?i10 or Atos Prime

[lala88]

أنا محتارة بين ال i10 w Atos Prime.نزلت شوفت الاتنين والاتنين عجبني, وكمان قالوا لي في غبور انهم نفس الموتور وكل حاجة الفرق الوحيد في الشكل, بس في فرق كبير في السعر حوالي 5000 جنيه غير إن قطع غيار اتوس ارخص. إيه رأيكم هل في فرق بينهم وأنهي تكون أحسن.

[lol1986]

الاتوس كعربية اقدم وقطع غيارها ارخص من ال i 10

[monmonmon]

انا معايا i10 هاف اوبشن و العربية ممتازه بجد و الحمد لله زى الفل و عامله 8240 كم

انا مش بحب الاتوس اوى يمكن علشان شكل ال i10 احلى و اجدد

انا لو مكانك هشوف الشيفروليه سبارك لذيذه اووووووى بس هى اضيق منهم الاتنين.. و ممكن تعرفى اسعار قطع غيارها عامله ايه

لو فرق ال 5000 جنيه مهم و مش فارق معاكى شكل و كده هاتى اتوس لو عجباكى او سبارك

لو مستعده تدفعى فى ال i10 جبيها و مش هتندمى ابدا و مميزاتها عن الاتوس و السبارك
باور كهرباء خفيف جداااااااااا و انعم بكتيير
اعرض منهم
فرش جلد للهاف اوبشن
اشيك من جوه كتابلوه و خامات

الحاجه الوحيدة الوحشه فى العربية دى ان الكاوتش صغير رغم انها ثابته و كويسه جدااا عليه بس شكله مش حلو على العربية.. و انا غيرته بكاوتش عريض خلى شكل العربية جميل و ثباتها اتحسن

لو هتجيبى الفول اوبشن هتلاقى فيها مميزات كتييييييييييييييره جداااااااا هتعجبك

بس متنسيش قطع غيارها غاليه لو انت على ادك فى السواقة خلى فى اعتبارك الكلام ده.. و طبعا كله بمشيئة الله

على فكره فى مواضيع عن ال i10 فى القسم ممكن تشوفيها

بالتوفيق ان شاء الله..

[lol1986]

بلاش سبارك عشان توكيل منصور مش اد كده والشكاوى شغالة عليه الله ينور

[monmonmon]

بلاش سبارك عشان توكيل منصور مش اد كده والشكاوى شغالة عليه الله ينور

يبقى الكلام ده اكيد بقى
انا حتى والدى و اقاربى بيقولوا كده
انا بشوف فرع فى شارع الطيران شكله على قدره خالص و بيسيب العربيات مرميه فى الشارع!!!

[lala88]

شكرا جدا على الرد السريع والمفيد. أنا كمان سمعت الكلام ده عن توكيل منصور , غير إن السبارك اضيق.

[monmonmon]

شكرا جدا على الرد السريع والمفيد. أنا كمان سمعت الكلام ده عن توكيل منصور , غير إن السبارك اضيق.

العفو.. انا نسيت اقول على السوزوكى السيلاريو ممكن تعجبك و هتنزل قريب بس اكيد من المتوقع اسعار قطع غيارها تكون غاليه زى اى عربية جديدة بتنزل السوق

بالتوفيق.. و ابقى طمنينا هتجيبى ايه

[lol1986]

العفو.. انا نسيت اقول على السوزوكى السيلاريو ممكن تعجبك و هتنزل قريب بس اكيد من المتوقع اسعار قطع غيارها تكون غاليه زى اى عربية جديدة بتنزل السوق

بالتوفيق.. و ابقى طمنينا هتجيبى ايه

السيلاريو سوزوكى يعنى يابانى بس قطع غيارها هاتبقى استهبال فخليكى فى ال الاتوس ياما i 10 يابيكانتو

[monmonmon]

السيلاريو سوزوكى يعنى يابانى بس قطع غيارها هاتبقى استهبال فخليكى فى ال الاتوس ياما i 10 يابيكانتو

السيلاريو من مصنع سوزوكى-ماروتى فى الهند
و اعتقد هتبقى فى رينج اسعار قطع الغيار للعربيات دى

[lol1986]

مقدرش افتى فى قطع غيار السوزوكى والعربية لسه جديده كل اللى اقدر عليه خوديلكلفه فى المنتدى شوفى عيوبها ومميزتها ايه ان كانت السيلاريو ولا البيكانتو وال i10