رابطة لملاك النيو اكسنت

[Ayman-Ahmed]

انا جبت طقم شبورة من وسط البلد ب 265 + وجبت زينون من محل فى شارع دمشق عاالى وواطى ب 600 ومركب فلتر اسبور سيموتا من التوكيل بتاعة فى دمشق ب 120 ومركبهم برا وقربت ادخل اعمل صيانة ال 5000 وخلى دكر فى التوكيل كدا يقولى ان الضمان ملغى مدام مركب الحاجة صح ومش فيها ضرر على العربية دوس يامعلم دية حاجة ملكك وبتعتك صباح الفل

ربنا يباركلك ويباركلنا فى ما اعطانا ربنا.

ممكن تقوللى مين فى وسط البلد بيبعهم بالسعر ده؟ولو هغير اللمض واجيب تنجسرام هتبقى الاضاءة فى الفوجات احسن؟لان اكيد زى ما انت عارف ان النور الصغير فى الاكسنت صغييييييييير جدا ولما بفتح الوسط يبقى كل اللى جاى فى وشى يقوللى النور النور.

[a7med920]

السلام عليكم
والله انا عاوز اشترى واحده ان شاء الله بعد العيد اتوماتيك 2010 عاوز اعرف ايه الالوان المتاحه للعربيه وايه اهم حاجة ممكن اعملها بعد ما استلم العربيه لانى مش ليا فى العربيات خالص
بالاضافه لو انا عاوز اتعلم عن الكماليات وكده ااقرى فين فى المنتدى انا عمال ااقرى مثلا عن الستار والعوامه وحاجات كده مش عارف ايه هى دى كل اللى اعرفه ان العربيات الجديده مش عاوزه اكترمن زيت وبنزين فى اول كام سنه وتقريبا كده الكلام دا غلط ولو عاوز اامن على العربيه اامن عليها فين وهل التامين بيكون الصيانه فى التوكيل ولا فى المكان اللى انا مأمن فيه ياريت ياجماعه تقولوا ليا الرحله حتبقى ازاى والدنيا فيها ايه لاحسن انا تايه خالص

شكرا لكم مقدما

[Ayman-Ahmed]

السلام عليكم
والله انا عاوز اشترى واحده ان شاء الله بعد العيد اتوماتيك 2010 عاوز اعرف ايه الالوان المتاحه للعربيه وايه اهم حاجة ممكن اعملها بعد ما استلم العربيه لانى مش ليا فى العربيات خالص
بالاضافه لو انا عاوز اتعلم عن الكماليات وكده ااقرى فين فى المنتدى انا عمال ااقرى مثلا عن الستار والعوامه وحاجات كده مش عارف ايه هى دى كل اللى اعرفه ان العربيات الجديده مش عاوزه اكترمن زيت وبنزين فى اول كام سنه وتقريبا كده الكلام دا غلط ولو عاوز اامن على العربيه اامن عليها فين وهل التامين بيكون الصيانه فى التوكيل ولا فى المكان اللى انا مأمن فيه ياريت ياجماعه تقولوا ليا الرحله حتبقى ازاى والدنيا فيها ايه لاحسن انا تايه خالص

شكرا لكم مقدما

وعليكم السلام ورحمة الله وبركاته

هحاول افيدك على قد ما اعرف:

اللى انا سامعه هنا فى المنتدى ان مفيش 2010 خلاص .
الالوان المتاحة بتبقى حسب كل معرض.
تشيك على ايه وانت بتشترى: ده ممكن تعرفه من خلال البحث فى المنتدى عن كلمة اشيك -بشترى وده من خلال البحث هنا فى منتدى هيونداى.
تقرا عن الكماليات فى قسم الكماليات فى المنتدى والاكسسوار
فعلا العربية الجديدة مش محتاجة كتير غير عناية وعدم جرى فى الاول وبراحة ومن كلامك باين انك مبقلاكش كتير بتسوق فبراحة لحد ما تحفظ ابعاد العربية وتركنها براحة وبلاش حد يسخنك ويقولك انت معاك زيرو اجرى يا عم وفتح موتورك والكلام ده لانه مش خسران حاجة.كله هيجى براحة.
التوكيل علاقتك بيه صيانات بمعنى اول ما العداد يوصل لارقام زى 1000-5000-10000-15000-20000-25000 وهكذا لحد ال60000 بتفضل متابع كل مرة مع التوكيل وتغيير زيت وكشف على العربية معاهم.
التامين لو انت بتشترى كاش يبقى احسن شركة مصر للتامين ولو بتشترى قسط يبقى المعرض بيقسطلك مع شركة تابعة ليه.وبمشيئة الله مش هتحتاج التامين فى حاجة الا لو لا قدر الله العربية اتخبطت او اتسرقت وانت بعيد عنها.

وربنا يسترلك ويسترلنا طريقنا

[a7med920]

وعليكم السلام ورحمة الله وبركاته

هحاول افيدك على قد ما اعرف:

اللى انا سامعه هنا فى المنتدى ان مفيش 2010 خلاص .
الالوان المتاحة بتبقى حسب كل معرض.
تشيك على ايه وانت بتشترى: ده ممكن تعرفه من خلال البحث فى المنتدى عن كلمة اشيك -بشترى وده من خلال البحث هنا فى منتدى هيونداى.
تقرا عن الكماليات فى قسم الكماليات فى المنتدى والاكسسوار
فعلا العربية الجديدة مش محتاجة كتير غير عناية وعدم جرى فى الاول وبراحة ومن كلامك باين انك مبقلاكش كتير بتسوق فبراحة لحد ما تحفظ ابعاد العربية وتركنها براحة وبلاش حد يسخنك ويقولك انت معاك زيرو اجرى يا عم وفتح موتورك والكلام ده لانه مش خسران حاجة.كله هيجى براحة.
التوكيل علاقتك بيه صيانات بمعنى اول ما العداد يوصل لارقام زى 1000-5000-10000-15000-20000-25000 وهكذا لحد ال60000 بتفضل متابع كل مرة مع التوكيل وتغيير زيت وكشف على العربية معاهم.
التامين لو انت بتشترى كاش يبقى احسن شركة مصر للتامين ولو بتشترى قسط يبقى المعرض بيقسطلك مع شركة تابعة ليه.وبمشيئة الله مش هتحتاج التامين فى حاجة الا لو لا قدر الله العربية اتخبطت او اتسرقت وانت بعيد عنها.

وربنا يسترلك ويسترلنا طريقنا

ربنا يبارك فيك وينور طريقك ويسترها معاك احنا وانت ان شاء الله بقى سوال واحد هل الذهاب للتوكيل كما قلت حضرتك بمقابل مادى لو فيه مقابل كم بيكون واخيرا سمعت ان هناك زيت للعربيه وزيت للفتيس ما هو الفرق ما بينهم و امتى اعرف ان الزيت ده او ده عاوزين يتغيروا

تحيتى لكل من ساعدنى فى المنتدى

[Ayman-Ahmed]

ربنا يبارك فيك وينور طريقك ويسترها معاك احنا وانت ان شاء الله بقى سوال واحد هل الذهاب للتوكيل كما قلت حضرتك بمقابل مادى لو فيه مقابل كم بيكون واخيرا سمعت ان هناك زيت للعربيه وزيت للفتيس ما هو الفرق ما بينهم و امتى اعرف ان الزيت ده او ده عاوزين يتغيروا

تحيتى لكل من ساعدنى فى المنتدى

اللهم امين ويارب اهدينا الصراط المستقيم.

المقابل المادى بيبقى حسب اللى هيعملوه بس فى حاجات ثابتة وهى المصنعية بمعنى فى صيانة الالف دفعت حوالى 360 جنيه عشان غيرت زيت الموتور وصيانة ال5000 دفعت 270 وهكذا وفى جدول صيانة بتستلمه من التوكيل واسالهم عليه وانت بتعمل اول صيانة.او اسال وانت بتحجز ميعاد الصيانة على التيلفون هتكلفنى كام تقريبا وقبل ما بيدخلوا العربية بيقولولك التكلفة التقريبية كام يعنى مش تدبيس.

زيت الموتور بيتغير كل 10000 كم لو انت حاطط زيت ال10 ويستحسن تغيره على ال9000 لو بتسافر كتير او بتقرص فى الجرى وتعرف ان زيوتك تمام من مقياس الزيت وده من علامة Low او High اللى على المقياس ونفس الكلام على زيت الفتيس ما عدا المسافات يعنى مبيتغيرش كل شوية.وفى جدول الصيانة هتلاقى ميعاد تغيير زيت الفتيس.الا لو لا قدر الله عندك مشكلة فى موتور او فتيس.

[samernazmy]

انا سامر ومعايا 2010 شامبين

[mtradwan]

كان عندى نفس المشكلة فى الباب الخلفى ... واظبطت فى صيانة الالف .. لا تقلق

[hanyrefaat79]

انا هانى معايا نيو اكسنت اوتو موديل 2011 نبيتى عربية تحفة ومتينة واستهلاك البنزين اقتصادى جدا

[amostafa76]

أحمد و معايا 2011 فضى

[haytham_sh13]

انا هيثم
معايا نيو اكسنت اوتوماتيك2010 فيرانى.

[islamallam]

يا جماعة انا معايا نيو اكسنت 2010 فيرانى مانيوال
العربية كويسة جدا والحمد لله بس مش اقتصادية اوى زى اللانسر 1300 موديل 2000 بس بصراحة معقولة اوى على 1600

اللى عايزة بقى من الناس الحلوة تقولى اروش العربية ازاى
ومثلا لو هيقولى اغير الميريات لمريات كهربا تكلفتها كام واجبها منيين وهكذا وشكرا مقدما
اللى انا عملته فيها فرشتها جلد

[ah_altaweel84]

يا جماعه انا ناوى ان شاء الله اشترى العربيه
بس محتار بين النيو اكسنت السبورت والعاديه
(الاتنين2011 اوتومانتك فول ابشن)
ممكن حد يساعدنى ويعرفى الفرق بينهم يستاهل ولا لا

[baky2003]

أنا كمان ناوي إن شاء الله على نيو اكسنت فول اوتو 2011
ولما سألت ع الفرق بين الاسبورت والعاية قالي الفرق في الشكل بس

[zezmograby]

يا جماعه انا ناوى ان شاء الله اشترى العربيه
بس محتار بين النيو اكسنت السبورت والعاديه
(الاتنين2011 اوتومانتك فول ابشن)
ممكن حد يساعدنى ويعرفى الفرق بينهم يستاهل ولا لا

مفيش اي فرق غير انهم شايلين الاكصدام اللي قدام بالشنب ومغيرنها في مصانع غبور
واالكساحات وشكل الحتة اللي ورا في الشكمان
ولا ليهم اي لزمة وادفع ياعم 5 الاف زيادة
وياريت تستاهل الاكصدام الكلبس بتاعة بيفك وضعيف جدااااااااااااا غير الاصلي بتاع بلدها
دا انت لو دوست جامد علي الشنب بصباعك الصغير هيكسر
واختلاف بسيط في الفوانيس
دا علي حد علمي

[sfarouk]

بسم الله الرحمن الرحيم

الي كل من يملك هذه السياره الرئعه

انا ناوي اشتريها ان شاء الرحمن - ارجو افادتي بخصوصها م حيث ( قطع الغيار - مشاكل السياره - بعض الملاحظات عليها ....ألخ )