أرجو المساعدة بخصوص نيو النترا... استفسارات بسيطة

[alivara]

السلام عليكم
الموضوع ده انا عملته في قسم الورشة برضه بس حبيت احطه هنا و اضيف عليه حاجات خاصة بهيونداي و اتمنى الفادة منكم

أنا عندي النترا 2009 عاملة 4000كم و العربية ممتازة جدا بس ليا شوية استفسارات
1/ فيه صوت تزييق في العفشة و تكتكة في ناجية الباب الشمال (باب السائق) بيبانوا في المطبات و الطرق المتكسرة ده من ايه و حله ايه ؟

2/ بعد ما اشد فرامل اليد و اسيب فرامل القدم بيظهر صوت تزييق لفرامل اليد و كمان لو هزيت العربية و فرامل اليد مشدودة بيظهر صوت تزييق ده من ايه ؟

3/ الفرك بالعربية (الأمريكاني) و هي لسة 3000كم ممكن يكون أثر على حاجة فيها ؟ انا عملتها مرتين بس و مش هعملها تاني بس في اخر مرة شميت رائحة شياط مع اني عملتها على طريق ترابي و على الأول و ال rpm ما وصلش 7.. ياريت تقولولي لو فيه اي مشكلة حصلت .. انا خايف يكون حصل حاجة لأسطوانة الدبرياج او اي حاجة

4/ العربية دايما بتمشي في طرق صعبة جدا مليانة حفر و مطبات و انا خدت مرة حفرة و انا على سرعة 50 كم/س ممكن ديه تكون اثرت على حاجة ؟ و الطرق الصعبة ديه ممكن تأثر على العربية بشكل كبير؟

5/ ايه احسن مكان عمل فيه صيانة ال 5000 كم ؟ انا بفكر في قليوب

6/ الفوطة الزفرة ديه كويسة و لا بتضيع لمعة العربية ؟ هي كويسة اوي في التنظيف بس معرفش ايه تأثيرها على الدهان

أنا لما سألت اصحابي عن النقطتين 1 , 2 قالولي العفشة بس مش متربطة كويس و ما ربطوهاش كويس في صيانة الألف كم فهل ده صحيح ؟

اسف جدا على الاطالة.. انا عارف اني بدقق بس انا بحب العربية ديه جدا و ما بحبش الاقي فيها اي مشكلة و لو صغيرة و اتمنى انكوا تردوا عليا بسرعة لأني رايح الكلية يوم الأحد و مش هعرف ادخل المنتدى

شكرا مقدما

[m_s_h_a]

التزييق عادى مع فرامل اليد فى الهيونداى كان معايا الماتركس بتعمل كده

[dr_abooody]

الفرامل اليد عايزة تتشد

روح صيانة ال 5000 في ابو رواش او قليوب

بالنسبة للحفر طالما العربية ماشية كويس و مفيش حدفة يمين او شمال او صوت غريب يبقى ربنا سترها معاك

بالنسبة للمشي في الحفر و المطبات الكتير انت كدة تحتاج تربيط عفشة اكثر من اي سيارة عادية يعني ممكن ما بين الصيانات تروح لواحد عفشجي تخلية يربطلك العفشة و تدلية 10 جنية مش هيحضر الذرة يعني دة شوية صواميل

اما بالنسبة للفوطة الزفرة اعتقد انها كويسة بالذات ان مصر كلها تراب و دة الحاجة الوحيدة اللي بتنضف كويس بس لو فيها تراب هتبدأ تجرح
انت تلمع بيها العربية ما عدا الازاز

بالنسبة للتفويت هو مش كويس طبعا بس مش هيجرى حاجة من مرة و لا مرتين و لا حتى 10
بس ما تعملهاش تاني و الشياط دة تلاقية كاوتش

و العربية ما شاء الله كويسة و ممتازة جدااا و انا معايا موديل 2009 زيك بالظبط و مانيوال بس عامل 3000 كيلو

و ربنا يباركلك فيها

[Ramiy]

عزيزى
رائحة الشياط هى رائحة اسطوانةالدبرياج
سوف تدوم معك بعد الفرك لمدة يوم او يومين و بعدين تروح لوحدها
لها اثار على العمر الافتراضى للاسطوانة نفسها

[ahmed_2009]

هى الالنترا المانيوال فيها مرايات كهربا

[m_s_h_a]

هى الالنترا المانيوال فيها مرايات كهربا

طبعاااااااا فيها لكن النيو اكسنت مفيهاش ومش قادر اعرف ايه السبب استخسروها ليه ؟

[alivara]

shokran awy 3ala el mosa3da yd dr. Abody we koll elli sharko
we tab3an mesh ha3melha tany 3shan el 3arabeya se3bet 3alaya hehehehe !
We el ghalta el wa7eda enny kont banadaf el zogag bel fota el zefra
3ala fekra ana lessa merakeblaha farsh geld bas to7faaaaa we be 450 gneh bas

asef 3shan katabt 'franco arab' asl da5el men net el mobile

[alivara]

7(9'''''''' AJG' DCF 'DFJH 'C3F* EAJG'4 HE4 B'/1 '91A 'JG 'D3(( '3*.31HG' DJG

ya 3am ommal t2ool eh 3ally esta5saro masnad el sawak fe elantra(el consol)
dol nas ta3bana

[snake2082000]

انا اقدر اجوبك علي النقطه السادسه و نصحتي هي بلاش الفوط الزفره لأنها زي السنفره بالضبط و حتضيع لمع العربيه و الدليل انظر لأي عربيه في الشمس حتلقي انعكاس الضوء علي جسم العربيه علي هيئه دواير و ده بسبب الفوطه الزفره

[alivara]

tayeb a3mel eh fel torab dah ?
El 3arabeya me7taga mas7 kol shoaya