بسمعة الا اذا عملت كيك داون واعتقد ان ده شئ مقصود لاضافة شئ من الرياضية على العربية
موضوع ال 1400 سى سى هو فعلا العربية بتخدل شوية لما بشغل التكييف بس مش فرق فظيع يعنى شوية كدة بس انا كنت مشغل ال eco فيمكن ده السبب لسة هجرب من غيرة واقولكم
بالنسبة لموضوع البنزين اى خدمة يا باشا وكمان ممكن تعمل ريست للكمبيوتر هلتاقى نتيجة افضل
تفتكر بالنسبه لموضوع خليجي و وكيل . فيه فرق كبير؟؟ وهل فيه فرق بين خليجي اردني وخليجي سعودي . لاني كلمت معرض سمير ريان من 5 ايام قالي فيه خليجي سعودي هاي لاين بس ب 131 الف و الهاي لاين في الضمان ب 122 الف .
لو فيه فرق قولنا عليه يا ريت لان فرق 9 الاف كتير بين الضمان و السعودي . و لو فيه فرق بين السعودي والاردني قولنا؟؟
طبعا يا باشا فى فرق شاسع بين الوكيل والخليجى بشكل عام الخليجى طبعا افضل فى كل شئ
وفى فرق بين الخليجى السعودى والاردنى
الاردنى اعلى فى الكماليات مثل التكييف التاتش فرش جلد ومثبت السرعة التكاية الى بتسند عليها فى النص
Comment