استهلاك بنزين النيو اكسنت 2010

[GMakram]

انا عندى استفسار,كنت مسافر العين السخنه مع واحد صاحبى معاه اكسنت 2010 العربيه عامله 2000 كيلو اوتوماتك كنا ماشيين الطريق مابين 160 و 180 والاوفر درايف مفتوح طبعا صحبى كان مفول العربيه قبل مانسافر ووصلنا العين السخنه كان التنك فاضى نصه بالضبط,انا بس عايز اعرف هل استهلاك البنزين ده طبيعى علشان الاوفر درايف والسرعه العاليه ولا العربيه لسه علشان مكملتش 5000 كيلو استهلاكها متظبتش؟ شكرا مقدما

[monmonmon]

انا معايا i10 يعنى 1100 سى سى
على السواقة الهاديه تعمل اكتر من 380 كم فى الصفيحة بس سرعة فى حدود 80-90
و الماتربكس نفس النظام تعملها بتاع 350-370 فى الصفيحة

لاحظت على نفس طريق العين السخنة بسواقة ال i10 على سرعة اقلها 120 الى 150 و اكتر عملت معايا بتاع 280 كم فى الصفيحة مع العلم انها مانيوال.. التانك كان بيفضى بسرعه و نزل تحت النص بمجرد الوصول

فما بالك بمكنة 1600 و كمان اتوماتيك و على سرعة 160 و 180!!!!!!
و متنساش انها CVVT و عند السرعة دى انت عند Maximum Power يعنى استهلاك عالى جداااااااا لانك اكيد كابس اخر الدواسة!!! و لا ايه؟؟؟

[monmonmon]

نسيت اقولك ان مفيش حاجه اسمها الاستهلاك يتحسن و لا بعد 5000 و لا 10000 كم

انا لحد ال 5000 كم كنت بعمل ارقام خرافيه زى الاستهلاك المثالى اللى بتذكره الشركة

يعنى كنت بعمل فى الزحمة الشديدة بال i10 حوالى 320 كم فى الصفيحة

حاليا العربية عامله 8400 كم و مش بتعدى 260-280 كم فى الصفيحة

[ahmedmohelsayed]

موضوع استهلاك الوقود ده مهم جدا في تقييم السيارة
يا ريت لو كلنا نشارك في الموضوع ده
وكل واحد يحدد معدل استهلاك عربيته
انا كان معايا لادا 2007 كانت بتستهلك في المتوسط صفيحة (20 لتر) كل 200-220 كم
اما النوبيرا 2006 بتستهلك في المتوسط صفيحة (20 لتر) كل 220 كم

[ahmedbakr50]

أنا أكسينت 2000 1500 سى سى انجيكشن
بتعمل معايا حوالى 210 فى الصفيحة داخل المدينة

[GMakram]

شكرا على الردود والاهتمام يا جماعه من كلامكوا فهمت ان ده معدل الاستهلاك العادى للعربيه خصوصا انها 1600