بفكر اشترى فيرنا وخايف - طمنونى

[esam_comm]

ياجماعه بلاش كل اللي عنده عربيه يرشحها للراجل علشان هو راكبها ازاااي اللوجان اللي هي ارخص سيدان في العالم احسن من اللانوس والفيرنا انا هاتجنن طب ازااااي ياريت تشوفو امكانيه كل عربيه لوحدها

[gebreel]

ياجماعه بلاش كل اللي عنده عربيه يرشحها للراجل علشان هو راكبها ازاااي اللوجان اللي هي ارخص سيدان في العالم احسن من اللانوس والفيرنا انا هاتجنن طب ازااااي ياريت تشوفو امكانيه كل عربيه لوحدها

ماشي يا فندم شوف امكانيات كل عربية و شوف جودة كل عربية و شوف تقفيل كل عربية و شوف وكيل كل عربية و شوف ثبات كل عربية الخ....
احنا هنا يا جماعة مش علشان نتحيز كل واحد فينا لعربيتو بالعكس احنا هنا علشان اللي ساق او امتلك عربية معينة يرشحهالو و هو يشوف اللي هيستريحلو و يتوكل على الله و الدليل على عدم التحيز اننا قلنا مع اللوجان اللانوس و النيو اكسنت و الالنترا

[gebreel]

مين قال لانوس افضل طب ازاي عربيه متغيرش شكلها من قديم الازل ولا كمان الموتور ده قديم وتكنولوجيا قديمه فحت 8 صبابات وكمان 85 حصان مابالك بقي بالفرنا شكل جديد وموتور وهمي وعفي جدا طبعا كل حاجه ليها مزايا وعيوب وعلي فكره انا ماعنديش اي حاجه في الاتنين بس سوقتهم اكتر من مره بس الفرنا بامانه احسن بكتييير ومحدش بعد اذنكم يقولي دي اذواق انا بتكلم بالارقام:pointi~2[2]:

بس حضرتك الفرنا موتور عفي جدا على بودي خفيف بالنسبة للموتور و بالتالي ثبات مش قد كدة + غبور
معاك ان موتور اللانوس بردو و شكلها قديم و تكنولوجيا قديمة لكن هو مش داخل سباق و بعدين هو قدامه اكثر من اختيار و ربنا يوفقوا
و متنساش قبل اي حاجة حتى قبل البوجاتي فيرون ان شاء الله تستخير و ربنا يهديك للخير ان شاء الله

[khaledmontero]

لانوس أفضل بكتير من الفيرنا . ربنا يوفقك للي فيه الخير

[shouk_1987]

انتوا فين يا فيرناوية AHMEDCAR و ashoudy و blackverna و غيرهم طبعا,
أقولك حاجة أنا كنت محتار زيك كده بالضبط و بعدين قلت فى مره أنا هاشوف ايه هيا أكتر عربية موجودة فى مصر.وطبعا اللإجابة معروفة فازاى تبقى العربية وحشة وانت بتشوفها فى الشارع أكتر من الميكرباصات لكن قولى كده بتنزل تلاقى كام لوجان مثلا بس ده مايقولش ان اللوجان وحشة بالعكس أنا كنت مقتنع بيها جدا بس لازم تمشى مع السوق ويوم ما تعوز تبيع تلاقى الناس بتبوس ايدك مش العكس.
وكمان خلى بالك هيا بس تتجنط 15 أو 14 كمان و ماقولكش على الثبات قفل امبرها لو عايز,
و كمان الموتور ما شاء الله عليه قوى جدا و يستحمل و لما يبقى معاك (مش هاقولك fullboard) لأ اتنين بس ومشغل التكييف ما تلاقيش العربية بقت بطة بلدى (زى اللانوس لقدم ماتورها)وكمان قطع الغيار ماقولكش ممكن تلاقيها فى السوبرماركت اللى تحت البيت (عشان انتشارها)
عيبها الوحيد (فى رأى طبعا) التقفيل مش اد كده بس طبعا الزراير مش بتوقع والكلام العجيب ده


الخلاصة ما ينفعش تاخد كل حاجة و عايز تدفع 70 ولا 80 ألف لازم لازم تضحى بحاجة و أعتقد الفيرنا أقل تضحية موجودة
نصيحة: لو هاتجيب فيرنا جيبها الكاملة مش الفاضية

[sarawe511]

بصراحة اللانوس من حيث الصالون اوسع م الفيرنا و م حيث الثبات اثبت م الفيرنا و م حيث فخامة التابلوة افخم م الفيرنا بس الفيرنا تتميز ب حاجتين اولا الموتور الشديد ثانيا الصاج الخارجي ملموم شوية عن اللانوس و دة طبعا بيبقي اسهل ف السمكرة

[al_manara]

انا مش بحب العربية دي بس الي انت بتقولة دة ما ينفعش نوصف بية عربية اساسا . عاوز تقول ان العربية بالمبيعات دي فيها دة كلة !!
مش ممكن

[osama_ruan]

بصراحة اللانوس من حيث الصالون اوسع م الفيرنا و م حيث الثبات اثبت م الفيرنا و م حيث فخامة التابلوة افخم م الفيرنا بس الفيرنا تتميز ب حاجتين اولا الموتور الشديد ثانيا الصاج الخارجي ملموم شوية عن اللانوس و دة طبعا بيبقي اسهل ف السمكرة

[ahmednabeel]

حب الفيرنا كما تحب حبيبتك فالفيرنا عروس سيارات الشباب

واحلى تحيه للفيرناويه بس

[acs]

روح مكتب ايجار واجر العربيتين
وجرى بيهم مثلاً على 160 كده وانت تعرف تختار وتعرف الفرق
بس حاول بقدر الامكان ان يكون العربيتين فى نفس الحاله الفنيه

[max9500]

السلام عليكم , اولا احب اقدم حاجة بسيطة كدة عن الفيرنا , انا استلمتها في شهر 6 اللي فات , اول حاجة العربية ممتازة جدا , تديك زي ما انت عايز , بالنسبة للسرعات العالية , قولي على مكان في مصر دلوقتي اقدر امشي فيه اكتر من 100 و دة يبقى حاجة جامدة , بالنسبة للفرامل فهي خط احمر مينفعش التهاون فيه و كل واحد بيعرف قدرات عربيتة كويس , يعني انت لما تعرف عربيتك هاتعرف تتحكم فيها , بالنسبة للصالون بتعاها حلو و التابلوة لذيذ و كمان انا شايف في العربية دي ميزة حلوة , انها بتخليك تحس بيها قوي يعني وانت سايق تحس ان انت والعربية واحد و كمان عزل العربية حلو جدا وتكيفها تلاجة ,و بالنسبة للعربية انها واطية على الارض شوية فليها حل وهو انك تركبلها عليات و جلدة طعمية هاتخليها زي الفل .
يارب يكون اكون قدرت افيدك في موضوعك .

[shouk_1987]

ولو على العلو خش هنا وانت تشوف 2010 بقت عاملة ازاى

http://www.nilemotors.net/Nile/118550-a.html

[twincam]

بص
لو لازم زيرو هات الام11 وسيبك من كلام انها صيني وكده
لو مستعمل هاتلك كريستالة 1600 خليجي نضيفة كده ووفر فلوسك وهتبقى راكب حاجة احسن من الفرنا ميت مرة

[Ahmed R08]

الفيرنا عربيه كويسه جدا فى حدود سعرها وانا بحبها اكتر من اللانوس كشكل وكموتور

العربيه ثباتها معقول وانا معايا العربيه من 2007 ومركبلها جنوط 15 وبسافر كل اسبوع من القاهره لدمياط واقدر اقولك الثبات تمام لغايه 140 بعد كدة بتبقى خفيفه

الزراير بتقع والكلام الفاضى دة مش صحيح هى فعلا خامات التابلوه مش حلوة اوى بس معقوله مش بالدرجه دى

الصاج بتاعها تمام ومش خفيف اوى

اللى عملته فيها من اول ما جبتها بغير الزيت والفلتر وتيل الفرامل والحمد لله على كل حال

ربنا يوفقك للى فيه الخير

[modaalexlover]

فيرنا طبعا بس الموديل 2006

مع ان الكلام ده مش هيعجب ناس كتير بس 2006 احسن مليون مرة من الموديلات اللى الوكيل انطلق فى تخريبها قصدى تجميعها
الموتور 1500 برقبة ال1600 واستهلاك بنزين ممتاز وثبات رائع حتى 170كم بعد كده حسيت انى محتاج جنوط اكبر لانى بدات احس غربلة خفيفة فرجعت 170 صدقنى والله عربية بجد