المفتاح ضاع :((((

[LanCeLoT]

نسخة من مفاتيح العربية ال2 ضاعت بالرموت
ماعرفش في ثانية كده نازل اشتري حاجة بس كنت مستعجل ... راجع للعربية بدور على المفاتيح في جيبي ما لاقيتهاش .. ودورت عليها في المكان اللي اشتريت منه ولا لهوا .. بجد محروق دمي اوي ان الموضوع حصل كده في تانية الاربع
بسأل في مركز خدمة هيونداي قالولي زود المفتاح سنة ... قلتلهم لا ده كمبيوتر و كمان ضاع بالرمووت ... قالولي لا يا بشا كده لازم تغير كالونين الابواب والشنطة والكونتاكت والانذار كمان عشان الرموت ... ولسه هيسألولي على التكلفة
مش عارف انا زعلان اوي على الحركة وعلى المبلغ اللي لسه ماعرفوش
سؤالي هوا
هل في حل تاني ؟
حد عنده فكرة التكلفة ممكن تكون اد ايه ... علما ان العربية i30 ؟
العربية متأمن عليها هل ده يفيدني في حاجة ؟
هل لو غيرت الحاجات دي اثبتها في كتيب الضمان و لا بلاش احسن ؟
وشكرا مقدما

[LanCeLoT]

طب حتى كلمة مواساة

[بوالينو]

اخي الكريم اعلم ان ما اصابك لم يكن ليخطأك وان ما أخطأك لم يكن ليصيبك واعلم اخي الكريم انه قدر الله وما شاء فعل وانه قضا أخف من قضا وحاجة بتفدي حاجة / علي فكرة انا معنديش معلومات بس حبت اشاركك في الموضوع

[Karim_Mohy]

قدر الله وماشاء فعل
وانشاء الله حد يفيدك في موضوع التكلفة

[LanCeLoT]

اخي الكريم اعلم ان ما اصابك لم يكن ليخطأك وان ما أخطأك لم يكن ليصيبك واعلم اخي الكريم انه قدر الله وما شاء فعل وانه قضا أخف من قضا وحاجة بتفدي حاجة / علي فكرة انا معنديش معلومات بس حبت اشاركك في الموضوع

شكرا ربنا يخليك ... انت شخص محترم ... الحمدلله على كل حال
الواحد فعلا لما يفكر ازاي ما كانش مركز ... يرجع يقول ... قدر الله و ماشاء فعل ... خلينا في اللي احنا فيه
ربنا يكرم و حد يفيدنا

[LanCeLoT]

قدر الله وماشاء فعل
وانشاء الله حد يفيدك في موضوع التكلفة

شكرا .. و ربنا يكرم ان شاء الله و حد يفيدنا

[a_tantawy7]

هون عليك يا باشا, أنا مرة نسيت المفتاح في الكونتاكت وسيبت العربية دايرة و نزلت من العربية وقفلت المسوجر بتاع الباب وقمت قافل الباب زي الباشا لأكتشف أني نسيت المفتاح بداخل العربية, طبعا حضرتك بتضحك ازاي حد عاقل يعمل كد؟ الجزء الأكثر اضحاكا أني سيبت العربية وروحت أشوف حد يفتحلي الباب, رجعت لقيت واحد أخد حديدة من الأرض وبيحاول يفتح الباب بالقوة وطبعا بهدلي الباب والقايم, اضحك قوي بقى, الموقف ده بحذافيره كان لسة حاصل معايا هوا هواه مفيش قبل الحادثة دي بأسبوعين, و رغم كده لم أتعظ.
الخلاصة: ساعة القدر يعمى البصر, قول الحمد لله و ان شاء الله بسيطة, تحياتي.

[ehibrahim]

اخى الفاضل قدر الله وما شاء فعل
اذهب الى التوكيل لاعادة برمجة الكمبيوتر بالسيارة لمفتاحك وشراء مفتاح بديل الموضوع دة فى الفرنا بيتكلف 700 جنيه

[ahmedfd]

أولاً قدر الله و ما شاء فعل ... و إوعى تزعل.
ثانياً أنا هحكي لحضرتك على موقف شبيه حصلي و ده ليس من باب النصيحة و لكن ده اللي أنا عملته.
أنا عربيتي بنت عمة عربيتك إلانترا 2008.
المهم حرامي إبن حلال كسر زجاج الباب الخلفي و هيا راكنة و سرق جاكت كان على الكنبة و للأسف كان فيه نسخة المفتاح و الريموت التانية (عارف طبعاً إنه غلط مني لكن الحمد لله على كل شيئ).
المهم غيرت الزجاج من دوسو اللي في شارع هارون و جنبه علطول فيه المحل اللي واخد تركيب الكاسيت و الإنذار في عربيات غبور و شغله مبيخرجش العربية بره الضمان بس الحقيقة مش فاكر إسمه دلوقتي.
المهم أنا حكيتله على اللي حصل و هوا عرض إنه يغير وحدة الإنذار و يديلي مكانها وحدة جديدة بإثنين ريموت جديد و دفعت باين 150 أو 200 جنيه مش فاكر الحقيقة و الموضوع خلص على كده.
اللي نفعني إن السرقة مكانتش جنب البيت خالص فالحمد لله لو الحرامي عنده نيه و جرأه يرجع يسرق العربية فأنا كنت مشيت و بعدت فيفترض إن مفيش قلق من نسخة المفتاح التانية و بالتالي مفيش حاجة لتغيير كوالين (و على فكرة أنا أذكر إن الموضوع ده غالي).
النقطة الثانية إني معنديش إيموبيليزر فمحتجتش وكيل لإعادة برمجة كونترول أو غيره يعنى الموضوع كان بسيط الحمد لله و عملت نسخة مفتاح عادية جداً من واحد بتاع مفاتيح نضيف.

بالنسبة للـ i30 لو معندكش إيموبيليزر زي الإلنترا العادية بتاعة غبور و لو الإنذار مش الأصلي بتاع العربية و راكب هنا برضه ممكن تعمل زي ما أنا عملت.
اللي فاضل بس نقطة نسخة المفاتيح اللي ضاعت و مدى قلقك من إمكانية حد يلاقيه و هو عارف إنه بتاعة عربيتك بالذات.

أسف على الإطالة و أرجو إني أكون أفدتك.

[LanCeLoT]

هون عليك يا باشا, أنا مرة نسيت المفتاح في الكونتاكت وسيبت العربية دايرة و نزلت من العربية وقفلت المسوجر بتاع الباب وقمت قافل الباب زي الباشا لأكتشف أني نسيت المفتاح بداخل العربية, طبعا حضرتك بتضحك ازاي حد عاقل يعمل كد؟ الجزء الأكثر اضحاكا أني سيبت العربية وروحت أشوف حد يفتحلي الباب, رجعت لقيت واحد أخد حديدة من الأرض وبيحاول يفتح الباب بالقوة وطبعا بهدلي الباب والقايم, اضحك قوي بقى, الموقف ده بحذافيره كان لسة حاصل معايا هوا هواه مفيش قبل الحادثة دي بأسبوعين, و رغم كده لم أتعظ.
الخلاصة: ساعة القدر يعمى البصر, قول الحمد لله و ان شاء الله بسيطة, تحياتي.

الف شكر يا باشا ... احنا شكلنا احنا الاتنين لازم نشوفلنا استشاري تركيز
وفعلا قدر الله و ماشاء فعل

[LanCeLoT]

اخى الفاضل قدر الله وما شاء فعل
اذهب الى التوكيل لاعادة برمجة الكمبيوتر بالسيارة لمفتاحك وشراء مفتاح بديل الموضوع دة فى الفرنا بيتكلف 700 جنيه

ربنا يجازيك خير .. بس اناالقصة اللي اتقالتلي في التوكيل حاجة تانية خالص
لازم تغير الانذار .. والكوالين لو عايز تبقى متطمن
يا ريت توضحلي اكتر

[LanCeLoT]

أولاً قدر الله و ما شاء فعل ... و إوعى تزعل.
ثانياً أنا هحكي لحضرتك على موقف شبيه حصلي و ده ليس من باب النصيحة و لكن ده اللي أنا عملته.
أنا عربيتي بنت عمة عربيتك إلانترا 2008.
المهم حرامي إبن حلال كسر زجاج الباب الخلفي و هيا راكنة و سرق جاكت كان على الكنبة و للأسف كان فيه نسخة المفتاح و الريموت التانية (عارف طبعاً إنه غلط مني لكن الحمد لله على كل شيئ).
المهم غيرت الزجاج من دوسو اللي في شارع هارون و جنبه علطول فيه المحل اللي واخد تركيب الكاسيت و الإنذار في عربيات غبور و شغله مبيخرجش العربية بره الضمان بس الحقيقة مش فاكر إسمه دلوقتي.
المهم أنا حكيتله على اللي حصل و هوا عرض إنه يغير وحدة الإنذار و يديلي مكانها وحدة جديدة بإثنين ريموت جديد و دفعت باين 150 أو 200 جنيه مش فاكر الحقيقة و الموضوع خلص على كده.
اللي نفعني إن السرقة مكانتش جنب البيت خالص فالحمد لله لو الحرامي عنده نيه و جرأه يرجع يسرق العربية فأنا كنت مشيت و بعدت فيفترض إن مفيش قلق من نسخة المفتاح التانية و بالتالي مفيش حاجة لتغيير كوالين (و على فكرة أنا أذكر إن الموضوع ده غالي).
النقطة الثانية إني معنديش إيموبيليزر فمحتجتش وكيل لإعادة برمجة كونترول أو غيره يعنى الموضوع كان بسيط الحمد لله و عملت نسخة مفتاح عادية جداً من واحد بتاع مفاتيح نضيف.

بالنسبة للـ i30 لو معندكش إيموبيليزر زي الإلنترا العادية بتاعة غبور و لو الإنذار مش الأصلي بتاع العربية و راكب هنا برضه ممكن تعمل زي ما أنا عملت.
اللي فاضل بس نقطة نسخة المفاتيح اللي ضاعت و مدى قلقك من إمكانية حد يلاقيه و هو عارف إنه بتاعة عربيتك بالذات.

أسف على الإطالة و أرجو إني أكون أفدتك.

شكرا يا بوحميد .. هوا طبعا قدر الله و ماشاء فعل ... بس انا مش عارف ابطل زعل (انا عارف طبعا انه غلط )بس تعمل ايه حاجة تحسر
كويس الحمدلله ان الحرامي ماخدش باله ان المفتاح في الجاكت والا كان خد العربية بالمرة
ياريت تفتكرلي اسم المحل .. وبعدين هوا الانذار اللي غيرهولك زي اللي كانت جاية بيه ولا غير
انا بقى مشكلتي ان المفتاح ضاع جنب شغلي .. واساسي طبعا لازم هركن هناك يوميا .. فمش لاقي حل غير اني اغير كمان الكوالين
اخر حاجة وصلتلها مع مركز خدمة ان الموضوع (نغيير الكوالين و الانذار بمفتاحين جداد) هيتكلف في حدود 3000 جنيه وهسيبلهم العربية 3 ايام
انا حاسس اني عامل حادثة.. يالله ربنا يخلفني في مصيبتي

[ehibrahim]

اخى الفاضل موضوع تغيير الكوالين حتى لا يتم فتح السيارة ام اعادة برمجة المفتاح فالغرض منه عدم امكانية تدوير السيارة
ولكن يمكن فتح باب السيارة ولكن فى هذه الحالة سيقوم جهاز الانذار باصدار اصوات حيث ان السيارة تم فتحها بالمفتاح وليس بالريموت

[LanCeLoT]

اخى الفاضل موضوع تغيير الكوالين حتى لا يتم فتح السيارة ام اعادة برمجة المفتاح فالغرض منه عدم امكانية تدوير السيارة
ولكن يمكن فتح باب السيارة ولكن فى هذه الحالة سيقوم جهاز الانذار باصدار اصوات حيث ان السيارة تم فتحها بالمفتاح وليس بالريموت

طيب هيا اعادة البرمجة دي تنفع للمفتاح الكمبيوتر
كمان العربية عندي نازلة بانذار من غير صوت او سرينة
بس انا في حد كمان قالي ان مش لازم الانذار كله يتغير ... وحدة استقبال الريموت بس هي اللي مطلوب تتغير هل الكلام ده صحيح؟؟؟

[ehibrahim]

اخى الفاضل اعادة البرمجة تخص مفتاح كمبيوتر والعملية ببساطة انه يتم اعادة تشفير المفتاح الخاص بك وشراء مفتاح اخر من التوكيل وتشفيرة بنفس الشفرة وبالتالى المفتاح المفقود منك سوف يصبح شفرة مختلفة وبالتالى لا يمكن تدوير السيارة ويمكن فقط فتح ابواب السيارة يدويا وليس عن طريق الريموت وفى هذه الحالة سوف يصدر الانذار صوت اما بالنسبة لكون السيارة الخاصة بك انذار بدون صوت فهذا امر لا اعرفة وان كنت اعتقد انه بصوت ولكن لا يسمح الا عند فتح السيارة بالمفتاح وليس بالريموت بعد غلقها بالريموت جرب واخبرنى لن سيارتى فيرنا وبنفس الطريقة التى ذكرتها لك .وبالتوفيق ان شاء الله