ممكن استفسار حول هيونداى اكسنت 2010

[arsanmbc]

سلام عليكم املك هوندي 2010
ماهي العيوب السيارة وبماذاتنصحونني لتفاديها
وهل يوجد كتلوك وكتب مساعدة حول السيارة
والمحرك 1.6
ونقل السرعة اوتماتيك

[mak134]

للمتابعة لان انا عايز اشترى نفس العربية و اوتوماتيك بردة

[Beam28]

العيوب في السيارة على حسب ماورد في المشاركات في هذا المنتدى:
- ضيق نسبي للصالون وخاصة في الجزء الخلفي
- عفشة ناشفة (نسبيا) ولكن مصممة للخدمة الشاقة.
- نقص بعض الكماليات مثل المرايات الكهرباء وعوامل الامان (ايرباجز، اي بي اس).
- الانذار والسنترلوك يتم تركيبهم في مصر وليس في المصنع.
- توكيل غبور ليس من افضل التوكيلات.

[Beam28]

ولكن ايضا احقاقا للحق سيارات هيونداي من اعلى السيارات في الاعتمادية والقدرة على التحمل وذلك عن تجربة والفتيس الاوتوماتيك في الهيونداي لم يعد شيئا مقلقا.

[mak134]

طب يا جماعة انا دلوقتى معايا 45000 و حاقسط الباقى و القسط حيكون فى حدود 1300 1400 يعنى من الاخر عربية فى حجود 85000 فى حاجة احسن ممكن اجيبها بالسعر دة انا كنت بافكر فى النيو اكنت و الكيا ريو

[arsanmbc]

شكراا لكم جميعا وبارك الله فيكم

[BassamHafez]

طب يا جماعة انا دلوقتى معايا 45000 و حاقسط الباقى و القسط حيكون فى حدود 1300 1400 يعنى من الاخر عربية فى حجود 85000 فى حاجة احسن ممكن اجيبها بالسعر دة انا كنت بافكر فى النيو اكنت و الكيا ريو

ممكن الجين 2 او البيرسونا

[mak134]

يعنى حضرتك معاك النيو اكسنت وبتقولو افكر فى البرسونا افهم من كدة ان النيو اكسنت مش كويسة و مش مريحاك انا بصراحة من محبى الجين تو بس مشاكل تقفيلها و سعر اعادة البيع و قطع الغيار مقلقنى منها جدا انا مش متخيل نفسى جايب عربية زيرو و بعد شوية ماكينة الزاز تبوز او السنتر يعلق او عامة اى حاجة تبوز فى العربية

[karamella13]

عن تجربه بجد ....النيواكسنت افضل سيارة فى هذه الفئه و السعر معقول بالنسبة للامكانيات و مقارنه بالاسعار فى مصر و الدليل ان غبور لم يعمل لها اى تخفيضات او عروض..و بالنسيه للماتور اكثر من رائع

[meezus]

والعفشه على كدة تنطيط و حاجات من ده ولا قصدكو حاجة خفيفة؟؟

[sss2000]

العفشة مش وحشة زي ماانتا متخييل ولكن ناشفة في المطبات شوية نظرا لانها رياضية والمساعدين غاز

[BassamHafez]

يعنى حضرتك معاك النيو اكسنت وبتقولو افكر فى البرسونا افهم من كدة ان النيو اكسنت مش كويسة و مش مريحاك انا بصراحة من محبى الجين تو بس مشاكل تقفيلها و سعر اعادة البيع و قطع الغيار مقلقنى منها جدا انا مش متخيل نفسى جايب عربية زيرو و بعد شوية ماكينة الزاز تبوز او السنتر يعلق او عامة اى حاجة تبوز فى العربية

لا طبعا العربية مش وحشة خالص بس الكلام اللي بيتقال عنها مديها اكبر من حجمها

وبالنسبة لموضوع الجين 2 او البيرسونا انا مسوقتش ولا وحده منهم بس قعدت في الجين 2 في معرض

انا كنت برشحهم على اساس انهم في نفس السعر تقريبا وكمان عشان تتفرج عليهم ويبقى قدامك مجال للمقارنة

[mak134]

لا طبعا العربية مش وحشة خالص بس الكلام اللي بيتقال عنها مديها اكبر من حجمها

وبالنسبة لموضوع الجين 2 او البيرسونا انا مسوقتش ولا وحده منهم بس قعدت في الجين 2 في معرض

انا كنت برشحهم على اساس انهم في نفس السعر تقريبا وكمان عشان تتفرج عليهم ويبقى قدامك مجال للمقارنة

شكرا يا باشا للرد بس هى النيو اكسنت ب 83 الجين تو ب90 انا راى اللى هيوصلنى لرنج ال 90 اجيب الصنى احسن تقفيل مصرى بس على الاقل يابانى و ب92

[meezus]

العفشة مش وحشة زي ماانتا متخييل ولكن ناشفة في المطبات شوية نظرا لانها رياضية والمساعدين غاز

شكرا لحضرتك معلش يعني مثلا انا عندي لانسر 2009 زيها كدة ولا مثلا زي الفيليشيا ؟؟
معلش بس انا خلاص عايز احجز ال auto منها و قلقان من العفشة

و سؤال كمان لاستاذ باسم انا متابع ردود حضرتك في المنتدى و شايف العربية مش عاجباك او مش مقتنع بيها اوى ممكن اعرف السبب و شكرا

[BassamHafez]

شكرا لحضرتك معلش يعني مثلا انا عندي لانسر 2009 زيها كدة ولا مثلا زي الفيليشيا ؟؟
معلش بس انا خلاص عايز احجز ال auto منها و قلقان من العفشة

و سؤال كمان لاستاذ باسم انا متابع ردود حضرتك في المنتدى و شايف العربية مش عاجباك او مش مقتنع بيها اوى ممكن اعرف السبب و شكرا

بص هو ممكن يكون عندي في حاجة في العربية بس مش لاقي منها الاداء الوهمي اللي الناس بتتكلم عليه مش اكتر

يعني انا ساعات مبعرفش احصل فيرنا او افيو بالرغم من ان الناس بتقول ان الافيو دي مش بتسحب اصلا لكن انا كنت ماشي على الدائري وكان فيه جنبي افيو وسحبنا جنب بعض الخامس لحد 150 او 160 وهو جنبي وبعد كده هدينا عشان الطريق

ممكن يكون عيب سواق (ده اللي هو انا :)))))))))) )